نوارس الباديه ياهو ..للكاتبه ام رحيل ...ع م

نوارس الباديه .....ياهو بارت 19💕

.للكاتبه ام رحيل ...ع م
وبعد ما طلع عساف الخير مثل ما اتسميه حبوبه عذاب... ارتطم ابشي ومن قوة جسم عساف تكوم ذاك الشي بلگاع... وعساف ظل واگف ابمكانه لا ياخذ ولا ينطي تسمر من الخوف والرعب لا يكون الي ارتطم بيه تعور لنه امکوم گدامه لايتحرك ولا يحچي
وشال ابيض وگع ويه الجسم وغطاه ...وما چان يگدر  عساف ايشوف من وره الشال المن هذا الجسم...
وبعد ما راحت الصدمه من عساف دنگ على الجسم ورفع الشال عنه اشويه اشويه... وطلعت من عساف
صيحه چبيره... شگت صدره ورنت بلمكان طلعت ابابيل ترکض على صوت اصياح عساف...😰😰😰
-ها يعساف ليش اتصيح خير اشبيك...
-تعاي يخوي شوفي المصيبه الوگع بيه اخوچ عساف..
ورکضت ابابيل ولا اتشوف ابنيه چنه گمر ابملابس
الحضر متگومه وفاقده وعيه.. لن عساف چان شايل شربة الماي ايريد ايديره من الشمس للفي گبل ما يمشي من يم حبوبه عذاب وابابيل... ويطمن كلشي
اليردنه عدهن... ولمن طلع من الخيمه شايل الشربه
چانت.... منو.... زهراء اخت  عصام وريسان جايه للباديه.. تريد اتشوف البنيان وشغل اخوته بعد ما شجعه ريسان وعصام تجي وگلوله اكو اعشاب غريبه بلباديه مثل الاعشاب الضاگته ابماي الحب الي ابيت اهديل وصگر... وچان غايتهم ايخلوه تجي وتلتقي ابصگر ابدون ما تعرف منو هو وبدون ما يعرف صگر
وبعدين ايمهدون للحچي... ويگلولون الصگر وزهراء..
وبين ما چانت تفتر اتدور العشب الگال عليه ريسان وعصام واذا چلب من اچلاب عرب الباديه ينبح عليه لمن تگربت من الحلال اليحرسه... وخافت زهراء ورکضت اتريد اتفوت بلخيمه الشافته بطراف العرب
شارده من الچلب... وخايفه لا يعضه... وبهل وگت نفسه طلع عساف شايل الشربه بيده من خيمة حبوبه عذاب وتلاطمت زهراء ويه عساف وانطگ راسه بلشربه البيد عساف... وتگومت ما تدري بلدنيه والدم
طلع من راسه... وعساف ما شاف الدم طالع من راسه الا وطار كل العقل والرزانه الي چانت ابراسه ونسه كل التعلمه من صگر عن الطب والدوه والعشب...
-يله يخوي اشبيك صافن چنك ما شفت ابعمرك دم ولا مرضه... مو وانت زغير وانت تعالج اهل الباديه
يله يخوي خلينه انشيله للخيمه يم حبوبه عذاب.
-هااااا... اي. يخوي وشاله عساف من الگاع وچنه مو
ابنيه... چنه ريشه ورکض بيه للخيمه...
-هااا يحبوبه يعساف الخير اشو رجعت ابسرعه
وهاي منهي الشايله ههههههه... هاي چنه عروسك يعساف... هههههههه💀💀💀💀💀💀
وحطه عساف على الفراش يم حبوبه عذاب... وابسرعه ركضت ابابيل وجابت الماي ورشت على وجه زهراء وفتحت اعيونه وباوعت گدامه وبسرعه گعدت على حيله ...
-ها اني اشبيه  شكو اشصار
-ها ااااا هم حاسه بالم ...انتي شسمچ..
-اسمي زهراء... انت منو ...
-اني اسمي عساف بس انتي ليش چنتي اترکضين
وردتي اتفوتين للخيمه وانتي خايفه...
-چنت خايفه من الچلب ركض ورايه...
وچان عساف ايداوي الجرح البراسه وهو يسئله
وهي اتجاوبه وعيون عساف ما انشالة عن وجهه وعلى جمال اعيونه وشعره الچنه ذهب وهو يرفع خصلات الشعر عن الجرح البگصته ويضمدله الجرح
-زهراء اني كلش متأسف لان سببتلچ هذا الجرح وهذا الالم... ومستحي وين اودي وجهي من ريسان وعصام...
-لا وانت شمسوي قابل هو ذنبك لو اني الچنت اركض خايفه من الچلب ...
-وحست زهراء ابحركة اصابيعه على گصته وشالت اعيونه اتباوع الوجه شاب حلو لاف راسه بشماغ الباديه ورابط على صدره احزامين متروسات طلق مال تفكه وچنه فارس رايح للحرب... وسمرة الباديه
کحلت اعيونه ابکحله... وخلت زهراء اتباوعلهن وچن كل الحنان انجمع ودخل هاي العيون.. وحست ابرقة اديه وحركة اصابعه وهنه يرفعن الشعر عن گصته ...وسرت ابجسمه احساس غريب وجميل والالم اول مره يکون مو الم  واتمنت الالم والجرح ايضل ينزف مده طويله... حتى يبقى  قريب منه..
-انت.. شسمك
- اسمي عساف... وحبوبه عذاب اتسميني عساف الخير..