نوارس الباديه ياهو ..للكاتبه ام رحيل ...ع م

نوارس الباديه .....ياهو بارت 22💕

.للكاتبه ام رحيل ...ع م

-عمي صگر... لا تستعجل.... قصتنه صار اله اسنين والسنين تمسح كل سر وكل اثر واليبقه منه يضل مختفي بلصدور وكلمن يگول الي على هواه ورادته
ويخفي ويحرف بلي ايضره وما يفيده...
-اشتقصد يعمي ريسان... كلامك كله الغاز.
-اي عمي لان سالفتنه هاي لغز چبير ولازم ابعقل انحله ابدون ما نظلم احد لو انجور على احد ونسببله
الاذى وهو... ما يستاهل...
وحل هذا اللغز يمك ويم ماما حوري العايشه ابيتنه على انو هي مرتك... ومحد يعرف هذا الشي صحيح
لو... لا..... محد غيرك انت ايأكد هذا الشي النه...
-عمي ريسان گتلك اني متأكد هذا. گبر ..مرتي حوري التحليل ثبت هذا الشي مو بس عد واحد لا وزعت العينه الي اخذته من بقايه جثته على اربعه من اصدقائي الدكاتره والنتيجه اجتي كله سوه وهذا شي.... يعمي ....مايقبل اي غلط بيه...
-عمي صگر... ما بقه مكان للشك عدنه ولازم اتروح ويانه وتواجه حوري العدنه ونشوف ...
-شنو الي انشوفه عمي عصام...
-عمي... انشوف زهراء بتمن... هذا اهم من كل شي لان هاي.... المره ...اجتي وزهراء ابحظنه. وگالت هي مرت صكر... وهاي بته...
-يعمي يريسان... بس زهراء تشبه حوري...
-ونوارس هم تشبه حوري... ويطلع النه اربعه خمسه
يشبهن حوري ...اشلون.. كلهن بناتك.. احنه نريد نعرف وانت هم تريد اتعرف بتك الصدگ.... مو هيچ.
-اي يعمي... يريسان.. كلامك صدگ...وهسه شتگول
-اگول لازم اتواجه... ماكو بعد مفر من المواجه بينك
وبين اخوك خالد... ومرته حوري...
-واني قابل... بس لازم زهراء اتكون بتي لان دخلت گلبي وصعبه عليه تطلع منه...
-هذا شي حوري هيه الي اتحدده... ومو مجرد كلام
لازم اتبرهن النه بلدليل... ولوما الشغله بيه موقف مو حلو تتعرض اله زهراء... چان حللنه... دي ..ان.. اي..
بس عمره ومرکزه.. كدكتوره.. هذا الشي يجيب اله القيل والقال وسمعته تتشوه... ومن يگول ما يطلع عليه كلام انو هي بت موشرعيه...
-ريسان تتوقع اني بت مو شرعيه.. بس بابا صگر يگول اني اشبه مرته حوري کلش...
-ونوارس همين تشبه حوري..... وانتن اثنينچن تتشابهن... يعني الشبه بعد لازم ما نعتمد عليه... احنه
انريد الحقيقه ابدون چذب.... ولازم نتحمل ونتوقع كلشي...
-لا ريسان.. كلشي اتحمل... بس اني بت مو شرعيه هذا ما اتحمله... واذا هيچ خليني على حالي... ولا تسئل بعد،...
-لا زهراء هذا شي ما راجع بس الچ... هذا ايخصنه کلنه... اني وعصام ونوارس وعمي صگر.. حتى اهديل ايمسه ويخصه اکثر من الكل...
-شلون... ريسان اني حالي حالكم اسمع واشوف والتردونه انتم اني موافقه عليه...
-لا اهديل انتي شايله طفل صگر... يعني ما ايحقلچ اتفرطين اباي حق من حقوقه...
-هسه... وبعدين عمي صگر. شنو گولك ابحچي ريسان
-والله يعمي عصام... ماادري الي تشوفوه انسب الي والكم سوه واني اموافق على كلشي...
-يعني اتخذتو قراركم واني. مو مهم الي راح
ايصيرلي بلگي طلعتوني بت مو. شرعيه... اشلون...
-زهراء بنتي ...لا اتخافين... گتلچ انتي دخلتي گلبي
وحسيت بيچ بتي... محد يگدر يوخر هذا الاحساس،
لا من داخلي... ولا من داخل خالد،... اخوي واعرفه
وراح ايصير عدچ ابهات اثنين... ويچوز اتلاثه... اضحگي... وخلي الحلو گدامچ مو المر.... يله اضحكي
يله... يله... 😁😁
-هههه.
-هاي ضحکة چذب... بس ميخالف... وصدگي زهراء
شما راح تنکشف من اسرار.... تبقين اختنه الحلوه
الدلوعه... ما يتغير شي...
-ادري ريسان... بس گلبي خايف...
-لا اتخافين... بتي زهراء... الفرحه الدخلتيه اليوم الگلبي من گتيلي... بابه. ابد ما راح تتغير... حتى لو طلعتي مو بتي... وهذا شي مايصدگه لاگلبي ولاعيوني ..
-زهراء صدگي اني عدي سوه ان چان عمي صگر ابويه لو عمي.. لان ما راح يتغير... عمي صگر هو عمي صگر ذاك الحنين.... ان چان ابو ..لو ..عم ..
-نوارس... لان انتي عشتي وياه عمرچ كله وشفتي طيبته وحنانه عليچ حتى وانتي مو بته... وانتي اذا مو بت صگر راح تبقين بت جميله وبحر... بس اني
طلعت مو بت خالد... وهسه همين اطلع مو بت صگر
وامي چابتني وهيه شارده... واخاف يطلع ابويه.. مو
شرف الي... وامي الحبيته اسنين... تطلع مو فخر .ولا اتشيل الراس... وهذا الشي راح يحطم حياتي.... ويقضي، على كل الاحلام الحلمته...
بس نوارس ليش انتي. ساكته وحزينه... اشوفچ وانتي معروف منو امچ ومنو ابوچ...
-ما اعرف... زهراء ساعات احس ابحزن وبدون سبب
وساعات ابفرح وهم ابدون سبب... مثل اليوم قبل ما نجي البيت عمي صگر... حسيت گلبي ايريد ايطير من الفرح... والدنيه حلوه ماكو احلئ منه... وهسه. احس روحي تعيسه وگلبي مقبوض... والدنيه طالعه من عيني واريد ابچي...
-واني هم نوارس قبل ساعات چنت كلش فرحانه لان لگيت شي چنت ما لاگيته من زمان.... وهسه کلش حزنانه لان فقدت شي اعز واغله من الشي الگيته.. وهو بابه صگر..
-لا زهراء لا اتخافين انشاله اطلعين بت عمي صگر
لا تهتمين تره اني احس ابكلشي اتحسين بيه.. انتي
ما اعرف اشنون... وليش
-يگولون... التوم واحد ايحس بلثاني حتى لو واحد بعيد عن الثاني اذا واحد حزن الثاني يحزن مثله واذا فرح الثاني يفرح مثله...
-زين فيلسوف عصام... واذا واحد حب وحده... الثاني هم ايحب نفس الوحده...
-اي خلوصتي... حچيتي الي ابگلبي... وعلى الساني
..تقصدين مثلنه اني وريسان مو.. بس اني انسحبت
لان نوارس مسحت اسمي من ايده وعهد الدم كسرته
واختارت الحاماهه... وعافتني... واني اليعوفني
اعوفه خلوصتي..
-لا عيني مو لان مسحت اسمك... بس لان ما سبحته
ابماي السحر الجابته حميزيه ورادته تسبح بيه... واني سبحت بيه وما خليت نوارس تسبح بيه... لان عرفت حمزيه عده نوايه خبيثه... من وره جيبته للماي... ذاك اليوم...
-زين خلوصتي... خموستي... يعني سبحتي ابمايي واني سبحت ابمايچ... اگول صورتچ، بعيوني وريحتچ... اشتمه من بعيد،... يله انعيف نوارس
الريسان.... وانتي اتصيرين خلوصه حبيبتي...