نوارس الباديه ياهو ..للكاتبه ام رحيل ...ع م

نوارس الباديه .....ياهو بارت 23💕

.للكاتبه ام رحيل ...ع م
-وبعد ما شبچت الدنيا حبوبه ام الخير گامت تريد تطلع من بيت صگر.... وچلبن بيه كل البنات.... وصاحن ابصوت واحد...
-وين تردين حبوبه ام الخير...
-ما انخليچ اطلعين الا تگلين.. نوارس بتمن
وزهراء بتمن... وادور اخلاص اخميسه همين........... مو هيه الوحيده الي انعرف امه اتصير حمزيه.... وانتي
سويتيه بت جميله... تگلين اشلون لو من هذا البيت ما اطلعين...
-دهدني يبنات صگر الخير... فكني خلني ارد احرس درب عساف من بعيد،منا لمن عيني بعد ما تشوفه وروحي بعد ماتگدر تحميه ...هسه مو وگت حچي منا لمن عساف الخير ايرد من حلگ الموت وكلچن تعرفن عذاب اشسوت الچن.
-يا... حبوبه عساف اشبيه... ايصير حمزيه ودت وراه زلم يكتلوه... يايمه... اخيي... راح ايروح.. ابشربة مي،
-اهديل اشبيچ اتهدي انتي حامل مو زين عليچ...
-ما تسمع ام الخير شتگول... يصگر... كلامه صحيح لو تخاريف مره عجوز.. گلي يصگر ولا اتچذب عليه
وين وديت اخوي...
-حبوبه عذاب انتي مو گلتيله روح... وطلع من يمچ ليش ما گلتيله لا تروح...
-يزهره الروح... البصر اعمى... والظلام توه تگشف گدامي من اجتني ام عساف وشفته وياريت ما شفته
-يحبوبه... گولي،... واني هاي المره اسمع كلامچ ما اضحك عليه ولا اخالفه بس گولي.. شراح ايصير... وشسوي... ترديني،
-يصگر الخير... من گتلك لا ترد للمدينه... وعيف الشهاده... انت مو ش ابحاله... خالفت شوري وصار
البعد عن حوري اسنين والموت اخذه غدر منك وبناتك، تربن گلمن... ابطين وبتك صارت لحور العين...
-يعني زهراء بتي حبوبه ام الخير...
-اي زهراء بتك...... وكل البنات بناتك
بس الحگ عساف الخير... لايكتلوه... والحيه تحط سمه ابچوفه... ويتعذر علينه وكل طب ما يداويه...
.....
-اخوي ريسان... عصام... اخذو الزلم والحگوه ولا ترجعون الا وياه...
-زهراء اشبيچ اهدي... ما ادري عساف يعنيلچ كل هل
گد...
-اي عصام يعنيلي.. ارتاحيت...اهه... اهه😭😭😭😭
-زين عرفنه بس بچي.... قابل احنه الوديناه لو كله من ابوچ صگر... ههههههه....
-صحيح كلامك عصام اذا صار العساف شي ماراح اسامح روحي.... وجمع صگر الزلم وحنظل اخذهم وطار بيهم كلمن على احصانه وصگر و ريسان وعصام ركبو سيارة ريسان وتوجهو ابسرعتهم البادية الشام... يردون يوصلون گبل الليل ما يخيم علباديه.. لن حبوبه ام الخير حذرتهم من الليل... ولازم عساف
ما يحط ايده ابطعام... ولا ماي يشرب..
....... 🐍🐍🐍🐍🐍🐍🐍🐍........
وصل عساف الديرة الشيخ هدام الثارات... ابن الشيخ صركال.. يلشيخ... يلشيخ...
-اتفضل يخوي هله ومرحبه تفضل...
ودخل عساف بعد ما وگف السياره مالت زهراء اشويه عن خيمة الشيخ هدام ابن الشيخ صركال..
وچانت الشمس نزلت.. والناس شعلت ناره ابكل بيت
من ابيوت العرب المصنوعه من شعر الابل...
-يشيخ هدام اني اجيتك گاصدك.. ابشي مهم...
-الاول علمنه بسمك حته نعرف ابيش نناديك..
-العفو منك يشيخ هدام... اني اسمي عساف...
-زين يعساف... الاول تتعشه وترتاح وبعدين نشوف حاجتك.. وبيك خير... وتامر علينه موش تطلب والنگدر عليه انشاله ما نقصر بيه...
-لا والله يشيخ الامور ماتتحمل لا اكل ولا نوم والجاي علموده يهمك ويخصك .وما يتحمل التأخير.
-زين گول يعساف... ولو اسمك يذكرني بلحزن كله
ويرکبني العار كله...
-وليش يشيخ اسمي اشبيه...
-مابيه شي بس اريد اسئلك... انته تعرف امك واموك
منهو وبعدهم عدلين لو. ميتين..ولا تعتبر سؤالي اهانه الك... لن الي اخو مثل اسمك ضاع من اسنين
-يشيخ الاول سوألك زعلني... وحسيت بالاهانه بس، بعدين... عذرتك.. لمن عرفت ليش تسئل... اني يشيخ اعرف منهو امي ومنهو ابوي واخوتي... واني مو اخوك الضاع منك...
-زين يعساف گول الجاي عليه... اني اسمعك...
وشاف عساف الوگت مو مال شعر... والمچان مابيه احد غيره هو والشيخ ويگدر يگله الحچي ابدون شعر وخاف انو هدام مايعرف بلشعر مثل ابوه صرکال...
شوف يشيخ.. گبل اسنين طويله چانت تعيش وحده سحاره... تعرف بلسحر والاعشاب.ابعربكم..
-اي... اي. ..يعساف الخير گول...
-ههههههه...
-ليش يعساف تضحك...
-اعذرني يشيخ... ضحكت لنك گلتلي يعساف الخير
وهذا هو الاسم التناديني بيه ...حبوبتي عذاب..
ابديرتنه...
-زين يعساف الخير. گول. انك اتعرف مچان السحاره
حميزيه... گول يعساف وفرحني... ومن وره ستارة الخيمه اعيون اتباوع عليهم واذان مرة الشيخ هدام
تتصنت الحچيهم... والخوف ماخذه.. والعرگ يتصبب
من وجه...