Իրականության Սահմաններին

Մաս 14.

[ One Direction - What makes you beautiful ]

Հնչում է զանգը, լսարաններն արագ դատարկվում են, բոլորը գնում են ընդմիջման:Սևահեր աղջիկը փակում է գրչի կափարիչը և տետրերը, դնում պայուսակում:

-Արժի՞ մոտենալ:

Երկու ընկերուհիները նայում են նրա մեջքին, քննարկում:

-Արժի, բայց եթե մեզ չկոպտի:

Արմինեն քմծիծաղ է տալիս:

-Վախենում ե՞ս, Վի՛լ:

-Չէ, ուղղակի ինքը մեր նման ա:Իսկ մենք քաղցր բամբակ չենք:

Հոնքերից մեկը վեր բարձրացնելով՝ պատասխանում է Վիլյան:Գայանեն ոտքի է կանգնում և քայլում դեպի դուռը:

-Արի՛:

Արմինեն բռնում է ընկերուհու ձեռքը, միասին դուրս են գալիս աղջկա հետևից:

-Գայանե՛...

Սևահերը լսում է իր անունը և շրջվում:Փոքր-ինչ զարմանք է նկատվում նրա երեսին:Մոտենում են աղջիկները:

-Ճիշտ էի՞ հիշում անունդ:

Գայանեն ծալում է ձեռքերը որովայնի առաջ և պատասխանում.

-Ամենայն ճշտությամբ:

-Նորեկ ես, քեզ հետաքրքիր չե՞ն համալսարանի մնացած կորպուսները, լսարանները, տղաները...

Արմինեն շեշտում է վերջին բառը, աղջիկը՝ ժպտում:

-Բացի վերջինից՝ մնացած ամեն ինչը հետաքրքրում ա:Ուղղակի չգիտեի ում դիմել:

-Մենք քեզ կօգնենք, չէ՞:

-Իհարկե:

-Շատ լավ, երկար դասամիջոց ա, հենց հիմա կարող ենք սկսել մեր էքսկուրսիան:

Գայանեն շրջվում է և, գոհունակ ժպիտը երեսին, քայլում առաջ:

-Սկսում եմ սիրել:

Վիլյան խորամանկորեն բացականչում է, հետևում են սևահերին:

***

Համալսարանի բակի նստարաններից մեկին նստած են երկու հմայիչ աղջիկները:Եթե տեսարանին նայենք հեռվից, կտեսնենք, որ նրանցից մեկն ուղղակի հեռախոսով է զբաղվում, իսկ մյուսը՝ խոսում ինքն իրեն:Սակայն մոտենալով օրիորդներին՝ մեկ այլ տպավորություն է ստեղծվում: