الجزء الثالث
شفت حسين انتهى كام يبجي ويصيح واريد اساله اريد اعرف الصار احس لساني ثكل وبالكوه نطق لحد ما كدرت احجي اني كل جسمي يرجف
اسيل :لك حسيييييين احجي شكو شصار
حسين :امي بالمستشفى
اسيل :احس البيت وكع على راسي من الصدمه حتى دموعي وكفت وجسمي ضل يرجف ،بس احس روحي تلوب على امي
وبعد دقايق من الهدوء والصدمه الصارت بيه حسيت على روحي كمت ابجي مثل الطفل بصياح واشهك كلبي فرفح بسرعة صرت اتخيل بعد ما اشوفها خاف ماتت ومحد يكول.. الافكار ذبحتني
اخذت الموبايل وضليت ادك على بابا يدك وما يشيلة
خابرت عمتي واني ابجي طلعت تعرف كالت اني اصلاً بالطريق جايتج راح اوصل
ضليت بالربع ساعة كاعده بس ياكعده نار تشتعل بيه حاطه حسين وابجي وروحي تلوب كلساع اختنك بالبجي
ياربي راح اموت ارد اشوفها واتطمن عليها .
وصلت عمتي اتلكيتها من الباب وكعت بحضنها
عمه الله يخليج امي عايشه ..؟
ام اثير :يمه عايشه والله عايشة ،اسكتي اروحلج فدوه مكطعه روحج لاتخافين اكيد بخير هي
هسه اثيروصلني وراح يروح لابوج للمستشفى لو بيها شي جان كالوا
اسيل :سحبتني لحضنها تهدي بيه ..خليت راسي بحضنها واشاهك
جنت ما افتهم الكلام الجاي تكوله الا بعد مدة يلا ركزت وعرفت هي كالت مستشفى ..كمت كتلها اريد اروح هسه تاخذوني لامي
ام اثير :وين ترحين يمه مكلوبه الدنيا هناك خل يهدى الوضع اليوم نشوف شنو يصير وناخذج وابوج وصاني عليج ميقبل تطلعون من البيت ،هدي روحج ماما لعد اخوج الصغير يشوفج شيكول انتي الجبيره لازم تصيرين قويه
اسيل :رجعت كعدت ابجي مو بيدي عمه والله اذا امي صارلها شي ما اتحمل بدونها اني
-لا تخافين ان شاء الله ترجع كلشي مابيها بس صلي عالنبي وكافي دموع ادعيلها احسن
اسيل: اللهم صلِ وسلم وبارك على سيدنا محمد
حاولت اكتم دمعاتي بوسط عيني بس الي بالگلب ما ينكبت
خاصة كلما اتذكر شنو ممكن الصاير بيها هسه ترجع روحي تشوغ
الى ان تعبت وماحسيت بشي بعد نمت عالقنفه مال مطبخ كم ساعه بدون ماحس من البجي والتعب فقدت
كعدت من النوم ب٥العصر كمت اركض على عمتي
-عمه شصار احجيلي ليش عفتوني نايمه شنو الاخبار امي شلونها احجي واشهك
ام اثير :شبيج يمه اهدي على كيفج هسه خابروني امج زينه الحمد لله ونقلها ابوج لغير مستشفى ومسويلها عمليه لان اصابتها بضهرها بس ولاتخافين عليها والله زينه وهسه حتى تتطمنين راح يجي اثير ياخذنا الها
اسيل :اي عمه اروح وياكم رحت لغرفتي لبست ماعرف شلون طلعت لبس عالسريع بنطرون وقميص وحطيت الشال على راسي ونزلت ركض لكيت اثير جوه وسمعته يكول لعمتي بس انتي اخذج
دخلت عليهم ومن حركه كلبي كمت اتوسل بيه بدون ماحس حتى ياخذني الها
اسيل :الله يخليك اخذوني وياكم كلبي راح يطك عليها
اثير :ولج بابا ما تفتهمين هناك هوسه والدنيا مكلوبه شنو بنيه شابه تطبين للمستشفى بهيج وضع
اسيل :ولك امي هاااي امي انت متحس ،قابل رايحة العب اني گلبي محروك على امي وانت تكلي شعندج تطبين مستشفى !! تاخذني ترا اسوي بروحي شي وخطيتي بركبتك اثييير...عمه احجي وياه
أنت تقرأ
قدري المتعب
Misteri / Thrillerلا نعيم يدوم ولا طمأنينة باقية ،المتاعب بانتظارها واحلامها خلفها فتاة تقع ضحية للزواج بمريض نفسي بسبب الظروف، 🖤
