قدري المتعب

بارت 12

-بس اشوف عيونه تريد تطلع من الاعصاب كلش تخوف حتى نسيت حالتي ،لحد ما كمت ما اكدر اجر النفس
وهو مستمر خانكني كمت ارفس جوه واضرب بيده
جان مثل الفاقد حتى يمكن بعده بحلمه
ضربته بقوه على ايده ودموعي كامت تجري كمت اصيح
علييييي عوفني عووفني هاي انييييي ..
احجي وياه وابجي وخر مني بسرعه رجع ليورا كعد بالكاع

جريت انفاسي بصعوبه واني اشهك وابجي ،انوب صاح عليه ويحجي من بين اسنانه
-شجااااابج يمي ،اني مو اكول ماريد اشوفج كبالي ،انوب الكاج فوك راسي
-بقيت اتنفس بصعوبه حد ما رديتله
سمعتك تحجي بنومك وردت اتطمن عليك ،بعدني ممكمله كلامي

صرررخ صرخه كمزت من الفراش بسببه
-وانتتتتي شللللج دخل ،احجي اموت اشتعل ماللج دخل

-اي اي خلص معليه رجعت لفراشي وغطيت حتى راسي خفت منه
اريد اشرب مي هم ما شربت بس اريد اخلص منه
بقى هو على كعدته بالكاع وحسيته طلع من الغرفه شوي ورجع نام

حسيت الصبح بدون منبه شفت الساعه ٩ كمزت كلت شعجب ما كعدني
باوعته بعده نايم ،مرايح للشغل
صفنت عليه لو تبقى نايم اشرفلك احسن من هالاذيه بوجودك
يوم عن يوم اكرهه اكثر ،مشايفه هيج بشر جامد وبلا احساس وحقير هم

عفته ونزلت عادي جان يومي حد ما كعد هو وهم نفس الشي ونفس وضعه ،الضهر خابرت عمتي اسال عن حسوني ،كالت مريض واخذته للدكتور ونايم ميكدر يحجي وياج هسه
بقى بالي يمه انوب وحده سوده عليه واهلي ماكو ،كلبي اشتعل نار عليه وماعرف شسوي ،كلت احجي وياه حتى ياخذني لبيت عمتي او يدزني بيد احد

من رجع هو للغرفه كعد جان عنده شغل وحسابات جاي يشتغل بيهن
خفت اتقرب منه ،واني واكفه من بعيد حجيت

-اريد اروح اشوف اخويه مريض
رفع راسه بكل برود كال ماكو طلعه
-بس اخويه مريض ومحتاجني
-انتي ما تفتهمين؟!ولي من وجهي بلا مغثه

ضوجني حيل متحملت جاوبته باعصاب
-انت شنووووو متحس ،ماعندك كلب ،دا اكلك اخويه مرييض وترى اني مو عبده عندك،على شنو خانكني هالخنكككة!

حسيت على روحي ان بكلامي خليته يتخبل اكثر بس مجاي اتحمله ولا اكدر اضم الي بكلبي
شمر الي بيده واجه باتجاهي
بقيت واكفه ما اتحركت خاف عباله اخاف منه
اول ما وصلني جرني من شعري وخله وجهه بوجهي
-اي عبده عندي ،واذا معاجبج رجعي لاهلج

-احس نار صارت تطلع مني من مثر الاعصاب ،خليت ايدي على صدره ودفعته مني بكل قوتي حتى ماعرف شلون كدرت ادفعه حتى هو بقى صافن
كتله
اي اروح .. لان لا ميته عليك ولا على عيشتك او شوفتك ،انت اصلا متنطاق ومتنجرع ومخبببببل هم
من كتله مخبل شاااش راد يرجع يجرني نهزمت منه ونزلت اركض جوه
اسمعه يصيح ورايه ،اذا الزمج والله اكطعج ،اني مخبل مو الا اشوفج الخبال على اصوله