قدري المتعب

بارت 9

اسيل :خاله علي شنو يشتغل

ام امجد :حاليا جاي يشتغل بواحد من مجمعات الاثاث مال ابو هو لازمه يعني مل الشغل من مسؤوليته استيراد وتوزيع عالمحلات وتصاميم وكلشي يخصه

-زين خاله احجيلي عنه لان زواجنا صار بسرعه وما متعرفه عليه زين

-ليش ما سالتي هو شنو متتحاجون ؟حجتها بتعجب
-لا خاله بس ردت اعرف منج انتي احسن اذا ما عندج مانع

-شوفي حبيبتي هو كمل اعداديته هنا بالعراق بس ماقبل يدخل جامعه عاديه لان جان حلمه كله بالكلية العسكريه وهذا الكلام قبل ١٢ سنه ،من جان عمره ١٨ وجان بعده زمن الحكم القديم وابو يخاف عليه من سوالف الشيوعيين وغيرها وما قبل بلي طلبه بس هم جان مايرفضله طلب وبالكوه كدر يقنعه ان يسافر ويدرس اي شي يحبه خارج العراق ،سافر يم خاله لدبي وكمل جامعة هناك علوم حاسبات وطبعا هو مجرد شهاده اخذها ما يرغب بيها،صار الاحتلال وهم والده مال قبل يرجع للعراق بقى يشتغل بشركه خاله الى سنه ٢٠٠٧رجع وبعده مصر على حلمه وقدم على الكليه العسكريه وما كدرنه نمنعه ،عدت سنين وهو من دوره تدريب للثانيه وكل مره يعلون رتبته الى ان صار ضابط اله مكانته رغم صغر عمره ،الكل تخاف منه الى ان صار الي صار الح.....
اسيل :من حجت هيج سكتت بعدين مثل الشخص طلع منه كلام بالغلط .
اي خاله شنو الي صار
ام امجد:لا ماصار شي مجرد حوادث صارت بوكتها وبعد ما رضينا يبقى بدوامه فعمج خيره كاله لو دوامك لو احنا وهو ترك الدوام ،وحالياً هذا شغله مثل مكتلج حاله من حال اخو امجد .

اسيل :بعد الي سمعته منها ضل الشك بداخلي واريد اعرف شنو صاير ،بس مهتميت بعد كلشي يجي وكته واعرفه

خلص النهار واني افتر بالبيت واساعد امونه لان متعلمه بيتنا ارتبه بيدي ،وخابرت امي حتى اطمنها عني واسالها عن وضعها لان باجر يسافرون واني جاي احجي وياها هو دخل للغرفه تخشبت بمكاني شويه ورجعت احجي ويا ماما
وسالتني ماما عالعرس ،بقيت صافنه ماعرف شردلها هو اجه مدد عالجربايه اني اعتبرته مموجود
وبعدين جتي بالي فكره ،وكتلها مراح نسوي العرس
انصدمت ماما
-اسيل شنو هالحجي ليش ماما متسوو هذا حلم كل بنيه شلون ما تسوين عرس
-ماما مو بيدنا صارت ضروف ،حجيت بصوت ناصي وعيني تباوع بالبوكه على علي ،كتلها صديق علي المقرب اتوفى بعدني ممكمله كلامي شفته فز من مكانه وكام بقى يباوع عليه
واني احاجي ماما كمت امتمت
بلعت ريك واني اسمع امي كالت
-انا لله وانا اليه راجعون خطيه ماما هسه خاطره مكسور على صديقه ديري بالج عليه لا تخلي ينقهر
يلا يتعوض العرس ،تعوضو بغير شغلات المهم كوليلي شصار بينكم كملتو شغلتكم

-اني اسمعها بس بالي مو يمها خايفه من نضراته حسيت عليها وهي تصيحني
-الو الووو اسيل ماما وينج ما جاوبتيني د
-كمت امتمت اي اي ماما كلشي تمام لا يضل بالج اني كلش زينه
بس انتي اهم شي ديري بالج على نفسج وحسوني اني اخابره واتطمن عليه لا يضل بالج احنا بامان وحسوني عمتي تدير بالها عليه وباجر خابريني قبل لا تصعدون الطياره فدوه
-ماشي يمه روحي لرجلج الله وياج
-الله وياج يمه

سديت التلفون وهو بدا يرقرب مني واني بالكوه مصبره روحي بداخلي احجي هذا شبي
وصل يمي كال
-شنو الحجي الي سمعته
-غبيت روحي كتله يا حجي واني اباوع بعيونه
-بدت رحمة الله (ودار وجهه نفخ بعصبيه ورجع باوعلي وكال)
شنو صديق علي مات باوعلي ورفع حاجبه

-ها اي اتذكرت مو امي متعرف بزواجنه شلون صار فجان عبالها احنا مسافرين وراح نسوي عرس وتريد صوري اكيد ومالكيت غير حجه حتى اكولها لغينا العرس
بقى يباوعلي نفس النظره ودار وجهه وراح
اوووف دروووح احس نفسي جان مكطوع ومن راح كمت اتنفس

بدا ينزع ويشمر ملابسه اني بسرعه رحت للكرويته
والحمد لله امونه جابتلي فرش وغطى رحت لفراشي وما باوعتله بس ضليت اكلب بالموبايل هو راح سبح وطلع وطبعاً ولا معتبرني موجوده بعد شوي ويطلع بدون ملابس هاي صفه جديده عنه فوك ما خبل انوب ما يستحي ابد بالكوه مخلي المنشفه على خصره احسها تريد توكع
خاف يريد يستعرض بعضلاته ييييع هو اني طايقتك اصلا بسرعه افتريت للجهه الثانيه حتى لا اشوفه ،شبيه اني لكفت من عنده خبال بس احجي ويا روحي صايره
نام بفراشه وهم يكلب بموبايله مهتميت بوجوده بعد
وب١٢سويت روحي نمت بس حتى اشوفه شراح يسوي هاليوم هم مراح ينام ،ومثل ماتوقعت هو غفى شوي وفجاة صحى مثل المخبل كمز من الجربايه وكام يتمشى بالغرفه رايح راد وطول بكعدته فوك الساعة اني بعد تعبت من مراقبته وغفيت .الصبح
حسيت على صياحه يمي
علي :كومي مجايبج للنوم ،
هستوني جاي افتح عيوني وجرني من زندي ورفعني من الفراش صرت قريبه منه
علي:ليش ما محظره ملابسي وليش القميص مو مكوي
-اني بدون شي مزاجي يتعكر الصبح انوب هذا هيج يسوي صرت اعصاب جاوبته بصوت عالي
ليش احضرهن وليش اكويلك اصلاً مو عندكم خدامه اني ما اشتغل عن..
بعدني ما مكمله ما حسيت الا ضربني راجدي على وجهي احس اكو عضم بفكي طك ضربته تموت تنكط سم وانشمرت عالكاع ورجع اجاني واني بالكاع رجع شالني بيده الثنين رفعني وكام يصرخ بوجهي
علي :اني مو حذرررررررتج اني مو كلت صوتج ما يعلى عليه ورجع ضربني راجدي لاخ وهو لازمني بيده الثانيه
بس اني صوتي مطلع ومن ضربني عباله راح ابجي اتوسل بي
بس بقيت اباوع بوجهه احس عيوني ووجهي يطلعن نار والدمعه براس عيني بس ما نزلتها
وهو تخبل اكثر دفعني بكل قوته وكعت بالكاع اتاذيت حيل كمت الوب من الوجع
حجى وهو ياشر باصبعه يحذرني
-صدكيني ما ارحمج اكطعج هنا ومحد يكدر يحجي ،ف امشي عدل وبمزاجي اشر على راسه
ولما هسه عندي شغل جان اني مشيتج عدل بس الله يحبج

عافني راح لبس هدومه بسرعه وطلع
دروح الله لاردك كمت من مكاني ابجي بعد ما اتحمل وجع ضهري موتني من الدفعه مالته بقيت بفراشي ساعه دموعي تنزل حتى ماعرف شحجي ولا شلون ادعي بس افكر باذيتي
دك التلفون شفت ماما جاي تتصل مسحت دموعي بسرعه وجريت نفس حتى لا اخليها تحس بيه ورديت
-هلا ماما حبيبتي شلونج وين انتو
-هلا بيج يمه هسه احنا بالمطار شويه ونروح ادعيلي يمه انتي كلبج ابيض وفطير كون لا يروح تعبنه عالفاضي
-فدوه اروحلج ماما ماكو مثل بياض كلبج واكيد ليل ونهار ادعيلج بس من توصلون طمنوني
وراحت ماما كل الي حسيته بصوتها سكد هي فرحانه ،انطتني دافع حتى اتحمل كله لخاطرج ماما والله راح اصبر واتحمل بس اشوفج زينه وتمشين على رجلج