قدري المتعب

بارت 14

بارت 14

لسان حال اسيل

أجى واحد عليّا وكالي شبيك؟ أحسّ حملك ثكيل ودمعة بعيونك
وأحسّ داخل كليبك نار تشعل نار
وأحسّ ظهرك حنيتة وهدّلن متونك
كتلة القصة هيج وهيج بيّا الصّار
صـــــاح: الله أكبر، عمّي خيعونك
ما يسوون إظفرك خلهم يولّون ما عدهم كلب ذولا اللّي يأذونك
تتعذّب عليمن أنتَ هم إنسان؟ بس دوس أعلى كلبك لا يدوسونك

اسيل :كملنا العشى هو ماكو ،واني ايدي على كلبي ،بداخلي كلت عساك مارجعت
استغفرك ربي هاي شجاي اكول اتذكرت امي من احنا صغار تعلمنه لا تحقدون على احد وتوصلون لدرجه تتمنوله الموت ،الي يأذيكم ادعوله بالهداية وربكم يجازيكم خير على كلوبكم الطيبه
علمتني شلون يصير گلبي ابيض وما احقد بس مجاي اكدر اصفي كلبي من ناحيته هو ما مخلي مجال لهالشي كله اذيه بأذيه ،وهم احسه يستمتع باذيتي

رحت للغرفه بقيت افتر ملل وماعرف شسوي ،الكتاب مخلصته من زمان والكتب الي جابهن هو ولا اقتربت عليهن رغم عجبوني كلش
وماحب اقره بالموبايل عيوني تاذيني

عجبني ارسم لان جنت احب ارسم خاصه من جنت ادرس ملازمي اترسها رسومات بس ماعندي ورقه وقلم ومابيه حيل انزل ادور جوه ،عفت السالفه بقيت اباوع عالمرايه ،
اخذت الكحل خليت بعيني ترستها وهي جانت شكلها مسحوبة وكلش احب الكحل بيها ،صار هواي ممخليه مكياج يمكن من اجيت هنا لحد الان ممخليه اي شي بوجهي

اخذت الحمره جان قلم فاتح ردت اخلي واتراجعت ،لايروح يفكر حاطه مكياج علموده يييع هذا الناقصني رجعته بمكانه
فتحت شعري وبلشت اسرحه بالكاويه
طبيعه شعري سرح بس بي لفه من جوه فعجبني اسرحه كله لان ماعرف شسوي من الملل والضوجه كلبي طك
بالنص ساعه اسرح بي لان طويل بقالي كم خصله من ورا ساعه صارت ب ١٠ ونص تقريباً واني طايره
وحدي بالغرفه مزاجي عالي ،شكد حلو لو وحدي بيها
انفتحت الباب ودخل هو ،كلش عرفت شكد اني فكر كلما اتمنى شي يصير العكس

شفته بالمرايه يباوعلي لميت شعري وشلت الغراض كلهن وطلعت من الغرفه بسرعه ماريد ابقى كباله

رحت مددت بالصاله الي كبال الغرفه انوب بارده يربي لو جايبه وياي غطى ،وحتى مي نسيت اصعد وياي اعطش هواي
نزلت بالمطبخ عمي وعمتي بغرفتهم والبيت فارغ امنه تروح لبيتها ورا العشى متبقى
سمعت صوت نزلته من الدرج ،بلعت ريك ولزكت بالثلاجه جنت فاتحتها اخذت مي هو دخل المطبخ جاي اطلع ..كال

-اريد عشى
-وكفت بمكاني اوووف ،ورجعت كلت خل امشي وياه بالمسايسه حاجيته بصوت ناصي بدون ما اباوعله عيونه توترني هن حادات كلش وجواهن يملي الهالات السودا بسبب نومه المتقطع كتله

شعاجبك تاكل حتى اسويلك
هو مثل البقى صافن لان هيج كتله

علي: اي شي