مرحبا شلونكم حبايبي
اليوم جنت اكلب بالوتباد ،اتعرفت على حسابات هواي كاتبات مبداعات ومسيرتهم طويله واكو عدهم قصص هواي واكو قصصهم قليله بس عدهم تفاعل بشكل واسع ،هالشي خوفني من ناحيه لما حسيت الطريق هذا بي ازدحام بشكل واسع وصعب ادور النجاح بي واني اهم شي عندي انجح بالشي الي اسوي .
واتحمست من ناحيه ثانيه ،لما صار عندي حافز حتى انجح ،لان الكتابه عندي مر مجرد تقضيه وقت لان لو تقضيه وقت وهيج اني فارغه جان شفتوني مستمره وما انقطعت ابد وجان لكيتو قصصي بارتاتها اطول
بس اني الكتابه عندي هوايه واني بطبعي احب انجح بالشي الي ابدي بي
ومستعده اتعب ،واستمر بس ادور على قصص بطابع مختلف ماحب افكار مكرره رغم قصصي لحد الان هي قصص مختصره على ابطال معينين وما اتطرقت للي حولهم ابد ،
عندي احلام هواي واتمنى احققهن وواحد من احلامي ان الروايه الجايه الي انزلها تصير كتاب لان حتكون مختلفه عن الي كاتبتهن
طبعاً مو لغرض فائده ماديه بس هالشي هو اول باب للنجاح بمسيرة اي كاتبه
طبعاً من اكثر الكاتبات الي اعشقهن ،هن
مريم السعدي واول قصه قريتها بحياتي جانت الها
ونهى الحسون وريام هادي احب قصصهم وطريقتهم واخلاقهم الي اعرفها من خلال متابعتهم
واتمنالهم النجاح المستمر وهن اقوى دافع الي حتى اوصل للي وصلوله ❤️
هسه نجي لقصتنا اريد اسالكم تحبون انزللكم صور تشبه ابطالنا لو تردون تبقون راسمين صورهم بخيالكم 😍
أنت تقرأ
قدري المتعب
Misterio / Suspensoلا نعيم يدوم ولا طمأنينة باقية ،المتاعب بانتظارها واحلامها خلفها فتاة تقع ضحية للزواج بمريض نفسي بسبب الظروف، 🖤
