قدري المتعب

بارت 15

بارت 15

اسيل : اجه ناحيتي يتمشى بهدوء
اني احس داخلي صار عباره عن جليد عالبرود الي صار بيه
وصل يمي حجى بصوت ناصي بس بأمر

علي:تنامين عالجربايه ماكو رجعه لفراشج

-كال هيج وعافني وطلع برا الغرفه
رحت بكل برود حتى دموعي نشفو اخذت مخدتي ونمت عالجربايه بس منطيته ضهري يعني اذا يجي ما اشوف وجهه
راسي يريد ينفجر يمكن من البجي الي بجيته وحاله الخوف والهلع الي صرت بيها ،اكو بواحد من المجرات اشوفه يطلع منه ادويه هو دايما من يصحى بليل
كمت دورت بي شفت نوعيه مهدء واكو علاج صداع وهواي ادويه ماعرفتهن
اخذت براسيتول ورجعت نمت
هو اتاخر ماعرف وين وله
بالنص ساعه يلا اجه دخل بدون ميحجي اجه عالجربايه
اني ما اتحركت بس انتضره شوكت يريد او يعجبه ياخذ الي يريده واني صرت حجاره بدون احساس

حسيته مدد على ضهره اسمع انفاسه ،ورا شويه اندار عليه واتقرب خله ايده على خصري ولزك بضهري وشدني بقوه لجسمه ويتنفس بقوه يم ركبتي
واني شعره ما اتحركت مني بس بداخلي روحي تتصارع كارهه روحي بقربه ،بقى هيج ما سوى اي شي مجرد حاضني ونايم،وسحب الغطى وغطانه
من شفته مراح يسوي شي وتقريبا هو نام لان رخت ايده مني
كدرت اتطمن وغفيت
وبعدين ماعرف ورا شكد فزيت وياه من كعد من كابوس مثل كل يوم ،
شافني اباوعله وخر الغطى وكام طلع بالبالكونه حتى ملبس شي بهالبرد باقي بملابسه الداخليه
باوعت الساعه ب٣ الفجر
رجعت اني كملت نومتي
والصبح جان يوم جمعه ما يروح لشغله كعدت هو جان نايم بسابع نومه يمكن بقى هواي سهران ،
كمت غسلت وجهي ورجعت لملمت الغرفه بدون صوت اخاف يكعد وكملت ونزلت جوه
الكل بالبيت

دخلت للمطبخ كاعدين امه وابو ،
-صباح الخير
ردو هم
-صباح النور ،تعالي تريكي ويانه
-رحت جبت جاي وكعدت وياهم

ابو امجد: عمو وينه علي شنو بعده نايم شعجب
-اي عمو بعده لان منام بليل
شفته باوع لمرته وهز براسه ،شكلهم حتى اهله يدرون بوضعه بس ليش هو هيج ما جاي افتهم

صارت ب١ الضهر نزل هو ،جنت احضر الغده ويا امنه
اجه للمطبخ اخذ عصير من الثلاجه وراح للصاله
يم اهله

ما شفته بعد الا بوقت الغده تغده ورا الغده
دك موبايله جاوب وطلع بسرعه ساعه ورجع شايل سجل يمكن مال شغل
وصعد فوك ،اني بقيت جوه ما صعدت .ولو ما اهله جان حتى نمت بالصاله ولا اصعد واصير كباله
بقيت كاعده اكلب بالتلفزيون
جتي رساله لموبايلي
فتحتها ،مكتوب
-تعالي
بقيت صافنه هاي منو ،طالع يمي رقم بدون اسم
دخلت عالصوره انتضرتها تحمل
هذا هووو ،استغفر الله عود رجلي وماعندي رقمه غميت روحي بيدي امداني اني وياك
شكوله هذا هسه ،كتله
-مابيه حيل ما اصعد هسه
-اجي اني اصعدج مو اول مره هي

-يربي فدوه متخلصني منه ،كتله تمام صاعده
صعدت لكيته متمدد عالجربايه ،والغرفه ضواها خفيف بس الي داخل من ورا البرده لان بعدها عصريه
ماعرف شسوي بقيت اروح منا واجي منا اسوي روحي جاي ادور على شي
رحت اكعد اتفرج تلفزيون جان يصيح

_تعالي هنا
باوعتله يأشر يمه
بلعت ريك استغفرت ربي ورحتله
كعدت عالجربايه محسيت الا جرني وصار جسمي جوه جسمه بقيت اباوع بعيونه وخازرته ،هالمره الادوار تغيرت هو صافن بعيوني وعيونه نضرتهم متغيره ما مخوزر احسهن بيهن كميه من الهدوء
واني الي لازمه اعصابي بالكوه
قرب وجهه من وجهي درت وجهي بسرعه عنه ،دنك خله شفته يم اذني احس بحراره انفاسه بهالجو البارد ،كال بهدوء وكلمه كلمه

-احنا شتفقنا البارحه نسيتي شكلتي لو اذكررج

دمعت عيني وحاولت ادفعه من صدره بس مكدرت وهو لزم ايدي بايده وايده الثانيه سحب وجهي الي دايرته خلاه كباله واقترب اني غمضت باسني من كصتي ونزل يبوس بخدي واني مثل الحجر صرت
بس نفس يصعد وينزل وكميه الحقد الي بداخلي مو طبيعيه ،
خله شفته على شفتي باسها بهدوء ورقه ما تشبه شخصيته
شافني ماتحركت بعد بس مغمضه واخر ايديناته الي جان لازمني بيهن وكام يتحسس جسمي ويجرني اله وهو دافن وجهه بركبتي ،رغم هدوء حركاته بس جنت احس بشي ياكل جسمي وما هاينه عليه نفسي انذل اله بهالطريقه ،هو مستمر حتى ياخذ الي يريده جردني من ملابسي بس مو كلهن ،واني بداخلي كلبي يوجعني يمكن هذا حقه بس مو حقه ياخذه مني بهيج طريقه بعد ما خلاني اكرهه واتعذب منه مو بالتهديد مو بالخوف !!
حسيته صار يقوي ويضغط على جسمي اكثر بيده
وانفاسه تغيرت ،شويه وحسيته ضرب بيده بقوه عالمخده بصف راسي ففزني من حاله الجمود الجنت بيها فتحت شفت عينه بعيني وعيونه صايره حمره والدمار الي فوك حاجبه بارز من الاعصاب وخر مني بسرعه انطاني ضهره وصاح بعصبيه
-وخرررري من وجهي ،
كعدت بسرعه البس ملابسي بعدني ممكمله
صرخ مره ثانيه كتلللج وللللييييي ماريد اشوفج
لبست وطلعت من الغرفه بسرعه
واني احس بالانتصار ،ياربي شبي يمكن هاي حوبتي بينت بي
رحت للحمام غسلت وجهي فتحت سحاب التراك شفت اثار لزماته بجسمي لعبت نفسي .
طلعت من الحمام بقيت كاعده بالصاله المقابيل الغرفه
ورا شويه طلع وحجى من ورا خشمه
-لمي غراضج راح اخذج لاهلج

.....يتبع
حبايبي اعرف البارت قصير والله بس اني طالعه وكتبته الكم عالسريع وان شاء الله بعد بليل هم اكتبلكم بس الكه فرصه