قدري المتعب

بارت 18

وهذا بارت لاخ بنفس اليوم لعيونكم
والي ما ضايفني خل يضيفني هذا حسابي @roshan9797

وكثرو دعم اذا تشوفون القصه والتعب يستاهل تفاعل

بهالبارت راح تعرفون مواقف علي ويا اسيل بس هالمره من جهة نضره هو

بارت ١٨

مرات تكسر شخص وتأذي وتحمله اخطاء هو ما ارتكب ذره منها
بس لانك تعبت ومليت وشفت الناس الي بحياتك كلها نسخه وصوره وحده
مابقى بيك مجال حتى تتفهم شخص جديد دخل لحياتك
الدنيا بعينك كلها لون واحد والكل يتشابهون ،
والكل يتسابقون حتى يقتنصون الجزءالباقي من صبرك
وهذا الشي الي وكعت بي اسيل لمن دخلت لحياه علي
علي مثل الحجر الثمين بس مالكه احد يصقله ،حنون ووكلبه طيب وما حب الظلم بعمره
بس الي صار وياه اخذ منه اخر جرعه صبر وتحمل عالبشر العايشين وياه
الي صار وياه مو مجرد حادث مو مجرد اخو المتعلق بي من سنين نذبح كبال عينه وبس
الي صار هو تراكم وتتالي الاحداث الي صارت
لا ام راعته وحسسته انو هو شي مهم بالنسبه الها
ولا زوجه صبرت عليه ووكفت بضهره
ولا حلمه الي تعب عليه سنين دامله
كل هالامور خلته يحيط نفسه بكميه كبيره من القساوة
بس الانسان يحكمه اصله وداخله وطبيعته ويحتاج للشخص الي يذكره بداخله.

علي:طلكتها بعد ٣ ايام ،واني ما مهتم حتى بكلامها عن رجولتي ،لان اني من داخلي ما اتقبلتها ولا نفسي دنت لا عليها ولا لغيرها ،وماريد اي مره بحياتي وكل الي ديصير يثبتلي نظرتي الهن صح.

خليت كل طاقتي بالشغل وبس المجمع والسفرات الخاصه بالشغل والجم الي اطلع بي طاقتي السلبيه فقط ما الي واهس اروح لغير مكان ابد
وهيج استمريت شهور وشهور
لحد ما اجاني ابويه هالمره للشغل ودخل للمكتب
ابو امجد :الله يساعدك شلونك
وكعد يمي

علي:هلا يابه ويساعدك،الحمد لله ،شعجب هنا اليوم
-هيج جيت اشوف الشغل شلون ماشي
-شنو السالفه يابه عليه ؟هالشهور كلهن هسه يلا اتذكرت تسال عالشغل ،اكو حجي على لسانك كوله

-والله يا علاوي جاي اقترح عليك شغله وماريد تفشلني
-احجي يابه شوكت مفشلك اني

-لكيتلك مره بت حلال ....
-بعده ما كمل كلامه كمت وقاطعته بعصبيه
يابه شتحجي انت هالموضوع مو سديناه ،!!الف مره كتلكم ماريد اي صخام ،

-ابني ميصير هيج حالتك وانت جاي تكبر ما تصغر لازم تلكالك مره تكمل وياها حياتك

-هسه اني شاكيلكم
رب الحلو هسه لو تكول طبه وطلعه وسهرات وادور نسوان جان شسويتو ،اروحلكم فدوه عوفوني براحتي الي بيه مكفيني ،ماريد شلعان كلب ومحد تتحملني ترى والله اهججها بليله كشره