قدري المتعب

بارت 19

لا تكولون قصير ترى والله ادا اكدر انزللكم بارت ثاني مثل البارحه بس الكي فرصه

بارت 19

اسيل: شكد حلو من تتعب وتنظلم وتوصل مرحله توكع الدنيا من عينك عالرخص الي تحس روحك بي ،وبعد كل هذا يجيك شعور الانتصار من حيث لا تحتسب
هيج اني حسيت بالشي الصار اليوم ،اعرف شكد صعبه عالرجال هالموقف لان ماكو رجل يكدر يكطع حاله الاثاره الي هو بيها الا اذا جان بي شي يمنعه

عرفت من اذب حملي على ربي مراح يكسرني ويردني خايبه حاشى لله
صافنه ومبتسمه واني اباوع للشارع الي صارلي شهور مشايفته من جامه السياره وصافنه على شارع شارع والضحكه تريد تشك حلكي مثل الطفل
،
بعد ما كالي اخذج لاهلج واني الدنيا كلها ما واسعتني من الفرحه دخلت ركض للغرفه لميت ملابس عالسريع شلون مجان خفت لا يغير رأيه
ولبست صاي خليجيه فوك ملابسي حتى ما اتاخر بالتبديل ونزلت وراه للسياره جان منتظرتي
والطريق كله كلمه ما حجى ،

اي وصلنه هذي منطقتي اي اي والله هذي هي احجي بداخلي
احس كلبي كام يكمز ،اهلي ميدرون جايتهم وصلنه لشارعنا وللباب فتحت الباب بدون ما اباوعله اريد اطير
جرني من ايدي ،فزيت من لهفتي وباوعتله
منتضره شيريد يحجي ،بقى يباوعلي بلع ريك وكال
-ابقي هنا شكد متردين
-بداخلي اكوله اني لو بيدي ما ارجع ابد ،بس محجيت هالشي كباله مناقصه يتخبل عليه هسه
فبقيت ساكته بس هزيت راسي بالموافقه
شفته طلع محفظته وطلع منها فلوس

-هذن خليهن يمج خاف تحتاجين شي
-لا شكرا ممحتاجه ،
-حتى لو ممحتاجه اخذيهن لا تعصبيني
اخذتهن منه ونزلت
،واخذت جنطتي من ورا ودكيت الباب
هو بقى واكف بالسياره يمكن ينتضرني افوت جوه يلا يروح
شويه وفتحلي الباب بابا حبيبي
انصدم من شافني ذبيت روحي بحظنه وهو يبوس بكصتي حتى الدمعه نزلت من عينه ،هو هم جان عباله احنا صدك سافرنا
-ولج بابا شوكت رجعتو ،ليش ما كلتي جان اجيتج للمطار
-لا مو حبيت اسويلكم مفاجئه ،رجعت بسته ياربي شكد مشتاقتلكم شفت عين بابا ورايه وحجى
-تعال علي شنو السالفه تريد تنهزم
باوعت لكيته بعده واكف ،ونزل من السياره وهو محرج علمود بابا
طلع بابا من الباب وسلم عليه ورحب بي وجلب الا تدخل وميصير ومن هالحجي
اني دخلت وعفتهم ،دخلت متلهفه لشوفه امي مشايفتها على رجلها بعد العمليه ابد ،
شفتها كاعده بالمطبخ دتحضر ما انتبهت عليه بس سمعت صوت الباب
ام اسيل:ها عيني منو طلع عالباب
عبالها بابا رجع
بقيت واكفه بمكاني وراها وكفت هي وشالت الي بيدها وكامت وكفت
شهكت وخليت ايدي على حلكي من شفتها واكفه ،اندارت عليه من سمعتني
فتحت عيونها مصدومه
_بنيييتتي وذبت الي بيدها عالميز
ركضت عليها ذبيت روحي بحضنها ابوس بيها -ماما حبيبتي اشتاقيتلج ودموعي احس شلال
وهي تبجي وياي
-ليش هيج كطعتي بيه ولج يمه كلبي نار عليج ،وخرتني من حضنها شو شو خل اشوفج مشتاقه لوجهج الحلو لا تبجين يمه