قدري المتعب

بارت 23

مساء الخيرات عليكم ❤️
ترى قربنا عالنهايه مباقي لو بارت لو ٢
همتكم ويا القصه حبايب خل تزيد المشاهدات 😍
واذا اكو سحكات غلسو لان مراجعت البارت

بارت ٢٣

عاهدتني بالصدق ثم جفوتني
وسرقتني من واقعي ورميتني
وضممتني لصدك ثم قتلتني
جعلتِني لليل كم اسهرتني ؟؟
يا ساعياً لدربي كيف تركتني ؟
ورميت اعذاراً لعلك تختفي
وركضت خلف عواذلي وهجرتني
وسألتني بالله ثم كسرتني 💔

وصلتها ورجعت للبيت واني مخنوك وضايكه بيه الدنيا ،بعد كلشي مريت بي وحالتي ورفضي لكل مره اشوفها ،ومن كلبي رادها هي وحبها هيج انكسر منها ليش
ليش ياربي والله نيتي وكلبي صفيتهن الها بس ردتها تبقى الراحه الفقدتها سنين مالكيتها بس يمها ومن جلبت بيها طارت من بين اديا ،هيج اني ماعندي حظ ويا مره
بس هي غير الحسيته وياها ممجربه قبل ،من اشوفها كلبي احسه مقفول وتنفتح بابه
ومن تمشي كبالي هاي عيني الجانت ماترمش للهوى صارت تركض وتلحك خطواتها ،
وروحي الجانت محبوسه من يوم فقدت اعز ناسي
وياها طلعت وشمت الهوى،
وهي اختارت تروح وتسد كل باب فتحته بوجهي ،واني اختاريت احتفظ بمشاعري بعيدا عنها ،
وهيج كامت تمر الايام وهي ماكو ، يوم يجر يوم واسابيع تمشي
واني ماعرف شجاي يصير بيه ،القهر الجنت مقهوره منها صارت تطلع الف حجه كبالي حتى انساه

الغرفه تذكرني بيها وبأخر يوم الما جاي يروح من بالي بحلوه من اتذكرها بيدي وشلون تشدني الها وفرحتي واني اشوف روحي استرجعت كامل رجولتي يمها ،وبمره واني انصدم من كلامها ومخططها ودموعها ونفورها من الي صار ،
مجاي اكدر انسى ولا افكر بأي شي .

اسيل:هالمره جيتي لاهلي غير ،صح هذا هو الي ردته وخططتله بس محسيت بطعم الفرحه الجنت منتظرتها ،ماردت هيج يصير
كل يوم اتذكر هاليوم ،واتذكر كسرتي واتاذه اكثر من اكول هذا كله من ايدي ،
للمره الوحيده بحياتي الي افكر بيها حتى ااذي احد
وبالتالي اني الي اتأذيت
صار عندي ايمان ان الشخص النظيف من الداخل حتى لو فكر يلوث روحه هم مراح ينجح .
صار اكثر من شهر واني يم اهلي ووضعي ونشاطي وحيويتي مو مثل قبل ،مالي واهس بشي بالدنيا ،
امي كل كم يوم تسالني عن علي
واكولها نفس الحجه ،تعبت كلش وماعرف شوكت ناوي يطلكني ممعقوله راح ابقى معلكه هيج
منتظره هالخطوه واني كلي امل من اتخلص منه راح اكدر انسى واعيش حياتي مثل قبل .

كاعده العصريه وحدي بالمرجوحه وصافنه ،فزيت من كعدت ماما بصفي ،
-شبيج ماما ليش هيج هالفتره ،بس كاضيتها صفنه تجيبج وصفنه توديج
-مابيه شي والله ماما ليش هيج تحجين
-يمه ترى اني ام والام تحس بضناها قبل لا هو يحس بروحه
لا عبالج واني ساكتتلج هيج عبالج مادري بيج مقهوره ومهضومه هم ،
بس اني عايفتج انتي تحجين تتذكرين شلون قبل جنتي كلشي تحجيلي
ليش هسه هيج صرتي ماما ،ترى الهم يكبر وياذي صاحبه ويشل حاله اذا بقى شايله وحده
انطيني من همج اشيله وياج واخفف عنج،