وهذا البارت الثاني لليوم طبعا جاي اعوضكم حتى من اتمرض تصبرون عليه وتعذروني لان والله صارلي يومين صداع براسي دمرني
وهسه اعوفكم ويا البارت الناري
متابعه وقرائه ممتعه الكم ❤️
بارت ٢٢
اسيل :كلش مهضومه من كلشي صار اليوم ،يعني من كلام مروه وسالفه انو صارلي ٥ اشهر يمهم وما اعرف بي متزوج قبلي ٢ ،حتى لو هو ميهمني كشخص
بس اني محسوبه عليه زوجه فهالشي قهرني ،وضجت اكثر لان داخلي يكلي هو يريدج بس حتى يرضي غريزته الي هو اصلا جاي يصارع عليها
يعني لا يريدني ولا حباً بيه ،لان جان عالاقل صارحني وحجالي هالموضوع بس هو ممخليني بعينه اصلا ،،اووف تعبت من التفكير ،حقدت اكثر وااتحلفت اله اكثر بعد ،
صعدت للغرفه اريد ارتاح صحت امنه
امنه اني راح انام لا تصيحوني للعشى
صعدت لفيت روحي بالفراش ودماغي يودي ويجيب صارت ساعه ٧ سمعت صوت الباب سويت روحي نايمه ،سمعت حركته بالغرفه واخذ ملابسه وراح يسبح وطلع لبس ونزل كل هذا واني مسويه روحي نايمه
علي:رجعت للبيت اول مدخلت مشفتها بالمطبخ سألت امنه عنها كالت نايمه
استغربت متنام هي بهيج وقت ،صعدت وشفتها نايمه سبحت وبدلت ونزلت بدون صوت حتى لا افززها بنومها
-هو طلع واني كمت بسرعه طلعت ملابس هالمره غصباً عني ابطل خجلي ،اهم شي اشوفه مكسور مثل هذاك اليوم حتى ياخذني لاهلي لان بعد ما اتحمله
فستان بينصل قماشه يلزك كلش لونه احمر وبي فتحه للزر واصله وهو كيمونه شعري جان مضفور فتحته صار ملفلف كلش حلو وكلبته صفح وسحبت عيني بالايلاينر وشفتي خليتلها لون كللش خفيف بس راسمتها رسم ،خليت العطر الي جان يتعارك وياي من اخلي لان عرفت علته وين
والحجل الاسود برجلي ،وخليت شال على جتفي لافته
باوعت لروحي بالمرايه
والله طالعه حلوه احجي واضحك على روحي
واتخيلت منظره من يشوفني والله اليوم اشعلهم لاهلك .
خابرت على امنه كالت جاي يتعشون
كتلها صعديلي الغراض الي جبتيهن اليوم بس بدون ما يشوفوج
جنت موصيتها الصبح تجيبلي كرزات وشاميه وحلويات
صعدتهن الي وياهن مواعين حضرتهن وخليت فراش بالكاع كبال التلفزيون وكوشات وسويت كعده والمواعين مال حلويات وطاسه الشاميه كبالنا
طفيت الاضويه وخليت بس واحد خفيف وكعدت طالع فلم بقيت اباوع صارت ١٠ ونص وهو ماكو
هو مرات يتاخر يم ابو لان يبقون يحجون عالشغل
وراها صعد
علي :كملت عشى وجريناها سوالف وشغل اني وابويه محسيت بروحي كام ابويه راح لغرفته وصعدت اني للغرفه
فتحت الباب ارل شي عيني راحت للجربايه فارغه وبسرعه نزلت عيني عليها ،هاي شنو يا الله بعدني صافن عالوضع عبالك حلم ،انوب باوعت عليه
بقيت اباوع لعيونها
اسيل :بداخلي كلت يلا اسيل بدينا
باوعت عليه كتله واني رافعه حواجبي بتعجب شبييك
أنت تقرأ
قدري المتعب
Misterio / Suspensoلا نعيم يدوم ولا طمأنينة باقية ،المتاعب بانتظارها واحلامها خلفها فتاة تقع ضحية للزواج بمريض نفسي بسبب الظروف، 🖤
