قدري المتعب

بارت 16

بارت 16

ولأنك دائم الصمت ظنوا أنك لا تشعر ،
ظنوا أنك لا تتألم
لأنك لا تتكلم أو تعبر عن حزنك من قبل ،
أولا يعلمون أنَّ الصمتَ هو أبلغ درجات التعبير عن الألم ،
يظنون ان تلك القسوة هي من صنع قلبك ،
اولا يعلمون ان القلوب هن ضعاف رُهاف ،وان مُر الحياة هو صانع تلك القساوة.

راحت ١٥ بارت من قصتنا واحنا عشنا وياهم غموض حاد عن بطلنا الي تتمحور قصتنا عن حالته
علي وما اداركم ما علي 😅الي كرهتو كلللش
منا وجاي راح تعرفونه هو شنو
.
.

علي:الكل يعرفني وما يحتاج اعرف عن نفسي ،بس محد يعرف داخل علي شنو من شي ،

من الطفوله حلمي اصير ضابط ،وكبرت وكبر وياي هذا الحلم ،رغم الظروف ورفض والدي الي شعلي اصابعه ال١٠ شمع بس حتى اشيل هالفكره من بالي
بس بقيت مصر على هالحلم حتى بعد ما سافرت وكملت جامعتي بالخارج،انتضرت اول فرصه حتى ارجع واقدم عالكليه العسكريه ،وبعد ما صفت اوضاع ورجعت وقدمت وبديت ابني بحلمي وسبحان الله الانسان من يبلش بشي هو يحبه راح يستمر يكبره ويطوره بدون شعور ،وهذا الي صار وياي
ما جنت امل من الدورات التدريبيه اول ما كملت دوره الضباط وصرت ملازم ،عدت كم شهر وكامت تصير دورات اخرى حتى لو مو ضروريه هم جنت ادخلهن واجمع شهادات واوسمه وبعد رجوعي من اخر دوره باشرت الدوام ببغداد من بدايه دوامي بالكليه العسكريه واتعرفت على امير ،جان اكثر من اخ وسند ،طبتنا وطلعتنا سوى وحتى الدورات التدريبيه كلها سوى جنا حتى نتشابه مو بالشكل بالطباع والشخصيه والي يشوفنه يكول انتو اخوان جانو الجنود كل فتره واحد يكلي سيدي الملازم امير اخوك
-لا يابه مو اخويه
-بس والله هواي تتشابهون

يجيني امير بعد فتره يكلي نفس الحجي غير جندي سأله نفس السوال ونبقى نضحك عالموقف
ولك اني اشبهك انت مچلح
امير :يول مو انت مكفخ باللبن !غير يكعد راحه حسين فهمي

حتى من ننزل من الدوام هم كل طلعاتنا سوى يدخل ببيتي وادخل ببيته
واحد يسوي واهس للثاني بالشغل مسيطيرين عالفصائل الي مخلينه بيها وكل الجنود تحبنا ،رغم جنا صارمين بس بنفس الوقت عادلين بكلشي والجندي الي يحتاج شي يجي علينه بدون خجل ،

بهالفتره خطبت بت خالتي جانت بالنرويج عايشين ومن رجعو للعراق شفتها وعجبتني طبعا بعد نك امي براسي وهي الي دخلتها بمخي خاصه هي نضراتها الي تبين اعجابها وحبها الي ،جانت خريجه مكمله كليتها هناك بالنرويج ،سجى حبيتها حيل وجانت واول حب بحياتي هي .
واتزوجنا وجانت حياتنه حلوه وهادئه ،وهي متراهمه ويا امي تقريباً نفس النوع ،علاقتي وياها كزوج وزوجه بس ما جنا اصدقاء ،جنت اتمنى الي اتزوجها ما تطلع تشبه امي ،الي ما شفت منها شي من الامومه او الحنيه ،بس بعد النصيب وطلعت نسختها ،وما جنت اريد اطفال فمضبطين امورنا على هالشي وهي يصرفلها هااشي ،ماتحب المسؤوليه ،اكثر وحده بالبيت جانت تهتم بيه هي هدى اختي اصغر مني بس الگلب الطيب بينه ومن تزوجت سجى كامت تغار منها عليه وتسوي ومشاكل وخلتها تبتعد عني وهالشي ماعرفته الا بعد فتره طويله