قدري المتعب

بارت 4

البارت الرابع

ابو امجد:اني جاي اليوم اطلب بنتك منك لابني علي وبهالحاله راح اكدر انطيك مهله للدفع وهم خصم من الدين اعتبره مهرها وراح يسهل عليك علاج زوجتك

اسيل ؛جسمي كله خدر من الي سمعته ياربي شجاي يحجي هذا سمعت بابا صار عصبي
ابو اسيل :شنو هذا الحجي ابو امجد انت تعرف شنو معنى كلامك بنتي مو سلعه حتى ابيعها بهالطريقه انت شلون كدرت تفكر هيج من الاساس ،

ابو امجد:مابيها شي وبنتك معززة مكرمة بهالزيجة وهم كلا الطرفين يستفادون

ابو اسيل : نستفاد على حساب بنتيييي؟؟!!! هالموضوع انساااه

ابو امجد :اي انساه وبالمقابل ترجعلي فلوسي كلهن وبدون تأخير يلا ،اني استاذن

اسيل :ضليت واكفه ورا الباب ارجف من الصدمه منا صوت ابويه اللي جان عالي ومنا طلعه الرجال وسمعت ابويه ركع الباب وراه ،واني واكفة متبسمرة بمكاني
شويه واجه ابوية شافني بمكاني واكفه منظري اكيد جان يوحي اله اني سمعت كلشي

بس رغم هذا احساسي الطفولي يم ابويه او حتى امي مستحيل اكدر اتخلص منه ،اول ما شفت نظراته الي حجيت برجفة

اسيل :بابا سمعت كل كلامه ، ليش هيج جاي يصير ؟! شو الناس صارت لا تستحي ولا تخاف من الله ..
كعدت بالكاع لان جسمي ميشيلني من التوتر وايدي على وجهي افرك بي بقلق دنك عليه بابا
ابو اسيل :كومي بابا من كل عقلج انطيج اله هذا الحقير فلوسه ترجع اله فوك القندره وما يطولون ظفر منج
اسيل :بابا شلون شلون وعلاج امي لازم نعالجها بهاي الفلوس

ابو اسيل :ماعدنا غير حل بنتي امرنه ل الله وامج الله كاتبلها تكمل باقي عمرها هيج لما تُفرج علينه واخلصله فلوسه حتى اسويلها العمليه
اسيل:اول مره اشوف بابا هيج مكسور ضل بين نارين بس هو اختار يوكع بوحده منهن بدون تفكير

مجنت اعرف شنو براسي بوقتها بس كل الي اعرفه اني مو انانيه اهلي عندي بدل روحي ماكدر اخلي امي هيج اني بدون شي جاي اتعذب من اشوفها بهالحالة شلون بحالة لو علاجها ممكن يكون بين ادية واني الي منعته!

عفته وصعدت لغرفتي والافكار تتضارب ببالي وبقيت لثاني يوم كلشي محاجيه حتى ويا ماما على كد طلباتها اوفرهن وارجع لغرفتي نفسيتي تعبت من التفكير واخر شي قررت ويمكن قراري جان اسرع قرار اخذه بحياتي بس كل الي ببالي مصلحة اهلي وامي بالاخص

حياتي كلها تروح فدوه لخطوة من خطواتها
قررت اقبل واحاول اقنع ابويه هم ،رغم صعوبة القرار وصعوبة الموقف كله بس جنت اجبر روحي اتحمل واتقوى
لان الي جنا نمر بي ميتحمل ضعف ولا تردد ،انتظرت وقت اشوف ابويه بي كاعد وحده ورحتله

اسيل :بابا اريد احجي وياك بموضوع البارحه
-شتحجين ! الموضوع انسد وراح
-بس انت ما سألتني اذا موافقه او لا ...ضحك بأستهزاء
-تتشاقين بايا ؟! شسأل ولج ...