قدري المتعب

بارت 11

بارت ١١
-اكعدي اريد احجي وياج
-كعدت بسرعه وغطيت رجلي وهو كاعد بصفي عالجربايه واني بالكاع ، وهزيت راسي بمعنى اي

-انتي شنو حاجيه لاهلي ؟
-بقيت صافنه بوجهه مثل الغبيه مو علمود شي بس لان صفنت بسؤاله وشكيت بروحي معقوله اني حاجيه شي او مسويه شي غلط
صاح بوجهي فززني
-شبيييج اخرسيتي
-رديت عليه بسرعه
كلشي محاجيه والله

-يعني متأكده محد يعرف عن وضعنا
-لا والله ابد ابد حتى ماما من سالتني كتلها كلشي تمام ،
باوعلي بخزره
-شنو سالتج امج !!
حجيت بداخلي هسه اني شفتحت عليه باب ،

-ردي شنو سالتج امج
-رديتله بتلكأ ،يعني سالت عن علاقتنا وكذا
-اي احجي يعني شنو علاقتنا فهميني

-يارربي كلش ضجت هسه هو شنو زمال مجاي يفتهم لو بس يشلع كلبي فركت وجهي
كتله بدون ماباوع بوجهه وكمت افرك بيدي
يعني اقصد زواجنا يعني اتزوجنا من صدك وهيج قصدي

-اي وانتي شكلتي
كتلها كلشي تمام والله حتى امك من صعدت الغرفه مخليتها تشوف فراشي بالكاع حتى لا تحجي عليه
بقى صافن بوجهي
وكام بدون ميحجي ،هوووف هو شنو تحقيق يا الله شكد دردمت هالفتره ويا نفسي بسببه صرت مثل العجايز
رجع هو لمكانه حتى يكمل الفلم واني رجعت لفراشي وقتت الموبايل ب٧ حتى اكعد قبله ومايسويلي مشكله وتغطيت ونمت وترني كلش

كعدت الصبح جان بعده نايم هو نزلت لكيت امونه دتحضر الريوك مالته عمي جان طالع من وكت وعمتي نايمه
كتلها كملي شغلج اني اسويله الريوك
سويته كملته وصعدته فوك جان هسه طالع من الحمام مغسل وجهه
والله ميعجبني اباوع عليه بس شسوي اتماشى ويا وضعي حتى لا اجيب اذيه لروحي

اجى تمشى باوع للصينيه كال منو سوى الريوك
كتله اني ،محجى شي كعد اكل وطلع ملابسه جانت كلها مكويه وجاهزه هم مكدر يحجي شي
لبس وطلع رجعت وراه كملت نومتي وادعي من الله يجر عدل هالنهار
للساعه ١١ كعدت ونزلت جوه التهيت بشغلات بالبيت عمتي جانت طالعه لبيت اختها
صارت ب١٢ اجه هو استغربت مو عوايده يجي هيج وقت
هم دخل مثل الغريب كلمه ما حجى صعد فوك بسرعه بس جان مبين عليه تعبان او ضايج ولو هو من شفته وشافتي معصب مو جديده عليه
ورا ربع ساعه دك تلفون امونه شالته
اي استاز رح خبرها ،سدته وكالت استاز علي طلبك

-اتنهدت شيريد!
صعدت ببطى رجلي متريد تروح للمكان الي هو بي
وصلت للغرفه جان مدد عالجربايه بس على بطنه
بس دخلت كال
-انتي مراح تجرين عدل ،من شوكت جيت اني ليش مصعدتي ورايه
يحجي ووجه مو عليه
بقيت صافنه وفاكه حلكي (شنو صدك روحه اني مرته سي السيد )
جاوبته
مادري راح تحتاج مني شي ،شنو تريد هسه