قدري المتعب

سوالف بعد النهايه

بما ان خلصت القصة واني من النوع ماحب اخذ ريست طويل
واحب اسعى اكثر حتى اقدم شي احلى
حابه نسولف شويه وحابه احجيلكم الي اريد ابدي بي
لحد الان القصص مالتي عباره عن قصص قصيره مختصره على بطوله معينه وهي هاي البدايه الي لازم تبدا بيها كل كاتبه
وبعدين تبدي تطور من نفسها ،والحمد لله راضيه بالمتابعين والدعم حتى لو قليل لان اني لحد الان لا عندي حساب فيس للقصص ولا انستا ولا حتى بيج ولا مدعومه من اي شخص
ان شاء الله ابني نفسي بيدي ،لان الكتابه حاليا رغم شغفي بيها واريد اوصل بس عندي هواي مشاريع بحياتي واني خريجه جديده ورايه شغل وتعب
لكن بكلامكم الجميل خليتوني اتعلق بالكتابه اكثر وحتكون هوايتي الجديده الي ما انقطع عنها .
حاليا افكر اكتب قصه مختلفه وعاجبني تكون متفرعه اكو قصه ببالي واقعيه طبعا
وبنفس الوقت حبيت اسالكم اذا احد يحب يكتب قصته بس اهم شي تكون ذات تفاصيل مختلفه حتى لو مو قصتكم
اذا تعرفون شخص خاصه اذا كبار بالعمر وحابين يروون تجاربهم ومساعيهم بالحياه اتشرف اكيد اتعامل وياهم براويه جميله وضخمه الي احتمال جبير اذا لكت شهره واسعه راح احولها لكتاب ،طبعا مع المحافظه على كل الخصوصيات وتغيير بالاحداث حتى لازينكشف صاحب القصة
انتضر رسايلكم ❤️
احبكم ❤️