الجزء العاشر
-كمت اريد اوكف الالم جاي يزيد كمت ابجي بحركه ضهري ماعرف شبي ،الله ياخدك علي ،ياربي ساعدني
بقيت الوب سمعت صوت امونه يم الباب صحتها بسرعه دخلتلي
-نعم مدام
شافت حالتي بقت صافنه حطت ايدها على حلكها واجتي ركض
محتاجه شي مدام شو حالتك هي
اسيل :روحي صيحي ماما بسرعه
راحت حاولت اكوم من مكاني وكعدت عالجربايه بصعوبه وشمرت فراشي ورا الكرويته
اجاي امه تركض
-ها حبيبتي شبيج ليش هيج حالتج شنو هالدموع
تحاجيني بقلق
-خاله حموت ضهري الالم مجاي اتحمل
-هذا علي مو ؟؟؟هوى سوى بيج هيج
-بقيت ساكته لان اخاف منه محجيت شي بس بعد هي امه وتعرفه
كالت هسه ادز عالسايق حتى ياخذنه للمستشفى
تعالي امونه ساعديها حتى تلبس اني رايحه البس
جابتلي امونه الملابس كتلها روحي اني البس
-خليني اساعدك مدام
-لا حبيبتي اني البس
مقبلت تساعدني لان استحي اني امي ممخليتها تشوف جسمي كلش اخجل
لبست بصعوبه ونزلت الدرج بصعوبه اكبر صعدتني عمتي بالسياره ورحنا للمستشفى دخلوني اشعه وفصحني الطبيب كال عدها انزلاق يرادلها راحه هالفتره وتستعمل هذا العلاج
اخذنه العلاج ورجعنه
مكدرت اصعد اخذتني امه لغرفه عدهم جوه محد ينام بيها للضيوف مخليها
مددت عالجربايه جنت ماخذه ابره مسكن فنمت بسرعه
حسيت من عمتي دخلت للغرفه كعدت من نومتي وعدلت كعدتي
ام امجد :ليش كعدتي جيت اتطمن عليج واطلع
-لاخاله شبعت نوم بعد تعالي كعدي ،كعدت يمي شوي وكالت
علي اذاج مو
-جريت حسره كتلها اي هو
بس اريد اعرف منج ابنج شنو علته ،ابنج مريض او ممسوس بي جن اني احاجيها ودمعتي ،خاله الله يخليج كوليلي ابنج شنو مشكلته وياي هي كامت تمتمت
ام امجد :لا لا علي كلشي مابي بس هو عصبي ويجوز ضوجتي انتي
اسيل :اني ما ضوجته والكلام الكلته ميستاهل هيج اذيه احسه متحلف عليه
ترى اني الي جبرتني الضروف عليه مو هو
بقت هي ساكته ردت اكوم اروح للحمام
بالكوه كمت ورحت ابجي حسيت روحي شكد وحيده هسه اهلي بعاد عني والدنيا فارغه بعيني واباوع لوجهي بالمراية حتى اثر ايده بعده على وجهي ،خابرتني امي وكالت وصلو
وماسمعت صوته بعد بلبيت ،الى ان اجه الليل اجه ابو اتطمن عليه جانت عمتي حاجيتله
وجابولي عشى بس ماقبلت اكل واصلا ما ماكله شي من قبل يوم ،
بعد العشى كاعدين اني وام امجد بالغرفه وسمعت صياحه من فوك وصوت نزلته عالدرج
-بقيت بمكاني جمدانه واباوع عالباب
دفع الباب ودخل
علي:ها مدام ؟شبعتي دلال ، ...يلااااا كومي للغرفه
اني ضامه روحي ورا امه ماريد اشوف وجهه
وابو من سمع صياحه اجه عالصوت .
ابو امجد :علي عوفها وروح تعبانه ماتصعد
علي :اني محذركم قبل مرتي ما تتدخلون بيها سمعتووووووو
اسيل :ضليت ارجف من الموقف ومنتظره شراح يصير بيه شكد ماريد اصير قويه بس مو بيدي اني ممتعلمه على هيج شخص كضيت عمري بهدوءودلال مخد معلي صوته عليه
شفته شلون حتى امه وابو يخافون منه لعد اني شراح يسوي بيه
أنت تقرأ
قدري المتعب
Mistério / Suspenseلا نعيم يدوم ولا طمأنينة باقية ،المتاعب بانتظارها واحلامها خلفها فتاة تقع ضحية للزواج بمريض نفسي بسبب الظروف، 🖤
