الجزء الثامن
اسيل:بعد الي صار ضليت بغرفتي كملت تعزيل غراضي بس الدمعه ما فاركتني بطرف عيني تنتضر اقل كلمه حتى تنزل ،بس مخليتها تنزل ،اي مو كلشي بعد اليوم راح يبجيني صح اعترف اني وحده معلمة بس عالدلال والحنيه ماعرف شنو يعني قسوة والي راح اشوفه من هالانسان لازم اكون قويه حتى اكدر اتحمله .
صار الليل واني بغرفتي جانت الغرفه هم بيها حمام عدا الحمام الي بالصاله البره فحضرت ملابسي ورحت سبحت بسرعه قبل لا يجي ويطلعلي سالفه ،طلعت من الحمام لبست تراك ومشطت شعري وشسورته ورتبت روحي بعدني ممكمله اجتني امونه دكت الباب
امونه :مدام لازم تنزلي عالعشى تحت مستنيكِ
اسيل :اي دقايق وانزل
-كملت ونزلت ،ياربي كون ما اشوفه ما طايقته بس ما كملت دعائي وشفته كبالي عالسفره ،شراح يخلص العمر وياك ؟!
ابو امجد :شوفي عمو منا وجاي ترا مواعيد اكلنه ثابته وعدنا قوانين
كلنا لازم نجتمع عالسفره سوى واذا احد عنده مشكله من احد يحجيها هنا كدامي ماريد شي ينضم حتى نكدر نحل كلشي ماحب احد يشيل على احد هنا .وهسه كوليلي شلون جان تعارفكم انتي وعلي
ومن حجا باوع على علي بنضرة يأس ورجع باوعلي
اسيل :ردت احجيله كلشي صار والموقف الصرت بي من اول يوم الي بهالبيت واني جاي ابدي انطق قاطعني علي
علي :بس اني ما اريد احد يتدخل بحياتنا مو انتو الي ردتو هذا الزواج اطلعو منها بعد
وهو يحجي يخزر بيه
اسيل :كلش خفت من رده فعله ،هذا على شنو ناوي وليش يحجي هالشكل ؟
اكلت كم لكمة بالكوة مالي نفس واستاذنت منهم وكمت من السفره
اسيل :اني استاذن محتاجه شي مني خاله
ام امجد :لا قلبي اخذي راحتج
اسيل :رجعت صعدت لغرفتي وبالي يم اهلي ومشتاقه لماما وماكدر اتصل بيها لان عبالها اني مسافره
كاعده وحدي وملل اتصفحت بالنت وبعدين طلعت كتابي جنت احب اقره كتب اكضي بيهن وكتي
ضليت اقره وبعد ساعه صعد الغثه
فتح الباب باوعلي بنفس نظراته
اسيل :اتفكسن عيونك ان شاء الله شكد تخوف
شويه وزئر
علي :الكيلج مكان تنامين بي اكيد مراح تنامين عالجربايه
اسيل :ردت ارد عليه ...بس اتذكرت موقف العصر سكتت وكمت من الجربايه رحت عالكرويته نمت هناك بس ماعرف الفراش وينه ولو اموت ما احجي وياه كلمه او اساله
ضليت نايمه عالكوشه مال كرويته واني طابكه روحي لان متكفي صغيره الكرويته وبدون غطى والغرفه كلش بارده صارت ثلج غفيت من وكت لان جنت تعبانه كلش .
وهو جان بعده ماغافي ،بس ضليت كل شوي افز بسبب البرد وخلال كعداتي بالليل بكل مره الاحظه كاعد ما ينام اخر شي شفته يفتر بالغرفه مثل المخبل وعيونه تجدح نار ،
كل هذا واني مقرفصه على روحي ومسويه روحي نايمه وايدي على عيوني ،من صدك متت خوف من منظره هذا
-هذا شبي يمكن بي جن لالا عفيه ياربي كلشي ولا جن اني كلش اخاف من هالشغلات اصلا اموت خوف من الظلام ويتهيألي اشباح شراح يجيب الصبح!
بقيت مغمضه عيوني كلش قوي وجسمي يرجف الى ان نمت
كعدت الصبح ما لكيته بالغرفه ،الحمد لله
رتبت الغرفه ولميت شعري ونزلت ركض ادور على امه
اسيل :امونه وين ماما
امونه :ماما بالغرفه
اسيل :ردت احجي وياها واسالها او اجرجرها بالحجي عن وضعه
و ليش هيج حالته زين لحظه ،
شلون اسالها واني مو متاكده من حالته زين يجوز جان البارحه عنده ارق وما كدر ينام لا لا خل انتظر واشوف واتاكد يلا اسالها
كعدت ام امجد وضلينه شوي نسولف لاحظتها سوالفها جدا مختلفه عن الي بعمرها او يمكن لان اني متعوده على سوالف ماما جانت كلش عقلانيه ، ،كل اهتمامها مكياجها بشرتها وشعرها ،وهذا اللبس حلو لازم اخذه
وهذا كذا وكذا ،مو مهتمه بامور بيتها وزوجها وابنها غير مرات توكف تساعد الخادمه بالطبخ .
اسيل :خاله ممكن سوال
ام امجد :كولي
اسيل :علي شنو يشتغل ؟
.....يتبع
أنت تقرأ
قدري المتعب
غموض / إثارةلا نعيم يدوم ولا طمأنينة باقية ،المتاعب بانتظارها واحلامها خلفها فتاة تقع ضحية للزواج بمريض نفسي بسبب الظروف، 🖤
