Boyfriend for Rent (COMPLETED)

KABANATA 36

A/N: This chapter is dedicated to lovely-cessy.

Tangerine's POV

Buong araw lang naman kaming nasa isla. Wala naman siyang meeting na ah! Tapos two days? Pasalamat siya nag-enjoy din ako kahit papaano sa gilid ng dagat at libre din lahat ng gastusin ko dito.

Naka-book na kami ng flight pabalik bukas ng maynila at 12 o'clock ng tanghali. Gusto ko ng umuwi talaga gosh! Ano ba namang resort ito? Walang signal, walang wifi, hays! Paano nalang kung may emergency?

Gumagabi na at lumalamig na din ang simoy ng hangin kaya nagsuot na ako ng jacket ko. Hindi ako makatulog and so I decided to go out at maglakad lakad sa gilid ng dagat.

Maganda sigurong magbakasyon dito kung kasama mo ang mga mahal mo sa buhay.

Ano na nga kayang nangyari sa audition na sinalihan nila Cib? Nakapasok kaya sila? Wala man lang akong update tungkol doon since wala ngang signal dito.

"Hindi ka rin ba makatulog?" Shocks! Nagulat naman ako sa kanya. Para siyang kabuti na bigla nalang sumusulpot.

"Oo eh." Tugon ko.

"Ako din. Ikaw kasi eh." Huh? Anong sinasabi nito? Anong ako kasi? Wala naman akong ginagawang masama sa kanya ah!

"Anong ako?" Naka kunot noo kong tanong.

"Ginugulo mo ang isipan ko." Seryoso niyang sagot habang nakatingin ng diretso sa mata ako. Nakaramdam naman ako ng pagka-ilang kaya umiwas nalang ako ng tingin.

"Mukha may sakit ata kayo Sir." Pabiro kong sabi habang nasa dalampasigan ang tingin.

Bahagya siyang tumawa sa sinabi ko.

"Bakit... parang okay lang sa'yo na tumira kayo sa iisang bahay? I mean, you guys are not even a couple or in a relationship." Seryosong sabi niya ulit at mukhang interesado siya sa personal kong buhay.

Napaupo ako sa buhangin at ganoon din siya.

"Hindi ko alam." I answered. Dahil mahal ko siya? That's it.

"What if there's someone out there-- who is secretly loving you but he can't even make a move dahil nga sa mata ng mga tao ay may karelasyon ka." Ang weird ni Sir ngayon. Mas sanay akong magsungit siya kesa ganito.

"Well, kung meron nga edi... ewan ko! Pero malabo yang sinasabi mo sir." I chuckles. Wala naman talagang nagkakagusto sa akin. Kung meron man, pansamantala lang din kaya sa huli ako parin yung nasasaktan at naiiwan.

"What if-- ako 'yon?" Natigilan ako sa sinabi niya. This time nagtama ang aming mga mata.

"A-anong ibig niyong sabihin sir?" Nauutal kong sabi.

"I love you." He said directly habang nakatitig parin siya sa mga mata ako.

Nag-antay akong tumawa siya at sabihing joke lang pero wala. He seems so serious at wala akong makitang bakas na nagbibiro siya.

"Mukhang maling tao ata ang nasabihan niyo sir." Pag-iwas ko ng tingin sa kanya.

"Seryoso ako Tangerine. Mahal kita. I don't know kung kailan pa ito nagsimula pero mahal kita.  Gusto kitang ligawan." Napanganga ako sa sinabi niya. Ang gwapo gwapo ni sir tapos sa akin? Sa akin pa talaga siya nahulog? How? Parang hindi ako makapaniwala rito huh. Shit! I'm totally speechless.

"I don't even care kung boss mo pa ako. I don't even care kung kasama mo pa siya sa bahay. Nasabi ko na ang nararamdaman ko kaya wala na akong rason para mahiya pa sa'yo. Mula ngayon, ipapakita at ipaparamdam ko kung gaano ako kaseryoso sa'yo. Liligawan kita dahil mahal kita. Liligawan kita kahit gusto o ayaw mo man. Hindi naman ako nagmamadali Tangerine. I can wait for you." Sa haba ng sinabi niya ay lalo akong natameme. Nagbalik nalang ang diwa ko nang maramdaman ko ang mainit nitong mga labi sa pisngi ko.