سوو انا تحمست و مقدرتش منزلش فكملت الاحياء و قلت نكتب اول بارت..
__ __ ____ __ ____ __ ____ __ __ __
"ابتسموا" ابتسمت لدرجه ان سنوني بانن و مسكت باقه الورد كويس رمشت من فلاش الكاميرا و صقمت تصبايتي و صبيت بـظهر مستقيم لما المصورة كملت تصوير
"مبارك التخرج عقبال الزيزه"منال صاحبتي قالت و هي تاخذ مني في باقه الورد الحمرا
"صكري فمك ناقصني انا عله اصلا"قلت و شمرت طرف فمي بهزوه
"المهم هذي حقيقه متقدريش تهربي منها"هي قالت و صقمت وشاحها
"اولا اسمها مصير مش حقيقه ثانياً خطيني راسي بيطربق"قلت و سيبتها مصبيه بروحها كيف الهبله
"مشالله علي بنيتي"ماما ابتسمت في وجهي و مسحت علي خدي
"شفتي صوره التخرج بكرا في الحفله نبيك تزغرتي"قلت و ضحكت لدرجه ان غمازتي الي في خدي اليسار بانت
"انشالله يا روحي و بعدها أندور انا و انتي وين نعيشو "ضحكت مره اخره و فهمت ان قصدها بابا حيطلقها ولله بابا طيب و مسكين و في حاله بس أقنعوا ماما بالشئ هذا
تنهدت و رفعت عيوني و عضيت شواربي عشان نعيطش هو جا هو سيب عمله و جا بيش يشوفني
"عناذنك "ضغطت علي يد ماما و عديتله
"مستحيل قولو اني نحلم مالك هنا شن صار في الدنيا بس"قلت بهزوه و هو قلب عيونه و مد يده بـ بوكس هدايا من بن زبلح
"ليا؟"سئلته و هو هز راْسه
"خاطري نسمع صوتك مره اخره "انا قلت و حسّيت روحي حنبكي
"بس مش مهم المهم انك حدايا صح"قلت مره اخره و مسكت يده و هو ضغط عليها و تنهد
"تعال ماما تبي تشوفك"قلت و هو سحب يده مني بسرعه و هز راْسه ب لاء
"ليش مالك انت تعرف انها مش حتحكم عليك و لا تقولي سيبيه ماما مرا متعلمه و مستحيل تدخل في حاجه شوري"كسرت حواجبي و حاولت انخليه يوافق
"مالك ارجوك حبيبي"قلت لما لقيته عاض فمه و يبحت يساره هو خذا خطوه لاورا و عدى غمضت عيوني و هزيت راسي بـاسي و لفيت نرد لصحباتي
ديمه وأخذ فكره اني حنسيبه عشان ما يحكيش قصدي اوكي نبي نسمع صوته كيف زمان بس مستحيل نسيبه عشان معش قدر يحكي يالا الي هو يبيه يديره انا مش زارته علي حاجه.
__ __ ____ __ ____ __ ____ __ __
سو أنجو لوصف الأبطال.
حنوصف الشكل و نكتب الاسم بس😉
عبدالمالك الشركسي قمحي اللون و عيونه عسليات مايلات للأخضر -لون عيوني🙈- خشم مصبي و لحيه مش زايدته غير كمال جسم رياضي و طول مثالي .
خوله الفرجاني عيون بنيات وجه مدور وسمرا شوي فيها غمازه في خدها اليسار و شعرها اسود واصل لرقبتها مش محجبة و قصيره شويه و جسمها عادي -كيف الناس لابأس-
__ __ ____ __ ____ __ ____ __ __
اخر طلب الي عنده انستا يضيفني @memomalik22018
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
