"غير كنت أنتفرج علي عركه بس "عطيتها نظره خلتها تحك يدها و تبحت فيا بتوتر
"فرح حنضربك راه"هددتها لاني عارفتها كذابه "اقسملك بالله شفت عركه تعرفي عمتي سعده خلاص تعاركت مع ولدها و مسكينه ولله سمعتها تبكي بس قدرتش نطلع خفت "زعما هو السطل الي خبطت فيه اكيد هو مافيش غيره
خشيت لدراي و غيرت دبشي بحتت في تيلفوني و طبعاً مالك مدزش حاجه و لا عبر البنت الي ملهوفه عليه و لا قال زعما شن صاير فيها معقوله كلام منال و أمل صح مل مني و سيبني ؟
بس لاء مزلت أنقول انه مستحيل يخون العشره بس شن ظمني له هابيل قتل قبيل او العكس مش عارفه المهم هو قتل خوه من لحمه و دمه يعني مالك مش حيطعني في ظهري بس لاء ان شاء الله لاء مستحيل يدير هكي هو يحبني صح؟
"لولا"فرح قالت و هي خاشه للدار تقطع افكاري السوده كلها
"راه جايينا عرب اليوم وتي روحك"هي قالت و كانت تطلع في دبش
"منو"سئلتها و انا انتكسل
"مش عارفه ماما ما قلتش بس الي نعرفه انهم جايين في العشيه و ماما عدت تجيب حاجات "هزيت راسي و مديت فمي
تنهدت و صبيت قربجت في الدولاب و طلعت سروال اسود واسع شويه و عليه بلوزه حمرا حطيتهن علسرير و عديت نساعد في فرح بالأحرى انا مدرتش حاجه بحجه -اختك تعبانه-
بعد ساعه ماما جت و قالت انه المرا الي جايه تكون ام صاحب محمد خويا الله يرحمه بصراحه مدققتش في كلامها و خشيت نغير في دبشي خليت شعري مطلوق يعني هو قصير علي كل حال
لبست اكسسواراتي و قبال الحوش اوكي هو بتاع حوش بس مفتلك
شويه و سمعت الجرس رِن و بعدها صوت بوسات و جمله كيف حالك تفضلو تعاودت اكثر من عشر مرات
"تسلمي توا"فرح سألتني تسقم في دبشها و انا تمتمت ب اها اكيد
طلعنا و صبينا قدام المربوعه و خشيت انا قبل
انصدمت لما لقيتها ام مالك و معاها اخته سلمت و حاجه هكي خلتني فرحانه
هو و اخيراً كلم هله و جوو يخطبوني انا مش مصدقه و اخيراً حلمي تحقق اخيراً حنكون له رسمي .
__________________
سوووو. اول حاجه مبروك لكل حد نجح
ثاني حاجه بكرا شهادتي ادعولي بليز
مع كل حب
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
