كنت قاعده جنب المربوعه نستني ام مالك تفتح الموضوع بفارغ الصبر
"كيف حال مالك لنا فتره عليه"ماما قالت و انا حطيت يدي علي قلبي و شكرتها لانها سالت
"كويس ولله تعالج و رد يدوي مره اخره"عميمه قالت و أوكِ انا معرفتش نفرح لاني حنسمع صوته و لا نزعل عشان ما قاليش و دس عليا بس مش مهم بلكي انشغل
"باهي تمام ولله معنديش علم "ماما قالت و حسّيت بصوتها انها فرحت
"ااه ولله صار الموضوع بسرعه يا حنه انا جيتك لأنك ام غالي و مش حنلقي خير منك "هي بدت كلامها و انا عضيت فمي بقوه بحماس
"عشان هكي نبيك تجي معايا نخطبو لمالك بنت عيت الهواري"و هنا كانت القشه التي قسمت ظهر البعير و هنا أحلامي تحطمن و هنا حسّيت اني و لا شي
زنين في وذني و حراره في جسمي ،جسمي رعش و حسّيت بدموعي ينزلن جريت لدراي و تجاهلت فرح الي تسال كني
وقتها كنت ضايعه معرفتش شن اندير و كيف نصرف لـ اول مره نكره روحي جديات حسّيت اني مضحكه
ساعه مرت و خشت عليا ماما شفت في عيونها نظره مكسوره هي عرفت اني منهاره
"ربي يعوضك يا بنتي صدقيني ميستهلكش"هي قالت و جت قمعزت حدايا
"يا ماما الي قاهرتني ان انا كنت متحملته و هو عاجز و لما يصح يخطب غيري "انفعلت ولله انوريه مش انا الي ينضحك عليا
في الصبح انا نضت بصراحه انا اصلا مرقدتش المهم ليست سروال ازرق فاتح و من فوق فيه ورد خفيف عند الجيوب سورية صفرا و فوقها كت ملون طويل يوصل ل ركبتي او ممكن أقصر شويه رفعت شعري الي طول علي التخرج لبست كويش اصفر و فيه تخربيشه كيف الكت طلعت لما رنت عليا صفاء و قالتلي انهم لوطى
"ماما ماشيه"قلت و فتحت الباب في نفس الوقت انفتح باب الي قدامنا و طلع منه المتخلف الي خبطني امس بحت فيا من فوق لـ لوطي و طبس يلبس في كويشه كويس قلبت عيوني و برمت انسكر الباب
"صباح الخير"قلت ونزلت بسرعه مستنيتش يرد عليا لما وصلنا للشركه انا فتحت فمي بصدمه لما لقيت مالك قدامي مع ولد جيرانا المتخلف و يضحك معاه مشينا مجموعه وحده و خطمنا من جنبهم و نزلت راسي عشان ميفطنليش
"صباح الخير صباح النو-""منال مش وقتك"قلت بعصبية و عزقت الأوراق علمكتب
"كنك"هي سالت و جت قمعزت قدامي بحتت فيها بعيون مليانه دموع و هي فهمت انه السبب
"تحكيش راهو جاي"هي قالت لما فتحت فمي بيش ندوي هزيت راسي و قعدت انقلب في الأوراق
"احم صباح الخير"درت روحي مش عارفه انه مالك و رديت بـ صباح النور بصوت واطي حسّيت بيه جاي شوري و فعلا اهو الكرسي دار صوت رفعت عيوني بحده له و هو ابتسم ابتسامته الي توا مخليتني مُستفَزه
"مالك!"قلت بنوع من التفاجء و درت روحي هبله و منعرفش الموضوع
"خوله"هو قال و قلبي قعد يدق بسرعه طريقه نطقه لاسمي كانت ، كانت سمحه حبيتها
"اوه رديت تدوي"قلت و ضحكت بهزوه و هز راْسه
"شن رايك في المفاجئة قلت انخليها لكِ مفاجئه عارفك حتفرحي"هو قال وسع عيونه و حرك يديه تعبيراً علي يقول فيه
"مبروك بس مش عارفه انقولك مبروك انك و اخيراً تعالجت و لا لأنك خطبت "كلامي كان بارد كان بالنسبهً له كيف الميه ألمسقعه ألب انكبت عليه في الشتا
هو توتر و شفته يتحرك بغير راحه هزيت راسي بخيبه
"اخر واحد توقعت انه يطعني في ظهري أنتَ قولي انا شن درت ها ؟ خوله انا نحبك ،خوله متسوقيش سياره ،خوله متدريش مكياج ،خوله ،خوله و شن استفدت في النهايه ؟كف خلاني نعرف اني أغبي إنسان في الدنيا!" قلت بحرقه بس هيهات يحلم اني نبكي عليه
"خو""متقولش اسمي علي لسانك القذر لو سمحت عندي عمل"قلت و شيرت علي الباب بيدي هو فتح فمه و سكره بس في النهايه طلع
منال جت اضبطتني و انا بكيت في صدرها كان لازم انلطه كف بيش انفش غلي صح؟
____________
اوك اولا يا هو ذكروني لما انطول راني ننسى فيها تمام
ثانياً نجححححححححت و اخيراً كملت الثانويه
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
