::خوله::
همْهمت و انا بحت في سقف الدار فرح تحكي بس صراحه ما كنت معاها حاسه بغمه في قلبي و ان في شي حيصير
"انقنك الا بارده راه نحكي معاك"فنصت فيها و تنفست بصوت عالي
"خطيني ارجوك راه ولله وصالتلي لعند هن"قلت و شيرت علي جبهتي و هي شتمت بصوت واطي و طلعت غمضت عيوني و عديت من واحد للعشره صبيت و بحتت في تيلفوني ايمن ما رنش زعما أنرن و لا نبان و كأني محدوفه عليه و لا يا ربي نرن و خلاص
مسكت التيلفون و صوابعي مرن علي الأرقام نكتب في رقمه رِن مره اثنين ثلاثه بس مردش قلبي نبض و خفت يكون صارتله حاجه
ما حطيتش في عقلي انه ما يبيش يرد عليا استغفرت ربي و صبيت طلعت للصاله كان في بنت بخور و هذا خلاني انعكش خشمي و نرسم ملامح التقزز علي وجهي الجيوب الآنفيه متعبتني من غادي يبال بخور اخره قلبت عيوني و بحتت في ماما و فرح
"في حد جاي؟"سالت و ماما هزت راْسه
"الجارات جايات "ماما قالت و ردت تحكي مع فرح مرات تحسس فيا اني مش عايشه معاهم يعني مش كان مفروض يكون عندي علم!!
"ولله!كويس و ان شالله امتي كنتو تبو تقولولي"حطيت يدي في وسطي مش معقوله انهم يقعدو مزالو مستمرين في تجاهلي هما لازم يديرولي قدر الزف،نفخت و رديت للدار اخره اصلا انا الغلطانه عشان طلعت و حبيت نقعد معاهم شويه
تيلفوني ضوا و انا بسرعه مسكته
"آلو"صوته خلاني نحط يدي علي قلبي و نطلع نفس متريح
"الحمدلله يا ربي كنت ميته رعب نحساب في حاجه صارت"قلت و سمعته يضحك و نقدر انتخيله و هو حاط يده في شعره و راْسه معزوقه علي لاورا و غمازته الي في خده اليمين باينه ابتسمت علي تخيلي و طلعت مني الكلمه بدون قصد
"نحبك"كلمه من اربع حروف خلاته يسكت فجاءه و انا نضرب روحي كف داخلياً كيف قدرت انقول كلمه كيف هكِ كيف سمحت لروحي؛تنهدت و ندمت لما فجاءه الخط أسكر و انا سكتت و بحتت قدامي فجاءه بكيت هو سكر يعني هو ميحبنيش نعلي نا من غبائي كان بس سكتت و سكرت فمي كان خير.
::ايمن::
بحتت في التيلفون الي طفى فجاءه هف اكيد تحسابني سكرت في وجها هي غبيه و اكيد هذا تفكيرها عارفها انا عزقت روحي علي السرير و بحتت في التيلفون نستني فيه يولع
"و انا نموت فيك"هذا كان حيكون ردي عليها بس ربي يلعن التيلفون الزفت هذ
اول ما جابلي علامه انه يولع انا ربعت كرعيا و مسكته قلبي نبض بحب و دفئ انا نحبها و من اول مره شفتها فيها و انشالله تسامحني علي درته، مسكت التيلفون و كتبت رقمها
"همم"صوتها كان مكتوم خلتني نحس بتأنيب ضمير
"حبيبتي التيلفون طفى ولله"هي سكتت و سمعتها أتنفس صوت نفسها كان بالنسبهً ليا مثالي نحب كل حاجه فيها
"بخصوص الكلمه الي قلتيها انا"هي قاطعتني"انا اسفه مش قصدي غير بس طلعت هكِ من حقك تسيبني عارفه انك متحبنيش-"هي الغبيه قعدت تحكي و انا في عقلي كيف منحبهش و انا الي خاطبها؟
"حبيبتي اسمعي،يا خوله انا نحبك اوكِ و لو انك ناسيه انا الي جيت طلبتك مش امي! فـديري بالك تحسابيني منحبكش؛لاني و اقسم بالله التكبيد الي مكبده عليك واجد بكل"قلت و سمعتها تضحك بشويش
"تعرف خليتيني نبكي نحسابك تحبنيش"ابتسمت علي طفولتها و حطيت يدي ورا رقبتي و قعدنا نهدرزو في الا الشيء صراحه انا معاها نكون مش طبيعي و ربي يدوم علينا.
____
عارفه بارد بس علقو
أنت تقرأ
مثالي /باللهْجه اللِيبيه
Fanficمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
