كنت مصبيه قدام مرايه دار ماما عشان هي الوحيده الكبيره بحتت في روحي بحب انا نحب روحي و نشوف انه ما فيش حد يستاهلني ممكن يكون غرور بس هذا هو
تنهدت و بحتت في القفطان الأحمر الي لابسته كان بسيور عريضه و ظهره و من قدام رقم سبعه لعند ركبتي اوه انا مقلتش شن صاير صح!
اليوم عمتي سعده ام الغالي جايه مع صبايا يطلبو و في نفس الوقت الشوفه الشرعيه الي مش لازم منها المهم لبست كندرتي و بحتت في فرح ورايا
"ها كيف باينه"قلت و يدي لمست قماشه القفطان
"تهبلي "هي قالت و انا ابتسمت سمعت الجرس و قلبي قعد يدق بسرعه فرح طلعت و خلتني بروحي في الدار اليوم هذا كان مفروض انكون مبسوطه عشان حننخطب لـمالك مش لـ ايمن نبي نعرف كيف قدرت ننساه هكِ و بكل سهوله يعني مش مفروض يكون حبي الاول و عمري ما ننساه و لا كيف الموضوع
هزيت راسي نحاول نطلع الأفكار السوده من راسي و رفعت عيوني لفرح
"قالتلك ماما تعالي بيش تقدمي العصير"فرح قالت مخشه رأسها من الباب هزيت راسي و سحبت نفس كبير و طلعت بخطوات مهزوزه خايفه؟ لاء بس متوترة خذيت السفره و قعدت خايفه انطيحها لما خشيت انا كنت مجبوره اني نبتسم مع كل التوتر الي حاسه بيه طبست و قلت ب ابتسامه 'تفضلي'
النظرات الي كانن عليها يخلي فيها نعرق ليش هذا كله مش عارفه لما كملت تقديم ماما خلتني نقمعز معاهم
"مشالله عليك يا خوله ايمن عنده ذوق"عمتي سعده قالت و انا حسّيت بحراره في جسمي كلها
هما قعدو يهدرزو و مره مره يوجهولي كلام و انا انهز في راسي و حقيقه مش عارف فيش يحكو اصلا رِن تيلفون وحده من الصبايا و قالت ان ايمن يبي يخش عشان الرؤيه
صبيت و لبست عبايه يحلم انه يشوف جسمي هك يا ربي توا هو قال انه يبي يشوف ؟ حي عليا كان نحرج روحي قدّامه حمحمت و رمشت بعيوني عشان نفوق لان عندي احساس انه حيغمي عليا ثواني كانن و جت ماما خشت معايا
"السلام عليكم"قلت و كتمت ضحكتي علي شكله كان متخزرط حتي هو و وجه حمر و يعض في فمه
"عليكم السلام"هو رد و انا قمعزت جنبه
"متوتر"هو قال و تنفس بهدوء و انا ضحكت بشويش
"عادي مش احسن منك انا"قلت و بعدها سكتنا هو يفكر في حاجه و انا شيطاني خلاني نفكر كيف كان حيكون لو مالك مكانه؟ كنّا حنضحكو مع بَعضُنَا و كنّا حنحكو بس هذا ايمن من مالك ذكرت روحي
عشان انا فعلا بديت ننخنق من فكره اني نسيتش مالك و انه قاعد في كل زوايه في عقلي و قلبي
"ايمن!" ناديت و هو بحت فيا و انا ضعت في عيونه و نسيت شن كنت نبي نقول عيونه الخضر خلني ننسي انا منو
"همم؟" صوته صوته كان من اجمل الأصوات الي سمعتها في يوم
"شن الجو"قلت و هو ضحك بصوت عالي و منظره نقدر انتآمله للابد و مستحيل انمل
"تمام يا قلبي" اوكِ تقدرو ترنو علي الإسعاف لان قلبي طاح من الدور السابع و شكله حتي هو فطن شن قال و شكله ان نحن الاثنين نسينا ماما الي تبحت فينا بكل حب
___________
اوكِ انا كتبت الشابتر هذا كـاعتذار جديات انا اسفه ولله لعند توا حاسه بتأنيب ضمير و قعدت انفكر كيف ممكن نخليك ترضي يعني انا من نوعيه الناس الي مسرع ما تحس بتأنيب ضمير حتي ماما هزبتني و قالت انه تصرفي كان غلط ف اسفه بكل بكل بكل و ان شالله نكونو صحبات Snona799 جديااات للمره المليون اسفه
أنت تقرأ
مثالي /باللهْجه اللِيبيه
أدب الهواةمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
