و انقرت فاتحتي! مزلت نذكر في هذك اليوم شن صار كل كلمه قالها و كل حرف نطق بيه ممكن كنت اسعد وحده في العالم وقتها بس لما وصلتني رساله مالك كنت اتعس حد في العالم كنت خلاص نبي نفسخ حسّيت ان منستهالش ايمن و الي يصير فيا و فكرت ان ممكن حتي ايمن كيف مالك!
غمضت عيوني و و ركزت في الأوراق الي قدامي في حال كنتم مش عارفين الي صار فخليني نرد في يوم
الجمعه الي فات يوم الفاتحه.
|يوم الجمعه|
"سماهر حطي البصل في الطنجرة الرجاله قريب يجو"خالتي نعيمه قالت و صبيت نبحت فيهم بخوف
تخيلو تصير حاجه و ميصيرش منها الفاتحه
متشائمة!اكيد متشائمة الي خلى مالك يسيب عشره عمر يخلي ايمن يطفش!
اه و نسيت بما ان نحن جيران فـاعميمه سعده و خواتها و سعاد و حطو خطين تحت سعاد الي تعمدت تكب عليا شاهي و حرقلي يدي و كان مبررها الفرشه ملتوية قاعدين في شقتنا علي أساس ان الرجاله في شقت اعميمه و الصبايا عندنا سمعت زغاريت و وحده فيهن تقول"قرو الفاتحه قروها"
التهليلات جتني من كل تركينا و خدي تورم من البوس او التسليم الي في نظري كان نطح
"مبروك بالذريه الصالحه". "مبروك فرحتلكم" "تستاهلوُ كل خير ربي يهنيكم" ابتسمت و فوني هز في يدي الي جا في عقلي انه اكيد ايمن بس لما قريت حروف اسمه في نص الرساله انا انخقنت جديات انخقنت و الي قريته في الرساله خلاني نختفي من قدامهم و نخش لدراي و هذا الي كان مكتوب
:خير كيف حالك؟ اكيد حذفتي رقمي و انا مستحيل نخرب عليك توا لاني عارفك بنت ناس متربية ،المهم في حال انك معرفتينيش انا مالك ربي يتمملك علي خير تصدقي اني فرحان لكِ ولله شعور غريب ممكن علشان مكانش حب حقيقي! ممكن انا كنت نحبك لأنك من بنه الغالي؟ و الله اعلم بس هذا مش دليل اني كنت نكذب عليك لا ولله ما تنكتب عليا و لا عليك المهم انا واجهت سعاد و هي قالت انها شافت صاحبتك في الحمام و دارت هكِ عشان شكت فيك تحاولي ترديلي او الله اعلم المهم يا رب اتهني مع ايمن."
قبل ما نسمح لروحي ان دموعي ينزلن ايمن رن عليا و حكى بكل صوت فرحان و بشوش في العالم كله كيف انه مش مصدق و انه اسعد حد في العالم كله الشي هذا خلاني نضحك و ننسي كل شي بس اول ما عدو الناس و حطيت راسي علي المخده ليومنا هذ و انا نفكر في كل كلمه قالها مش عارفه ليش بس حسّيت بغدر ممكن!
|توا|
رفعت عيوني للطرف الي حمحم و هو مصبي و متكئ علي الباب يبحت بعيونه الخضر و غمازته مرسومه في خده اليمين
"شنو يتأمل الأخ"قلت بنص ضحكه و هو هز راْسه و شفت شعره كيف نزل علي عيونه
ايمن تافاف و رد شعره لورا و تقدم شوري
"صباح الورد صباح النور صباح ال""دير بالك نكرهه !! "قلت و هو ضحك حاط يده علي بطنه و ظهره تقوس لورا علي شوي خفته يطيح بس صقم تصبايته
"نقولك نكته!"ايمن سأل و لمعت عيونه خلتني نقلب عيوني و نهز راسي و هو قمعز علي المرسي قدامي
"في وحده غبيه ماشيه في الشارع وشايلة شيشه زيت شافت قشرة موزه طايحه على الوطى فكرت وقالت لروحها اذا مشيت والزيت في يدي حنطيح انا والزيت.... فحطت شيشه الزيت على الوطى و ازحلقت على قشرة الموز وردت خذت الزيت ومشيت عادي "هو كمل و انفجر حرفياً انفجر ضحك حاولت ندور وين النكته بس للاسف مالقيتش
"بارد"قلت و هو حمحم يبحت فيا و حواجبه مرفوعات و جديات منظره كان كيف العيل الصغير
"شنو قلتي انتي بشعه لدرجه اني مش قادر نسمع صوتك"المره هذي انا ضحكت ايمن كان طفل بريء بجديات نحكي نحسه يقول مزال عمره ثمان سنين
"نحبك تعرف"انا همست و يده ارتفعت و مسكت يدي
"مفروض انقول و حتي انا بس مش انا بارد ف مش حنحكي معاك لعند بعد الغدا و توا باي عشان عندي عمل" هو قال و طبس يبوس في يدي و طلع
قلتلكم من قبل اني نحبه!!
اوكي في حاله اني مش قايله فأنا يا ناس نحبه.
______
الروايه ممله تبوني نكملها في الشابتر الجاي؟
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
