غمضت عيوني بخوف و دموعي نزلن كان خاطري نطلع عليه قوتي و نضربه بس هو كان مثبتني يد علي فمي و يد ماسك بيها المسدس كنت مزلت نسمع في صوت ايمن برا يدور فيا
كرعيا وجعني من التصباي و بدن يرعشن عيونه كانن حادات كان يبحت فيا يقول قاتلتله حد رفعت يدي و حولت يده بالقوه و خذيت نفسي و في حالت أنكم نسيتو انا مزكومه
"متخلف"همست و هو ضغط بالمسدس اكثر زمطت ريقي و سكتت تيلفون رِن و هو نزل يده
الي سمعته كان كلام معزق و ردوده كانت مبهمه فهمتش منه شي عيونه كانن مزالن عليا يراقب في كل حركه صغيره انا ندير فيها لما معش سمعت صوت برا هو ابتسم قبل ما يربط قماشه علي عيوني و فمي انا نقدر نقول ان نحن قعدنا ل بعد العصر بواجد
هو فتح الباب و كَر يدي معاه حاولت نفهم نحن وين ماشيين بس معرفتش حسّيت بهواء علي وجي و هذا خلاني نفكر ان ممكن نحن طلعنا من الشركه بس كيف ما فيش حد ساله انت من و وين ماشي.
خلاني نصبي و حسّيت بيه ورايه
"شن تبي مني انت من"انا قلت و صوت ضحكته هو الي سمعتها حسّيت بيه يلمس في القماشه الي علي عيوني من لاورا و فكها لما طاحت القماشه انا عيوني توسعن
لما لقيت ايمن مصبي قدامي بـ بدله بيچ و في يده باقه ورد عقدت حواجبي و ما فهمتش شن صار .
ابتسامته وقتها كانت مستفزه بالنسبهً ليا و فمهت ان هذا فلم منه
انا بكل عصبيه مشيت شوره و ضربته في المكان الي مش حتشرق فيه الشمس مره ثانيه هو طاح و قعد ينوح بالم و رقبته انحمرت انا و بكل انُوثيه طبست و قرصت وذنه و هو عيط
"عنشكلك باهي توا في حد يدير هكي ها! اقسملك بالله قريب - يا ربي نكرهك"عيطت و دموعي كانن فعلا علي شدوقي
شهقت في وسط البكى و رفعت يديها نمسحهن
ايمن صبى و كان يبحت فيا و مش عارف شن يدير اظني يعني هو مش فاهم انا شن فيا هو قرب مني و انا خذيت خطوه لاورا
"تلمسنيش"قلت و نشقت خشمي و هو لوا فمه"خوله اهد-"
"متقوليش اهدي انت مش عارف شن صارلي و انا معاه تقدر تقولي في اي مسلسل هندي شفت الحركه هذي بيش تفجعني بيها ها! فرضاً صارلي حاجه فرضًا فرضاً متت"ايمن عض فمه و بعدها عزق ظهره علي لاورا و اطربق ضحك عيونه الي ضاقن و غمازته الي بانت كانت كافيه انها تخليني نقرب منه و نضبطه بالقوه و هو يعصرني بين يديه الي نسى للمره الثانيه فاتحتنا مزالت مقريه و كان مفروض ان نمشو للمحكمه بعد اسبوع بس اهو
"حيوان نكرهك"قلت بصوت مكتوم و ايمن للمره الالف ضحك
"نبي نوضحلك حاجه ممكن!" هو بعدني عليه و مسك يديا و انا هزيت راسي.
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
