"انا.. قصدي مش عارفه خلوني انفكر"قلت و ضغطت بـ ظوافري في فخذي
"العيل كويس خريج هندسة كمبيوتر و عنده مشروع "ماما قالت تضغط عليا تبيني انوافق علي موضوع زواج الساعه واحد و نص في الليل!
"هو كان صاحب مالك!"انا همست و مش عارفه لو ماما و فرح سمعوني و لاء تنهدت نرفع يدي نلعب في السلسلة الي مستحيل نسلحها كانت من محمد خويا الله يرحمه
"رآك خاشه علي الثلاثه و عشرين سنه الي-" "الي كبري بعيالهن انظني اني سمعتك تقولي في نفس الجمـله لـ فرح الي عمرها 17 قبل يومين "قاطعتها بعصبيه و انا فعلا مضايقه انا منعرفش ماما فيش تفكر
خاطري نعطيها رابط 2018بيش تعرف ان حياتي مش مقتصرة في راجل بكرشه و لحيه و عمه تزعم الكبد و صبيات يطلعنك من طورك مع ان المواصفات هذينا مش فيه و لا في هله بس كل الليبين هكِ انا عارفه و نشوف فيهم
"صلي صلاه استخاره بس"ماما قالت و هذي كانت اخر حاجه نسمعها منها هي طلعت و سكرت الباب خلتني نبحت في فرح رافعه حواجبي و نقول"شنو!"
هي لمت فمها و هزت رأسها و طلعت سحبت المخده و تكيت عليها ظهري و فكرت هو كويس حالته الماديه كويسه عائلته كويسه و نوعاً ما انا عاجبني بس !عندي في الطرف اللاخر انه صاحب الراجل الوحيد الي حبيته في حياتي الراجل الي كان معيشني في وهم !!
مديت فمي و وصلت لتيلفوني رساله :-
0926568**
السلام عليكم
2:07am
بحتت كويس في الرقم و معرفتش
خوله😍:و عليكم السلام من معايا
2:14am
0926568**
ايمن القذافي 😜
2:30am
"ايمن"همست و غيرت الرقم لـ ايمن 💚
خوله😍:اهاا خيرات مش الوقت متاخر و لا انا تهيالي؟🤔🙄
3:00am
ايمن💚: نعرف اسف بس حبيت اني نعرف الجواب بتاعك و بس قدرتش نستني لعند بكرا بصراحه 🙄
3:01am
خوله😍:اوكِ انا مزلت كنت نفكر تعرف امك قالت ل ماما الساعه 12 في الليل 😐3:03am
وقاحه بصراحه هذا كان سبب كافي يخليني نبرم عيوني و نحط التيلفون عند راسي و نرقد و انا نفكر ان ايمن هو الشاب الي كل بنت أتمنى تكمل حياتها معاه .
*
لما نضت في الصبح بيش نعدي للعمل انا حسّيت بحاجه تقولي وأفقي ولله نحكي جد حاجه خلتني انتريح للموضوع و لـ ايمن!
عشان هكِ انا لما صليت الصبح و لبست طلعت انقول لماما الي كانت تبي تطير من الفرحه عشان و اخيراً بنتها العانز يب بالزين حتزوج
لما طلعت من باب الحوش كان تزامناً مع طلعته هو ابتسم و مد يده بحتت في يده زين و رفعت حاجبي بس سلمت عليه و خلاص اوكِ نقدر نوصفه توا!؟
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
