"لا عاد انتي قوليلي ليش الراجل رِن علي باتك و قال ما فيش نصيب"ماما قالت و هي تلحق فيا في ممر الشقه خشيت للدار و عزقت الشنطه و انا ساكته
"قوليلي شن دايره عشان يفسخ الخطبه" هي ردت تقول و انا عضيت فمي نحبس في دموعي
"ماما أرجو-". "لو انك دايره حاجه غلط قولي"هي قالت تحط في يديها في وسطها و انا انصدمت
"شن قصدك"سالتها و قمعزت علي السرير
"قصدي انتـِ فاهمتيه كويس "الحاجه الي ماما عنتها مستحيل يكون قصدها الي انا فهمته
"انتـِ مستحيل تفكري فيا هكِ"قلت و عيوني بينن اني مصدومه
"ولله عاد كل واحد يفهم الي دايره انا ما وضحتش شن قصدي"ختمت كلامها بنظره متقززه و طلعت و طبقت الباب ورآها غطيت وجي بـيديا و بكيت من وين نلقاها بس .
مسكت التيلفون و بحتت في الرسائل الي بيني و بين ايمن صبيت غيرت دبشي و طلعت بوكس ابيض من فوق الدولاب حطيت فيه كل حاجه جايباها ليا ايمن حتي التيلفون و الورد الي ذبل الدبله منبيش منه شي مسحت دموعي بكم الماليه و طلعت
"وين ماشيه "فرح سألتني بس انا ما رديتش فتحت باب حوشنا و دقيت علي الباب مكنتش وقتها نفكر ان هذي فضيحه قصدي يعني انا عارفه ان امه مش قاعده هي مسافره مشرق هذا الي سمعت ماما تقول فيه
"باهي باهي"حواجبي تلاقن لما سمعت صوت وليه فتحت الباب وحده حاسه اني شايفتها كشرت في وجي و بعدها ابتسمت بخبث كان صدقني ربي
"احم اا ايمن اقصد خير"قلت و يدي وجعتني من الي شايلته
"شن قلت علي تصبايت الباب"صوت ايمن طلع و انا كتمت نفسي و اكثر من مره أنا زمطت ريقي و الأفكار السوده جن في عقلي
"خوله" ايمن قال و قدرت نسمع الاستغراب في صوته عيوني كانن مزالن علي البنت الي قدامي
"خوله!!"ايمن على صوته و انا عيوني تحركن شوره
"في حاجه"هو سال و انا قلت"هذي منو"
هي ضحكت و مسكت يد ايمن و قالت"مراته"
انا هنا ذاكرتي ردت و ذكرتها
"انتـِ! بطلي كذب ايمن قاري فاتحتي انا"وقتها عقلي نسى ان ايمن فسخ خطبته معايا او بالأحرى طلقني
"شن تبي "هو قال و صوته كان بارد بصراحه كل حاجه في الموقف كانت بارده
"هذي الي سيبتني عشانها"صوتي انكسر و هو تنفس بصوت عالي و عض فمه هزيت راسي و مديت يدي بالصندوق و هو خذاه و هو ساكت.
برمت ظهري و خشيت للشقه اول ما خشيت ماما عطتني كف كان مزال الباب مفتوح و سمعت شهقه من ورايا و عرفت ان البنت الي انا نسيت اسمها و ايمن شافو الي صار
"تبي تصييعي صيعي برا متشوهيش سمعتنا في العماره"هي هزبت و انا فعلاً مسكت أعصابي و جريت للدار الحاجه آلي درتها هي اني كريت العبايه و فلوسي من الدولاب و طلعت
"وين ماشيه ها ماشيه تكملي باقي صياعتك"صوتها كان عالي و موعرها لما امك تظن فيك هكي
بابا كان مش قاعد و انا منعرفش وين بصراحه بس الي نعرفه اني مستحيل نقعد في الحوش بعد كلام ماما
عارفه لو حد سمع الكلام هذا يقول كيف تدير هكِ بس خلاص انا تعبت هي كانت مزالت تهزب فيا و انا طلعت
"نعم خير المسرحية كملت اندلفو جوا "انا قلت و دقيت البنت هذي و فنصت فيها هي و ايمن و نزلت من الدروج مش عارفه وين نمشي الدنيا كانت صقع و تمطر و معش عرفت الي علي وجي هذينا دموع و لا مطر
"خوله الحمدلله لحقتك قبل ما تمشي"برمت و بحتت في ايمن واجعني خاطري حاسه اني مش مهمه لأي حد تنهدت و بحتت فيه و انا ساكته شن نقول يعني شكرا يا ايمن انك خربت حياتي و ارجوك خلينا نردو مستحيل تنكتب عليا
"تعالي نوصلك لأمل"هزيت راسي و هو حط يده علي ظهري و خلاني نمشي شور السياره مش عارفه كيف عرف اني نبي نمشي لأمل بس كويس انه عرف
لما فتح السياره انا ركبت و قعدت نرعش من الصقع هو شتم بصوت واطي و مد يده لاورا و طلع منها جاكه و طقيه
"البسيهن خير ما تمرضي" انا بفم ساكت خذيت منه الحاجات و حولت العبايه و لبست الي عطاته ليا هو ولع التدفىه و قعد يسوق الصمت الي كان في سياره خلاني نبحت فيه و نقول " فيش هي احسن مني "
"منو " هو سال بدون ما يبحت فيا
"الي معاك في الشقه" مزلت منبيش نقتنع انها فعلاً مراته
"مش احسن منك بس هي مراتي و ام بنتِ و ياريت تكوني فهمتي و توا قوليلي وين عنوان امل " شكراً علي صدمت حياتي يا ايمن جديات.
عطوني رايكم في البارت
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
