هذك اليوم من لما روحت الحوش و انا انفكر في خطه تخليه يفكر الف مره قبل ما يزعلني تنهدت ننفخ في شدوقي و نبحت في فرح
"هيي انتـِ"ناديت
"ليا اسم انا"هي اذمرت و انا قلبت عيوني
"المهم نبي منك نصيحه "سألتها و حكيت راسي
"تعاركتي مع ايمن!" هي قالت و قعدت تضحك و عزقت فيها المخده
"لا اصلا انا منحكيش معاه بس امل متعاركه مع راجلها"هي همْهمت و بحتت فيا زين يقول عارفه اني نكذب عليها
"قالولك مستشار اجتماعي و انا معنديش علم "يا رب علي الجلاطه
"به خلاص اسكتي"كريت تبسي الزريعه و مسكت تيلفوني نصفح فيه و كليا مطنشه فرح
"تقدري تقوليلها تدير روحها مريضه يغمي عليها او اي حاجه " فكره!! يصير منها ولله الفرخه هذي
"شكراً"تمتمت و ابتسمت و دورت رقمه
الي ايمن🙊: السلام بكرا مش حنقدر نجي مريضه .
تم الإرسال 5:07مساءاً
طفيت الفون و عديت للكوجينه لقيت ماما فيها
"كلمتني عمتك سعده و خذت رقم باتك"ماما قالت تقصد ام ايمن و انا هزيت راسي و كبيت قشور الزريعه في السله
"كويس "قلت و غسلت يدي بست رأسها و طلعت لبابا
"خير يا بابا"قلت و قمعزت جنبه كان يتفرج علي ليبيا الحدث فيها مذيع يهبل اسمه مندرعنه بس يهبل
فوني دار صوت و انا مسكته و قلبي دق بالقوه لما عرفت انه رد
من ايمن🙊:لاباس كنك! كنتِ كويسه منبدري؟ حنرن عليك توا
ابتسمت بخبث و خشيت لدراي حرفياً انا خنقت روحي و مضمضت فمي بفلفل أكحل و صدقوني كانت تجربه غبيه بس دارت مفعول لانه صوتي غلظ و قعدت انكح
و اهو ايمن🙊يتصل بك سحبت الدائره الخضره و رديت بصوتي المريض المزيف
-السلام عليكم-كحيت اول ما دويت و كرهت روحي
"حي انتـِ صح مريضه كنك شن في "قال و صوته كان نوعاً ما خايف بس لحظه حي علي امه كان عارف اني مش مريضه و لا شنو؟
-شكلي خذيت برد قوي-المره هذي كحيت بالقوه و سمعته يقول بسمالله عليك عقلياً انا متت ضحك عليه
"لا باس لا باس اشربي ليم ساخن و لو تبي دوا انجيبلك"
-لا غير بس خوذلي إذن بكرا لو سمحت معسلامه- سكرت و جريت علي الكوجينه نشرب في ميه بيش تحول الطعمه البشعه بعد تقريباً ثلاث كبابي ميه حولت الطعمه بس كل ما نزمط ريقي رقبتي تحرقني حسبي الله و نعم الوكيل فيك يا سعاد الحنش كله منها الحيوانه بس ولله نوريها كان ما قهرتها تصبر بس لين نمشي للشركه مره اخره .
بارت تافه عارفه عارفه بس حبيت انزل :)
HamsYusuf شوفو مسابقتها
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
