ثالث أسبوع يعدي و مالك متصلش يعني في العاده هو يرن و نقعد انا نحكي هو حتي معش فتح واتس نفخت شدوقي و قعدت نزر علي بطمه البنينه ندير في صوت مزعج
يا ربِ لو انه بس معترف بعلاقتنا كان توا رنيت علي امه بس هو حيوان قالي خلي علاقتنا لنا شن دخل هلي
"صباح الخير"صوتها الفرحان خلاني نقلب عيوني هي استمرت تقولي انه هرب و سيبني و كنت في كل مره انتعارك معاها و تطلع هي راقيتلها مني و انا ننفجر بكى مش ساد عليا ضغط هلي في الحوش بيش تضغط عليا حتي هي
"اهلًا"قلت بـِبرود و هي قلبت عيونها و قمعزت قدامي
"هفف اصلا انا قتلك""سكري فمك نبيش نسمع حاجه"هددتها و نزلت راسي نبحت في الأوراق
"علي العموم نبي نقولك راه سمعت انه إجازته تكمل بكرا وتي روحك"للمره المليون نقلب عيوني في وجها ولله نوريه
"و تشوفي فيا مهتمه لاني لاء"صوتي كان حاد معاها انا توا نبي نروح نكرس في داري نبكي و نرقد بيش انوض مزيفه ابتسامه لماما و فرح اختي هذا كل الي انا نبيه
كل حاجه حتكون تمام كل حاجه حتحسن نقنع في روحي انه حيرد و حيكون عنده مبرر و ان شاء الله يطّلع مبرر مقنع لانه معنديش نياط نقعد متعاركه معاه لفتره طويله
"شفت اخته أمس في السوق"قلت بعد مده طويله من الهدوء في مكتبنا
"صاح! "هي سئلت و قربت كرسيها من مكتبي
"اهاا كانت في محلات بن زبلح تشري في حاجات "قلت و مديت فمي لقدام محلات بن زبلح للمناسبات اي مكسرات و هكي
"بلكي عندهم مناسبة""مظنتيش هي مش كيف جايبه و لا مالك عنده اخت غيرها "انا بررت و هي همْهمت
"بلكي عند عربها شن عرفك انتـِ اوكي انا نبي نروح مسيبه زيزو بروحه"هي قالت و صبت تلم في حاجتها زيزو هذا عزيز او عبد العزيز ولدها
"بوسيه ليا رايفت عليه""يوصل ان شاء الله كان صار حاجه رني عليا"هي قالت و طبست باست خدي و طلعت تنهدت و رديت نبحت قدامي اخره رايفت عليه رايفت علي عصبيته الزايده هفف ان شاءالله بس يكون كويس هذا كل الي نبيه
"الحافلة جت هيا"وحده من الموظفات قالت و انا صبيت سحبت شنطي و لحقتهن الحافلة ما كنتش زحمه كنّا خمس بنات او سته عمي رجب بواب الشركه و في يوم اكتشفت سعاد انه عنده حافله ف اقترحت علينا انه يوصلنا و ندفعوله مبلغ بسيط من مرتبنا و اهو كل مره وحده فينا تجيبله حاجه و طبعاً هذا كله صار و مالك معندش علم
"شكراً يا عمي "قلت و فتحت الباب و نزلت لما وصلت قدام العماره حد خبط في كتفي و قريب طحت و لاء الوقح ما اعتذرش حتي
شتمته بكل شتيمه نعرفها و ركبت للشقه و انا مضايقه من الغبي الي خبطني رنيت الجرس و سمعتش صوت و استنتجت ان الضي طائف دقيت مره و اثنين لين فتحت فرح وجها اصفر و عيونها حمر عقدت حواجبي و بحتت فيها
"كنك"هذا الي قلته لها بس إجابتها خلتني نبي نضرب روحي و تمنيت اني عطيتها كف
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
