"الغدا واتي"قلت بصوت عالي من الكوجينه و جا بابا و ماما و اختِ فرح اصغر مني بـ ثلاث سنين كان عندي أخ بس الله يرحمه مات و هو مع مالك مسكين و مالك تحملش الي صار لخويا وقتها منهم المهم الحمدلله علي كل شي
"قمعزي يا خوله"بابا قال و بحت فيا
" لا شكراً مش جعانه نبي نرقد"قلت و عزقت ضحكه و طلعت لداري نحنا مش ورق و مش فقراء يعني بابا بمرتب هو صح مهندس بس موظف حالتنا عاديه و نلبسوا احسن دبش و عايشين صح في شقه بس في منطقه راقيه عزقت روحي علي السريري و بحتت في الصقف
"كنك متعاركه معاه "نزلت عيوني و لقيت ماما ورآها فرح قلبت عيوني و قمعزت
"يعني قصدي في يوم صوره التخرج قتله تعال شوف ماما و هو رفض و عدا و بعدها تعاركنا علي موضوع العمل هو شبه هزبني"شرحت و انا نشير بـيداي
"تكذبي انتـِ ،هزبك كيف يحكي هو اصلا بيش يهزب"فرح قالت بهزوه و انا فنصت فيها هي حيوانه و أُرفِّه ان الموضوع هذا حساس بالنسبهً ليا
"لا يا بيب مش كل هزيبه تنقال"اخر شي نبيه انتعارك معاها بيش انتهزب جديات من ماما
"خلاص استهدي بالله و تعالي كولي باتك يستني"صبيت و طلعت معاهم بس عشان بابا مسكين
"راهو مش مسكين تغدا هو "ماما قالت عارفه انا فيش انفكر ضحكت و قمعزت في كرسيي تغديت و بعدها عديت انقيل قبل ما نكلمه لاني عارفه انه مش حيكلمني و بصراحه ممكن انا انكون تماديت معاه و قتله شتيمه اوكي الغلط كله مني انا الي زعلته و شتمته و سكرت في وجهه و هو دزلي بعدها موشح هزيبه .
نضت قبل ربع ساعه رنيت عليه و ما ردش دزيت رساله و شافها و ما ردش هو نذل علي فكره٫ فكرت في شن الحل و اوكي لما تقعدي تبي تراضي حبيبك دريلا دراما صح ؟
عديت للحمام و غسلت و فركت عيوني لين قعدن حمر عديت شميت بخور و بما ان عندي جيوب انفيه خشمي قعد سيلان و حكيته فقعد حمر حتي هو؛ سكرت باب الدار و قمعز علي السرير نرن عليه ب مكالمة فيديو و انا عارفه كويس انه حيرد
و فعلا رد عيونه توسعن بس رسم تعابير البرود علي وجهه الي خاطري انعجنه له توا
"مالك كنك تردش عليا رنيت و دزيت رساله و انت عبرتنيش "سحبت ألهوا من خشمي خير ما تنزل حاجه و تقعد فضيحه توا
"اوكي انا عارفه اني غلطت بس"خليت فكي يرعش و صوتي مكسور"انا اسفه ولله ما قصدي انت تعرف ان لساني متبري مني و اني مش من نوعيه البنات الكيوت انت تعرف ان مافيش حاجه بكتني من بعد هذك اليوم الا توا انا نبكي لاني فكرت انك ممكن تسيبني"حي علي امي لو يعرف اني نكذب مش بعيد يذبحني
شفته يبحت و هو مش عارف شن يدير فتح فمه و سكره و فجاءه سكر في وجهي هلتيس-معلش في الكلمه- ولله نوريه تيلفوني ضوا و لما بحتت لقيته داز
من مالك 😍👫:
|امسحي دموعك نحبش انشوفك هكي
أهو رديت و حتي انا اسف بس انا منبكيش تختلطي مع رجاله بلكي انتي الي تسيبيني مش العكس
حبيبتي انا نحبك و انا عارف اني ظالمك معايا
و راس هذك المرا الي جابتك ماعاد تبكي.|
ليش حسّيت بتأنيب ضمير؟
__ ________ __ ________ __ _____
سوو رأيكم الي عنده تويتر او انستا في روابط في صفحتي يخش منهن و يسئلني خاص و انا انجاوب هنا علي الحائط و الي ما عنداش يسئلني هنا في الخاص.
__ ________ __ ________ __ _____
سو كومنت و ڤوت و منشن ل أصحابكم .
و في حاجه مش عاجبتكم؟ هي مازالت مش واضحه لاني نحاول نرتب افكارها.
كل الحب ميمو ❤️
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
