لما ايمن سألني انا فيش كنت ندير في مكتب مالك الصراحه أنشليت معش عرفت نجاوب
هو بحركه سريعه منه سحب يدي و قعد يكر فيا ورآه لين وصلنا لمكتبه في الدور الثاني ايمن حرفياً طبق الباب و عيونه كانن يطلعن في نار و هذا كله انا ساكته
"انا سألتك فيش كنتِ تديري عند النم مالك"صوته كان عالي كان اعلي حتي من صوت مالك لوطه تنفست من خشمي و قمعزت علي الكرسي
حكيتله كل شي حكيتله بدموع علي كيف انه منخدع في بنت عمه الملتزمة و كيف اني ظلمت الشخص الوحيد الي كان في حياتي بس طبعاً ما قلتلش ظلمت الشخص الي نحبه او كنت نحبه
"بنت عمي رجب مستحيل تدير هكِ"هو قال و قمعز قدامي
"بنت عيت الهواري دارت هكِ "انا قلت بتحدي و استفزاز و هو فنص فيا
"بحتِ فيا هن هي صح مش بنت عمي لصق بس مستحيل نسمحلك تغلطي فيها فهمتي بنت عمِ رجب مستحيل تدير هكِ"مش بنت عمي لصق !!
"ها!"قلت بحتت فيه بـاستغراب
"شنو!!"هو قال و صبا
"مش بنت عمك لصق؟"سألته و صبيت حتي انا ايمن حط يده في شعره و هز راْسه
"اكيد تعرفي انها بنت حني مش من جدي"عقدت حواجبي و ايمن تنهد
"قصدي حني كانت مزوجه قبل جدي بات عمي رجب و هو مات فـ بعدها حني تزوجت جدي "اهاا توا فهمت كيف القبيله تختلف عمره ما خطر في عقلي نساله
"المهم هي دارت حاجه غلط "انا قلت و اتجهت للباب
"و الأهم معش نبي نشوفك مع مالك ما نبيش الناس تحكي عليك اوك"صوته فجاءه قعد حنين وهذا خلاني نبتسم في وجهه ابتسامه كبيره و نفسها انعكست علي وجهه فكره انه خايف عليا من كلام الناس و ما يبنيش انتأذه منهم حبيتها
"نحبك لما تكوني فرحانه"ايمن قال بصوت واطي و انا ضحكت و طلعت و انا نحب كل حاجه فيك قلت في تفكيري .
:ايمن:
لما خوله طلعت من المكتب انا حطيت يدي علي قلبي كيف سمحت لروحي انقوللها حاجه كيف هكِ
صوت في عقلي قال اني حمار و اني لو سكرت فمي و مقلتش الي قلته لها قال نحبك فرحانه قال
غبي!! منعرفش نتحكم في روحي قدامها
تنفست بالقوه و سحبت جاكه البدله و طلعت في طريقي شفت سعاد و علي شوي كنت نبي نخليها تفسر الكلام لي قالته خوله
بعدها حاجه قالتلي اني حنسبب مشكله عشان هكِ انا طلعت بسرعه منغير ما نخليها تشوفني
شفتها راكبه للحافلة و ابتسمت علي منظرها اللطيف كانت مثاليه بالنسبهً ليا كانت كل حاجه فيها حلوه و مريحه بدايه من ملامحها لـتصرفاتها
ما فطنتش اني كنت سارح فيها لين طبقت باب الحافلة فيها حاجه وحده بس غلط لو انها أتحجب و هذا ان شالله اول شي حنديره لما نزوجو
زواج! في يوم من الايام القريبات حنقول عليا مراتي حتكون ليا
بس الفكره بروحها تخلي في قلبي يدق و نحس بشعور مريح يبال لما يصير شن يصير فيا انا
ركبت سيارتي و سقت شور الحوش مبتسم كيف ديمه من اول مره خبطتها فيها علي الدروج قبل ما تعرفني حتي كانت السبب في ابتسامتي .
___________
نزلت ع خاطر الي طلبت
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
