اسفه طولت 😩
🙏🏻
_______________
شهرين مره علي خطبه مالك و علي محاولته انه يحكي معايه و علي قولته يشرح مكسوره؟ممكن بس مش نفس قبل نحبه؟حبه مازال قاعد و مستحيل نكرهه و عشان هكي نبيش نسمعه لاني عارفه اني حنخذعله و نسامحه بكل سهوله
"الحافلة لوطه راني ماشيه"عيطت و انا نلبس في كوشي سقمت شعري و طلعت و كـ العاده تقابلت معاه أيمن ولد جيرانه أيمن القذافي هو من الغرب انظني لانه مش عارفه بس المهم كان طويل شعره في تكسيرات-كيرلي- عيونه خضر و اوكي هو
طرف نقدرش أنقول كلمه غير هكي
"السلام عليكم"قلت و هو ابتسم و حي علي امه فيه غمازه هذي اول مره يبتسم
ليش قلبي نبض بالقوه رمشت و نزلت و هو نزل ورايه لف و عدا يحكي مع عمي رجب
لما ركبت و قبل ما نسكر الباب هو ركب معانا قدام البنات قعدن يتهامسن و هو برم و قال"معلش يا بنات سيارتي خاربه و مال- صاحبي مريض مجش اسف لو ضايقتكن"مالك مريض! مرض جدي هذك
البنات قعدن يرقن في أصواتهن و يضحكن بصياعه طيح سعدهن قلبت عيوني و طلعت تيلفوني نلعب بيه
"معلش خوله"رفعت عيوني و لقيته أيمن عطيته ابتسامه و قلت"نعم"
حاولت اني منكونش وقحه
"خلي هذينا عندك مفتاح حوشنا و السياره غير نضت لقيتش امي و انتي تروحي قبلي ف حطيهن تحت الباب و لا خليهن معاك لو سمحتِ "قلبت فمي و هزيت راسي ناخذ منه المفاتيح
هو كيوت رجولي و كل البنات يحبنا عشان مش وعطي وجه لأي وحده فيهن
ليش راقيتلي أنهن يحبنه إِيش دخلني نا اصلا اجعنهن ما يحبنه
حي حي ناقص امي تحريات علي صبح وجي فكرت لما لقيت أمل تستني قدام باب الشركه من جوا لما نزل أيمن و انا كنت اول وحده ننزل بعده ف طبيعي انه يقعد ماسك الباب عيونها توسعن و انا مشيت شورها
"نعرف نعرف بس مش هنا"قلت و هي رفعت يديها كعلامة استسلام
لما خشينا لقيت مالك مصبي و يحكي مع أيمن بعصبيه و هذا الي سمعته و عرفت انه يحكي عليا"كيف تمسكلها الباب اصلا ليش تركب معاها في الخاربه هذي خوله ليا يا ايمن"
و حاجه عبيطه جوا مني خلتني نفرح لانه مزال يغار عليا و ان أيمن كذب و ركب معانا بس عشاني !!
___________________
رأيكم في روايه للان؟
ممكن متابعه ليا؟
حاجه مش مفهومه
حاجه مش عاجبتكم
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
