سوو بكرا معنديش امتحان فقلت نكتبلكم☺️ اسعدوني بتعليقاتكم❤️
ملاحظه الي بين () تعني لغه الاشاره
__ __ __ __
امل"توا مالك مايبيش يتقدملك يعني رابطك معاه هكي و خلاص"أمل قالت توشوش و تبحت في مالك من ورايا قلبت عيوني و سندت ظهري علي الكرسي
خوله"انا هكي عاجبني منبيش نزوج"قلت و برمت راسي ابتسمتله و رديت بحتت فيها أخَّرا
امل"تي انتي بهيمه خوله رآك خاشه علاربعه و عشرين سنه بالله عليك امتي تبي تزوجي"هي انفعلت و حرفيا خلت الناس تبحت فينا
خوله"وطي الخرا بعدين مش انتي مجوزه خلاص خاطي امي "عضت فمها و عرفت انها تبي تشتم هي تنهدت و صبت تبرطم
طلعت التيليفون من الشنطه و دزيت لمالك
من مالك❤️❤️:
عاجبك هكي تعاركت مع صحبتي
الي خوخه🙈❤️:
شن دخلني انا :(
ضحكت و رديت نشرب في عصيري اوبس شكلي نسيت انقوللكم انا وين انا في الشركه الكافتيريا تحديداً
زريت علي مالك و خلاني نشتغل بشرط ان مكتبي و مكتبه حدا بعضهن و شكله كان يحساب ان المدير مش حيوافق المهم هذا أولي أسبوع نشتغل و اوكي الشغل كويس قصدي احسن من الحوش و ملل الحوش
فكرت ماليا في كلام أمل هي عندها حق الي نقصده ان حتي الناس قعدت اتمسكلي يعني يا نويرتي مزلتي قاعده و لا عقبالك و لا انشالله نفرحو بيك ، توا انا نبيش نزوج لكن ماما باديه تزر عليا ولد فلانه شافك و عجبتيه فلأنه تبيك لخوها و هكذا زعم كبد حسّيت بيد علي كتفي و لما رفعت راسي تلقائياً ابتسمت
مالك(كنك)هو قال بلغته و انا مديت فمي و فركت شعري
خوله"ما كني شي غير انفكر" قلت و هو ابتسم و حرك راْسه و جا قمعز قدامي
خوله"هيي بتاعي"قلت لما مالك سحب العصير بتاعي
مالك (و لا يهمك) هو حرك يديه ب المعني هذا و تأملته ما فيش غلطه فيه سبحان الي خلقه
خوله"مالك جاييني عرب"قلت و بحتت قدام تنفس مالك بصوت عالي و يده تكورت يا ربي انا شن درت بس هو لازم يحرك روحه كان يبيني
خوله "اسمع ولله مانك ماشي"قلت و مسكت يده لما هو صبى حرك يديه بعرم حاجات بس ما فهمتش حاجه
خوله"اسمعني انا قتلك اني حنكون معاك قلتلك ان انت مش بكوش الدكتور قالك حترد تحكي الموضوع مؤقت و راني انا تعبت كل ما انقولك كلمه تصبي و تنرفزني مرات انحس انك متحبنيش و قاعد معايا بس عشان اخت رفيقك الي مات "اوكي انا مش عارفه كيف قلت الكلام هذا بس طلعت الي جوا مش معقوله كل ما نحكيله يتهرب مني
مالك(انا انحبك و عمري ما فكرت هكي)مالك حرك يديه و انا فكي رعش اه يا انا مثيره للشفقه سحبت شنطي و عديت لمكتبي انا ما كانش قصدي نزعله هو عمره اوكي مش عمره بس ميزعلش فيا واجد
انتو ممكن مش عارفين القصه بس انا حنقولها قبل سنتين خويا و مالك و شلتهم كانو ماشيين لدرنه بما انه ملتحقين في الجيش و جاهم امر حضور و التزام طاحو في فخ و عذبوهم و قتلو أصحابهم قدام عيونهم خويا و مالك كانو اخر وحدين مالك شافهم و هما يذبحو في خويا شافهم و هما مستمتعين بالمنظر و لما قمعزو مالك علي ركبيه بيش يذبحوه سياره جيش اقتحمت المكان و انقذاته و من يومها و هو معش حكاه جاته فتره عاش معانه و وقتها انا حبيته و هو حبني و ارتبطنا مالك كان يتعالج علي حساب الدولة برا بس بعدها وقفو الفلوس و اضطر يرد مرا آخراً حالت البكش الي عنده موقته لازم بس يتابع عند دكتور و هو رفض انه يتعالج هنا .
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
