_مالك_
روحت للحوش بعد يوم عمل مرهق و زياده عركه مع خوله نبي نعرف البنت هذي كنها تستفز فيا هي تعرف اني نحبها و اني نبيها ليش اتعمد انها تجرحني
"العشا واتي "اختي الكبيره قالت و توا بس فطنت انها عندنا قلتلها وين العيال بالاشارة و هي ضحكت و قالت"برا بس انت بعد ما روحت كان منظرك رقيتله فقلتلهم خلو خالكم في حاله"
ابتسمت و صبيت طلعت معاها بست عيال اختي و تربعت في اللوطى جنبهم
"خالي كنك ديمه ساكت"نفس السؤال ديمه تكرر فيه ابتهال
"ابتهال سيبي خالك في حاله"امي نتت فيها و البنت خشت في روحها و صبت قمعزت بعيد عطيت ل امي نظره منجدك توا يعني هي عمرها ثلاث سنين شن عرفها اني مندويش
"اختك جايبتلك عروس مشالله عليها و قالتلها هي انك متحكيش و هكي و وافقت ها شن رايك"امي قالت و انا قلبت عيوني
هي متعرفش خوله و اوكي هذي غلطتي كان مفروض البنت الي نحبها كلهم يعرفوها بس انا من هذك اليوم اكتفيت اني نعيش حياتي بروحي
"امي تعالو تعشو "خيريه قالت و انا صبيت لحقتهن باتي و راجل اختي فرج و انا و امي بس الي كنّا علي الطاوله و كالعاده هما يحكو و انا ساكت انا قررت حنحاول اني انتعالج بس عشان خاطر البنت الي متحملتني
عشان خاطر امي الي تبكي في الليل و هي تصلي و تدعيلي انا عارف اني بس انفكر في الموضع و مش حنفذه بس لاء المره هذي عزمت اموري مسكت تيلفوني و خشيت علي الصور بحتت في صورتها يوم التخرج و ضحكتها شعرها وجهها الطفولي كل حاجه فيها تخلي فيا انحبها زياده ربي يحفظها ليا و يخليها من نصيبي
ثاني يوم في الصبح دزيت رساله للمدير و قتله اني مريض و مش حنقدر إنجي للعمل و دزيت لـ خوله نفس الكلام لبست دبشي و طلعت
"وين ماشي يا مالك"باتي سئل و كتبله في ورقه -لـمشوار- باتي مهما امي دارت فيه متعلمش لغه الاشاره علي قولته شن يبي يدير بيها بعد ما انا انصح .
__ __ _________________________
شابتر سريع غير بس مش فاضيه نوتيفي شنطتي مسافره ل ماليزيا بكرا في الفجر ف أمس ما فضيتش نكتب .
نحبكم
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
