_______________________
"نبو نعزمو راجل بنت خالتي و عمك فرج حتي هو بناته مزوجات اكيد باتك بيكلمهم"قربت كبايه النسكافيه من فمي و انا نبحت في ماما و فرح الي يكتبن أسامي الرجاله الي يبو يكلموهم في الفاتحة
فاتحتي الجمعه اي بعد اسبوع ممكن نكونو أستعجلنا انا و ايمن في الفاتحة ممكن كان لازم نقعدو فتره اطول تخيلو نسيبو بَعضُنَا بعد الفاتحة حي عليا ولله ما تنكتب عليا مطلقه
"رني علي عمتي سعده و خليها تأجل الفاتحة حسني استعجلت "قلت و هنا الاثنين رفعن عيونهن فيا يقول طلعلي راس ثاني
"تحكي جد انتـِ"ماما قالت بصوت غليظ مش عارفه كيف المهم انا داخلياً قلبت عليها عيوني
"يب تخيلي بس يسيبني بعد الفاتحة و نقعد مطلقه "انفعلت و حطيت الكبايه عشان مطحيهش مني
"العيل شاريك فـ-". "الراجل قصدك" قاطعتها و حطيت يدي في وسطي نظرتي كانت ترا قولي عيل مرا اخره.
ماما رايحه مستفزه تحب تذكرنَّي بكيف ان سعاد و مالك فرحهم بعد شهر تحب تذكرنَّي انها كانت أتمنى اني انا مكان سعاد لان مالك ميتعوضش مش عارفِّه ليش تضايق فيا لو اني رديت عليها حتكون قلت ادب و لو سكتت حنمرض.
"الي هو بدال ما انه يبيك فمستحيل يسيبك الا اذا كان العيب فيك بيش ثاني واحد تحبيه يسيبك"شفتو!! صبيت و كان خلاص كبدي درهت منها و من كلامها السم
"تقدري تسكتِ؟ها! راني بنتك مش بنت ذرتك، كلامك السمِ هذا حيرد عليك اوكِ.. يا ستي حتي لو حرام و ربي حيحاسبني عليك حسبي الله و نعم الوكيل"وجهي لف و عرفت انها ضربتني كف الحراره علت و نفسي تقطع معش عرفت انتنفس
بكيت! لاء الي كنت فيه خلاني نتجمد حرفياً حتي رمش ما رمشتش
"خشي لدارك"هي قالت و قمعزت علي الصالون هزيت راسي و خشيت لدراي لقيت فوني علي السرير و لقيت رساله من الي سرق قلبي و عقلي الوحيد الي في اسوء حالتي يخليني نبتسم كيف توا مثلا الابتسامه قاعده علي وجهي بس لاني شفته داز رساله
من ايمن🙊💚:فجاءه قلبي قرصني عليك ان شالله خير بس.
4:07pm
ضميت التليفون لصدري و فكِ بدا يرعش نبي نكلمه بس منبيش ياخذ فكره غلط علي ماما هي ماما بعد كل شي! تنهدت و دزيتله
الي ايمن🙊💚:حبيبي يا ناس الي عنده إحساس😂 كويسه يا قلبي ما فيا شي.
5:40pm
نحبه يا ناس انحبه اكثر من اي شي في العالم كله.
_______________________
تعليقاتكم تسعدني.
ألمهم في بنت انظني اسمها اسراء اسفه نسيت لانه له فتره الموضوع قالتلي ليش ما انزلهش الروايه هذي علي الفيس في قروب روايات..نسيت الحق روايات ايش. المهم انا معنديش فيس ف الي تبي تنزل الروايه هذي علي الفيس تقولي و تكتب انها منقول و تكتب Belikememo و تنزلها عادي.
و بس نحبكم و ربي
كل الحب
أنت تقرأ
مثالي /باللهْجه اللِيبيه
أدب الهواةمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
