-اسفه اسفه لو قلت اني اسفه من اليوم ل مليون سنه مش حتسد جدياات اسفه- ايمن 👆🏻❤️💚
_____________________
تنهدت نبحت في ايمن الي يحكي مع النادل علي طلبنا هو كويس و كل بنت اتمناه، قلبت عيوني لما شفت سعاد الحنش و مالك الثعلب متعدلوش علي الألقاب بس صح هي حنش و هو ثعلب.
"ايمن "تمتمت و هو وقف كلام و بحت فياو انا قلبي نبض لما شفتهم متجهين شورنا.
"انت كلمتهم"قلت و هو بحت لاورا و ابتسم ابتسامه وصلت لـعيونه و شير ل مالك انا شن درت في روحي بس
"تعال انت و المدام "ايمن قال و بالنسبهً ليا بصوت مستفز، مالك اعتذر و عزقلي ابتسامه و انا قلبت عيوني في وجه؛ النادل عدا و ايمن بحت فيا مبتسم و ابتسامته انطبعت علي وجهي
"باهي "هو قال و انا وسعت عيوني ماسكه الضحكه هو حك رقبته و تنهد
"تبي تقول حاجه عندي احساس انه في شي" هو عض فمه و هز راْسه و قرب روحه يحط في يديه علي الطاوله
"توا انا نبي نجيب هلي رسمي قصدي اوكي امي حكت مع امك بس نبي نجيب خالي فرج و عمي حسين عشان يتفاهموا و هكِ يعني فهمتي؟" هزيت راسي و لويت فمي، سكتت و رفعت عيوني للراجل الأسمر و هو يحط في الوكال
ايمن كان عازمني في مطعم علي قولته انتعرفو و تبو الصادقه طالعه من ورا هلي معاه، نعرف لو عرفوا حـيديرو قصه و خصوصاً انه مش رسمي نعرف انه عيب و هكِ بس يعني علي كل حال محد حيعرف صح؟!
حاولت اني نخلي تأنيب الضمير الي فجاءه جاني يحول بس قدرتش، يعني انا كذبت علي هلي و قلت اني مع امل و امال هذي بروحه قصه، بدينا نأكلو في هدوء و مره مره نرفعو في عيونا لما سعاد تضحك بصوت عالي،
شفت ايمن يعقد في حواجبه و في حاجه خلتني نقول"مش داروحها مديّنه كيف طالعه مع خطيبها و تسهوك"
تصرف حقير بس علي قولتها الأخت تستاهل
"ما انتـِ طالعه معايه و انا مش خاطبك رسمي"ايمن قال و رفع حاجبه اليسار
"شن قصدك انا صايعه"قلت و شيرت علي روحي هو مستحيل يظن فيا الظن هضا صح!
"معناها انتـِ قصدك ان سعاد صايعه "هو كتف يديه و قال بـ برود يخلي فيا ننجلط
"وللهِ!! توا انا قتلك نقصدها"صبيت و خذيت شنطي و كنت طالعه لما هو مسك يدي شفته يسحب في نفس و يغمض في عيونه الخرش الي انا نحبهن اكثر من اي شي
"مش قصدي اوكِ اسف قمعزي "بحتت في يده و سحبت يدي منه
"لا يا حبيب قلبي كول بروحك "طلعت و رنيت علي امال
"وينكن"سالت "نحن تمام كيف حالك انتي"حرفياً اليوم اكثر يوم قلبت فيه عيوني
"بطلي براده وينكن"سالت مره اخره و حسّيت بحاجه في رقبتي و الدموع تجمعن
"قاعدات في قسم النساء توا نجوك" ثواني كانت و هنا جن من وجي و عيوني الحمر هنا اكيد عرفن ان في حاجه صايره لذلك و لا وحده فيهن حكت، عارفات اني حنطربق في وجوهن لو قالن حاجه؛ تنهدت لما شفته طالع و نزلت راسي لوطه اخر شي نبيه يكون ان مالك سعاد و ايمن يشوفوني نبكي حطيت يدي في شعري نسقم فيه و داروحي مش معدله.
"تبن توصيله يا اخوات"هي سالت بصوتها المستفز
"محد يبي من وجهك حاجه خاطي امي"قلت بعصبيه نبحت في عيونها بحده
"خوله"ايمن قال بحده و تنبيه و انا علي شوي و سبيت نسله كله
"بنات هيا "امال قالت و انا لحقتها و ما نسيتش نبحت في ايمن بتحدي انا محد يدويلي و يعاملني بالطريقه هذي، حتي هلي عمرهم ما عاملوني هكِ بس فرخه الحرام هذي نعرف كيف نربيها و نعرف كيف نخلي ايمن يبكي علي انه زعلني و جرح مشاعري و ربي يقدرني علي طيبتي و حسن نيتي معاهم هزيت علي الأفكار الشيطانيه الي في عقلي و نزلت من السياره متجهه لـلعماره.
___________
اسفه علي التأخير مره ثانيه
صوتو في مسابقه اسوه لـروايه بوليمر الرابط في البورد في صفحتي.
دمتم بخير
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
