"ماما منجدك تبي تمشي راهي بنتك الي كسرو قلبها"فرح انفعلت و انا بحتت بسكوت لماما صح كيف تمشي تخطب للراجل الي هي عارفه ان بنتها مكبده فيه بحتت لـ صوابعي نلعب فيهن و مبتسمه بقهر عمري ما كنت ضعيفه
حتي بعد ما مات محمد خويا انا الي كنت قويه و نصبر فيهم و فيه حتي هو
بس في النهايه محد مهتم بيا هما عمره ما سالوني كيف حالك حتي لما يسألوا نجاوب بـ الحمدلله
عمري ما طلعت الكبت الي جوا الي انا عارفه انه لو طلع حنخرب كل حاجه
"مش شور حد و بعدها اختك ساكته و أهي مشالله عليها و الوليه طلبتني و الوليد وعدت اني نخطبله"ماما قالت و انا ضحكت بهزوه و صبيت
"تعالي ديريلي شعري وين ماشيه"ماما ردت قالت و انا طلعت لبابا، ماما حنونه و كل شيء بس عندها في الا مُبَلاه يعني متهتمش بمشاعر الي قدامها
"اهلًا اهلًا تعالي قمعزي ها وسعتلك"ابتسمت اكثر و قمعزت حداه حط يده علي ركبتي و عيونه علتفزيون
"اه الساعيجي المسلسل بتاعك"ضحكت علي كلمه الساعيجي الي بابا مهما دارت فيه فرح ما سيبهش هو راجل شرقاوي و زمان كانت بالنسبهً اللهم الكلمات هذينا موضه
"مندرعنا هو توا "هزيت و هو ضرب كراعي بـبصراه الشي الوحيد الي يخليني مبتسمه هو بابا و اني نشوفه قدامي كويس حي يرزق
صوت الجرس خلاني نصبي و نقول اني حنفتح و فتحت الباب كان مصبي قدامي بـ بدله سوده كلها شعره مرفوع و الساعه الي جبتها له هديه في يده اليسار زمطت الغصه و مديت يدي قدامي و همست بـ"تفضل"خش و سلح كندرته و خشيت قلت لبابا ان مالك صاحب محمد قاعد
"خوله"سمعت ماما تنادي و خشيتلها
"همم "همْهمت و هي بحتت فيا و قالت"من جا"
قلبت عيوني و عزقت روحي علسرير و قلت"مالك اوتي بسرعه"بحتت فيا ماما و بعدها برمت وجها
"غريبه مش لاصقه فيه"ماما قالت و للمره الألف بلكي انا قلبت عيوني
"لا يا حنه ما تنكتبش عليا "كان خاطري نعيط و نمشي نضربه كف صوته هو و بابا كان وصل للدار و هضا خلاني نمشي ندير قهوه لان ماما علي ما يبدو انها مطوله لما درت القهوه كنت نبي نادي بابا يشيلها و بعدها قلت ان يده توجع و حيخلي مالك ياخذها و مش نقصني جو مسلسلات و دراما انا لما خشيت للمربوعه تمنيت ان تكون خطبتي انا عليه بس مش كل حاجه حد يتمناها تصير
"هاك"قلت بوقاحه نوعاً ما و هو خذا القهوه بسكوت مديت لبابا و حطيت السفره و عديت لدراي عندي شعور قاتل بـاذيه نفسي بس شن حنستفيد عزقت روحي علي سريري و بكيت لين طاح سعدي و أفضل شي اني رقدت.
سوووو اسفه كان مفروض انزل بس انتو عارفين الليبين ما يصدقو ب مناسبة امس حسيبي ربي جت اكثر من 13وليه بيش يباركن علي نجاحي بالخصوص ان علي قول وحده فيهن بنات العبيدي معروفات شن يديرن في نجاحهن يعني المهم تمزطت امس و مكتبتش سي يو
أنت تقرأ
مثالي /باللهْجه اللِيبيه
Fanfictionمُقَـدمه: كانت حياتي سعيده معاه كان يحبني و الحاجه الي نبيها قبل ما نطلبها تكون عندي كنت اكثر وحده محظوظه في العالم لان ربي رزقني بحد حنون و طيب و يخاف ربه فيا كيفه كان ديمه يقول اني له و انه ليا كان مثالي ليا بس لان مافيش حد مثالي الا ربي سبحانه و...
