العفه تقتل احيانا بقلم/ لولو_محمد (كامله)

الجزء السادس

#lolo #لولو_محمد
(((((((((((((العفه تقتل احيانا ))))))))))))
الحلقه السادسه

طارق / اوصلك لبره
عفه / متتعبش نفسك انا عارفه السكه سلام
عفه تمشى
سما / دى من ورا الجموسه وش
انجى / حرام عليكى دى شكلها عسل
......................
طارق / من زمان مشوفناش واحده بالشكل ده
سما / اشبع بيها
سما تقوم و تسيبهم
....................
فى البيت
الكل قاعد بياكل
عاصم / انا شايف انها لقطه
هناء / هنعمل ايه بفيلا يا عاصم احنا فى شقه و تايهين فيها هنروح فى فيلا نتفرق اكتر
عاصم / يا سلام ماختك قاعده فبيت كبير فى البلد
هناء / اختى عيالها هيتجوزوا معاها و هيموا البيت
عاصم / بكره سيف يتجوز باذن الله و يملاهولك برده
هناء / بص معاك فلوس محيراك هات لسيف شقه جنبنا خلاص
عاصم / خالتك الفقريه المهم يا عفه اخبار الكليه ايه
عفه / اتعرفت على ناس كويسين اوى
هناء / كويس
عفه / بصراحه هما اللى جم اتعرفوا عليا كانوا تلت بنات وولدين
سيف يطلع من اوضته و يروح يقعد معاهم و ياخد طبق
عاصم / منور يا سيف
سيف يبتسم و يحط معلقه رز و شويه فاصوليا
هناء / زود شويه خدلك طيب حته لحمه
سيف يهز راسه لا و ياكل بالشوكه فى صمت
هناء / كملى يا عفه اساميهم ايه اصحابك دول
عفه / انجى هى اللى جت كلمتنى و ابن عمها باين او حاجه كدا كان اسمه طارق بيقول ان هو معايا بس مش عارفه معايا فى ايه مسالتش و كان فى بنت كمان اسمها سما بيدلعوها سوما بس هى مكنتش طيقانى و فى ولد و بنت معرفش اساميهم و انجى خدت رقمى
عفه تبص قدامها تلاقى سيف منتبه للكلام عفه تبلع ريقها
عفه / بس هو ده كل اللى حصل و روحت علاطول
سيف يقوم من عالاكل
هناء / انت مكلتش يابنى
سيف / مش جعان القهوه يا زينب
سيف يقفل باب اوضته
هناء / طب دانا فرحت انه هيدوق الاكل حرام عليك يا سيف
عفه / لا كدا كتير
عفه تقوم تشد الطبق بتاع سيف و تزوده شويه و تقلبه على بعضه و تدخله الاوضه تلاقيه نايم يقوم يقعد
عفه / كل محدش هياكل مطرحك
سيف/ مش جعان
عفه / بوظته ليه مين هياكل وراك انا تعبت فى الاكل ده
سيف يقوم يقف عفه ترجع بالطبق خطوه لورا خايفه
عفه / خالتوا زعلانه عشان مبتاكلش
سيف يقرب منها عفه ترجع خطوه لورا سيف يمسك المعلقه و ياكل معلقه مالطبق و يهزلها راسه تمام
عفه تحط الطبق عالكومدينو جنب السرير و تمشى سيف يتف اللى فبقه فى الزباله و ينام مكانه تانى و هو بيلعب فى الموبايل
.......................
بالليل عفه قاعده فى الصاله لوحدها بتتكلم فى التليفون
عفه / البنات هنا حاجه تانيه خالص و الولاد كمان
حسن / اسمهم ولاد
عفه / اسمهم زى ميبقى بقى
حسن / منبسطيش يعنى
عفه / لسه مخدتش عالجو حاسه انى غريبه و تايهه ياريتك كنت معابا
باب اوضه سيف يتوارب
عفه / فى بت رزله الست عليا و انا مروحه سمعتها بتقول انى جايه من ورا الجموسه
حسن / و عملتى ايه
عفه / هعمل ايه يعنى هعمل نفسى مسمعتش و مشيت بس الكلمه دايقتنى و بعدين ايه يعنى ماجى من مكان ماجى و هى الجموسه وحشه
حسن / امال زعلانه ليه انتى بتغنى و تردى على نفسك
عفه / يوووه الحق عليا انى بفضفض معاك
مصطفى يدخل اوضه حسن
مصطفى / بتكلم مين
حسن / عفه
مصطفى / طب اديهانى جرا ايه يا بت مبترديش عالموبايل ليه
عفه تهز راسها بديق و تنفخ بعيد و ترد تانى / معلش يا مصطفى اصل انا نسيته صامت
مصطفى / انتى مش المفروض تكلمينى لما تروحى تطمنينى عليكى
عفه / معلش يا مصطفى انشغلت الجو كان حر و رجعت مفرهده نمت
مصطفى / عملتى ايه فى الكليه
عفه / الحمد لله
مصطفى / هكلمك لما اروح عالموبايل خليه جنبك بقى
عفه / ان شاء الله
مصطفى / حسن معاكى
حسن / ايوه يا بنتى
عفه / انا هنام عندى كليه الصبح تصبح على خير
حسن / سلام يا حبيبتى
عفه تقفل السكه و تقعد عالكنبه حاطه ركبتها تحت رقبتها سيف يفتح الباب عالاخر عفه تبص تلاقيه واقف تقوم تدخل اوضتها و هى عالباب
سيف / انتى مجبوره عالجوازه دى ولا ايه
عفه / لا
سيف / امال مش طيقاله كلمه ليه
عفه / مين مصطفى
سيف / مش ده اسم خطيبك برده
عفه / اه
سيف / شكلها ايه اللى اللست عليكى دى
عفه / عاديه
سيف / لابسه ايه يعنى
عفه / عادى
سيف / عشان كدا
عفه / هو ايه اللى عشان كدا
سيف / مهو دايما العادى بيالس على اللى مش عادى و المميز
سيف يمشى و يدخل الحمام و عفه تدخل اوضتها و تقعد تتنطت عالسرير و هى فرحانه باب الاوضه يتفتح تقعد بسرعه و هى بتنهج
سيف/ انتى بتنهجى كدا ليه
عفه / مفيش انا اصلى يعنى مفيش مفيش خير كنت عاوز حاجه
سيف / انا كنت جاى اقولك لو تحبى يعنى لو مش جايلك نوم تقفى معايا فى البلكونه شويه فى ايسكريم فى الفريزر لو تحبى ناكل سوا
عفه / اه اه ماشى يلا
سيف / طب انا هروح اجيبه
عفه تقوم من عالسرير بسرعه تتكعبل فى الجلبيه تقع على وشها سيف يدخل يجرى عليها
سيف / انتى كويسه
عفه / اه اه الحمد لله معلش اتكعبلت فى هدومى
سيف / ماشى يا كعبوره
عفه / بطل بقى
سيف / هههههههههه انتى لسه بتدايقى مالاسم ده
عفه / اطلع بره انا هنام
سيف / يعنى مش هتاكلى معايا ايسكريم
عفه / يوووه اسبقنى هاجى حاضر
....................
فى البلكونه
عفه واقفه سيف يدخل و معاه كوبايتين ايسكريم شيكولاته يدى لعفه واحده
عفه / شكرا
سيف / انا اسف انى عاملتك وحش من ساعه مجيتى
عفه / ولا يهمك عادى
سيف / و اسف انى قولتلك كعبوره انا وعدتك انى عمرى مهناديكى كدا
عفه / لا متشغلش بالك مكنش اول و لا اخر وعد يتنسى
عفه تبص عالشارع و سيف بيبصلها و بعدين يفتح الايسكريم و ياكل
عفه / انا هتجوز فى اجازه رابعه
سيف يبصلها
عفه / دا كان شرط مصطفى انى اكمل تعليمى و انا وافقت اصل مكنش ينفع ارفض بابا كان قرا الفاتحه خلاص و يا اقبل بكدا يبناقص تعليم
سيف / و مدخلتيش اى كليه فى البلد ليه
عفه / يمكن بهرب من هناك يمكن بحاول انسى اللى مستنينى و يمكن كنت فاكره انى ممكن الاقى هنا امل جديد
سيف / مش يمكن اللى خايفه منه ده يكون احسن من حاجات كتير اوى هنا
عفه / مش سهل تتنازل عن احلامك مش سهل انك تنام فيوم و تقوم تلاقيها كلها متبخره
سيف / اللى بيحلم مره ممكن يحلم تانى
عفه / و انت يا سيف من امتى بطلت تحلم
سيف يحط العلبه عالسور
سيف / من يوم ماحلامى بقت كلها كوابيس
سيف يسيب عفه و يدخل
.................
تانى يوم الصبح
عفه قاعده على كرسى جنب الباب بتحاول تربط رباط الكوتشى سيف يطلع من اوضته حاطت الهاند فرى فودنه و لابس ترايننج سوت و نضاره شمس و ماسك ازازه الميه فى ايده يلاقى عفه محتاسه يوطى عالارض يعملهولها و هى بتبص عليه يخلص ينزل يجرى منغير ميبص عليها تفضل عينها عالباب مطرح منزل حبه لحد متليفونها يرن
عفه / ايوه يا عم جمال نازله اهو انا لبست خلاص حاضر
عفه تقفل التليفون و تنزل
...................
فى الكليه
انجى / كلمتك امبارح كنتى مشغوله بتكلمى مين بقى
عفه / خطيبى كان بيطمن عليا
انجى / اموت انا انتى اصلك متعرفيش انا قد ايه بحب الرومانسيه دى تلاقيها قصه حب من العيار التقيل احكيلى عرفتيه ازاى كان بيستناكى على باب المدرسه
عفه / لا طبعا
.......................