العفه تقتل احيانا بقلم/ لولو_محمد (كامله)

الجزء السابع و العشرون

#lolo #لولو_محمد
((((((((((((((((العفه تقتل احيانا ))))))))))))))))))
الحلقه السابعه و العشرون

عاصم يضرب العلبه من ايد عفه يشحترها بعيد و يمسك التليفون
عاصم / ابعتلى عربيه عندى عالبيت ..... ايوه عندى عالبيت بسرعه .... سيف بصلى سيف
سيف مش قادر يفتح عينه عاصم يروح يبص عالحبوب فى الارض
عاصم / مورفين
عاصم يروح للبواب و يديله فلوس وورقه بيكتبها
عاصم / انا عاوز الحقنه دى مالصيدليه حالا
البواب ينزل يجرى
.................
عاصم / سيف مين اللى ضربك كدا
سيف / كلم حسن ماما و عفه فى خطر عفه لا يا بابا
سيف يبتدى يتشنج
عفه / لا حرام اعمل حاجه يا خالوا اعمل حاجه عشان خاطرى
هناء / انا مش فاهمه حاجه يا عاصم الواد ماله
عاصم  / اهدى يا هناء دى اعراض انسحاب طبيعيه
جرس الباب يضرب عفه تجرى تفتح البواب تاخد منه كيسه و تجرى تديها لعمها يطلع حقنه يديها لسيف يهدى و ينام عفه تصرخ تانى
عفه / هو مات عموا هو مات
عاصم / اهدى نايم نايم لحد مياخدوه اسمع يا عبد اللطيف تتمسمر قدام البوابه لحد العربيه متيجى تاخده اوعى حد غريب يدخل البيت
البواب / اكلم البوليس
عاصم / لا ملوش لزوم شكرا
البواب / اوامرك يا دكتور
البواب ينزل
هناء/ هنعمل ايه يا عاصم ايه اللى حصل انا مش فاهمه حاجه
عفه / ايمن كان بيحط لسيف القرف ده فى العصير و معرفش غير و عموا بيعمل العمليه و خاف يقول
عاصم يبص لعفه
عاصم / دا من خمس سنين
عفه / بقاله خمس سنين بيتعذب
عاصم /  بقالى خمس سنين حمار
عفه / ساعده يا خالوا عشان خاطرى رجعهولى عشان خاطرى
عاصم / ايمن وصل لهاله
هناء / يعنى ايه
عفه / سيف قالى ان ايمن ده زباله اوى بيبيع البنات
هناء / يا مصيبتى
عاصم / انا هكلم حسن يجى حالا ياخدكوا جهزوا هدومكوا
هناء / انت بتقول ايه يا عاصم انا مش ممكن اسيب ابنى
عفه / و لا انا كمان مستحيل اسيب سيف
عاصم / انتوا مجانين انا مش عارف حجم المشكله اللى احنا فيها و سيف قال انكوا فى خطر و انا مش هجازف بيكوا هتستخبوا فى البلد بعيد لحد مسيف يقف على رجله و نشوف هنعمل ايه
هناء / ايمن مستحيل انتوا بتقولوا ايه دانا مربيه على ايدى
عاصم / بصى لابنك يا هناء ده ابنك ايمن اللى عمل فيه كدا
جرس الباب يضرب عفه تجرى تفتح
عاصم / استنى انتى
عفه تقف و عاصم يروح يبص مالعين و يفتح اتنين بشياله يدخلوا و ياخدوا سيف و ينزلوا
عاصم / لمى هدوم ليكى و لعفه و جهزيلى غيارات لسيف و اياكى تفتحوا الباب لحد لحد محسن يجى معلش كلمى اختك خليها تبعته و تانى اوعى اوعى تفتحى لحد
هناء تهز راسها و عاصم يقفل الباب بالمفتاح و ينزل هناء تاخد عفه فى حضنها و تقعد فى الارض تعيط
عفه / هيبقى كويس انا متاكده انه هيبقى كويس رب ضاره نافعه
هناء / انا مش مصدقه انا مش قادره افهم ازاى ازاى امه و مختش بالى حبيبى بيتعذب طول الوقت ده و انا ساكته ازاى مخدتش بالى
عفه / هيبقى كويس يا خالتوا انا عارفه انه هيبقى كويس انا عمرى مهسيبه هيبقى كويس
هناء تبصلها و تقوم تمسك الموبايل
هناء / الو ايوه يا حسن
حسن / فى ايه يا خالتوا مالك
هناء / هات اخوك و تعال بص هات مصطفى كمان و ابوك
...............
حسن / ليه كل ده فى ايه خير قلقتينى
هناء / معرفش بالظبط كل اللى اعرفه ان سيف جه مضروب علقه موت و هو دلوقت فى المستشفى مع خالك و كل اللى كان على لسانه استخبوا فى البلد
حسن / تستخبوا من ايه بصى انا جاى مسافه السكه و هاجى
هناء / متجيش لوحدك يا حبيبى احنا قافلين علينا الباب مش عارفين فى ايه
حسن / متخافيش يا خالتوا احنا جايين بس خليكوا فى البيت على منوصل و انا هكلمكوا كل شويه اطمن عليكوا
هناء / مستنينك يا حبيبى
هناء تقفل السكه و عفه مبتفصلش عياط و تليفون سيف واقع عالارض تاخده فى حضنها هناء تقومها و يدخلوا اوضتها عفه تقعد عالسرير بتعيط و هناء بتلم الهدوم فى الشنطه تقفل الشنطه
هناء / تمام كدا هروح اجهز غيارين لسيف ابعتهم و اجهز شنطتى و اكلم خالك اشوف ايه الاخبار
.....................
فى البلد
مصطفى / انا مش فاهم
حسن / و لا انا كل اللى فهمته ان سيف عربيه رمته مضروب علقه موت و نقوله المستشفى و هو بيصرخ لخالتى خدى عفه و استخبوا فى البلد
مصطفى / كان قلبى حاسس ان سيف ده مش هيجى من وراه خير ابدا
حسن / مش وقتك
محمود / الرجاله كلهم ركبوا عالعربيات
حسن / قولت لابوك
محمود / انت عبيط و لا ايه انت عاوزه يموت فيها مقولتلوش طبعا يلا بينا
حسن / يلا
مصطفى / استنوا انا جاى معاكوا
...................
فى البيت عند عفه
عفه مقرفصه عالسرير و راسها بين رجليها و بتعيط و تتنفض هناء تطبطب عليها
هناء / متخافيش يا حبيبتى محدش هيعملك حاجه محدش هيقدر ياذيكى طول ماحنا عايشين و الكلب ده اكيد هياخد جزاءه متخافيش اكيد هياخد جزاءه نامى انتى و ارتاحى و انا هطفى النور و اسيب الوناسه
هناء تطفى النور و تطلع مالاوضه و عفه بتعيط (مشهد البدايه)
عفه تقوم تقف قدام المرايه و تمسح دموعها و تبص لنفسها كويس و تبص جنبها على يمين التسريحه تلاقى علبه فيها مبرد و مقص كبير و فرش تبص للمقص و بعدين تبص عالمكتب تلاقى ورق تروح تايد اباجوره المكتب و تقعد تكتب
ع/ انا اسفه يا ماما انا مش عارفه ايه اللى هيحصل بعد كدا بس كل اللى اعرفه انى مينفعش ابدا اسكت و اسيب تارى سيف اتالم و اتعذب مينفعش الحيوان ده يفلت منغير عقاب لازم يدفع التمن و انا اللى هدفعهوله انا لازم اخد بتارى حتى لو مش هرجع فى حضنك تانى انا اسفه يا امى سامحينى
عفه تسيب القلم و تقوم تمسك موبايل سيف و تقلب فى النمر لحد متلاقى نمره مكتوب شيطان
عفه تتصل و تحط ايدها على التليفون من تحت
ايمن / لحقت اوحشك بس كويس انى اطمنت انك لسه عايش
مفيش نفس
ايمن / الو
عفه / كنت عاوزنى
ايمن / سمو الملكه ايه المفاجاه السعيده دى دانا امى دعيالى النهرده
عفه / لو لسه عاوزنى هات العنوان و انا اجيلك
ايمن / عنوان ايه سموك بصى من اقرب شباك عالشارع فى عربيه جيب سودا واقفه تحت اجهزى و اركبى و هى هتجيبك لحد عندى معززه مكرمه لو مش عاوزه تجهزى براحتك تعالى و احنا نجهزك هنا
عفه / ماشى هلبس و اجى
ايمن / و انا فى انتظار سموك
عفه تقفل السكه و تقوم تبص فى المرايه و تمسح وشها و علامات الثقه و الغضب فى عنيها و تفتح الشنطه تانى و تلبس
....................
عفه تطلع مالاوضه لابسه و متانتكه و مسيبه شعرها و قمر و تبص على خالتها تلاقيها بتوضب الشنطه و بتعيط تفتح باب الشقه بالراحه و تنزل تتسحب تعدى مالبواب و تعدى الناحيه التانيه و تركب العربيه و العربيه تتحرك
........................
فى فيلا ايمن
جعفر / هو اللى حصل النهرده ده كان صح سموك
ايمن / من امتى بتراجع ورايا
جعفر / الواد كدا ابوه هيعرف و هيعالجه و هنبقى خسرنا زبون و كمان المزه
ايمن / غشيم
جعفر / طب فهمنى
ايمن / المزه فى الطريق لهنا راكبه التشريفه و دقايق هتبقى هنا
جعفر / بالسرعه دى
ايمن / مش قولتلك متراجعش ورايا
جعفر / و احنا نقدر نراجع ورا سموك
..........................
قدام عماره
عربيه جيب سوده تقف
شاب / الدور الخامس شقه اربعتاشر
سما مبتنزلش
شاب / تحبى نطلعك لفوق
سما تبصله و تبص للعلبه فى ايدها
سما / لا ملوش لزوم انا هطلع لوحدى
الشاب / الدور الخامس شقه اربعتاشر احنا هنفضل هنا مستنينك خدى وقتك و انتى نازله
سما / ماشى حاضر
سما تنزل و تدخل العماره توصل لحد الاسانسير تبص عالبوابه تلاقى العربيه واقفه تتسحب لحد البوابه الشاب يقابلها
الشاب / ايه نسيتى حاجه
سما/ علبه البرشام
الشاب / مهى فايدك
سما / اه نسيت
الشاب / شكلك متوتره باينها اول مره خدى دى حطيها تحت لسانك على متطلعى فوق هتبقى زى الفل
سما تاخد منه الحبايه و الشاب يوصلها لحد باب الاسانسير و يضغط الزرار و يقفل عليها الباب
..................
فى فيلا ايمن
العربيه توصل فيلا ايمن عفه تنزل منها و تبص يمين و شمال جعفر يقابلها
جعفر / سمو الملكه بنفسها هنا والله ممصدق نفسى
عفه / انت ايمن
جعفر / هو انا اطول لا سموك الملك جوه فى انتظارك
عفه / يبقى مليش كلام معاك
جعفر / دى باينها عيله واحده فعلا
عفه تدخل المكتب تلاقى ايمن واقف و ساند عالمكتب
ايمن / هما وصفوكى ليا بس الحقيقه ظلموكى
عفه / كنت عاوزنى
ايمن / هو انا اقدر استغنى اخبار سيف حبيبى ايه
عفه / فى المستشفى تعبان
ايمن / اعمله ايه والله هو اللى متهور انا قولتله هديه سعر ميحلمش بيه هو بقى اللى شايف نفسه اوى استفز جعفر اتغابى عليه
عفه / و ياترى العرض ده لسه قائم
ايمن / معقوله سموك انتى تؤمرى و انا انفذ انتى تاشرى بس
عفه / سمعنى الاول
ايمن يطلع كيس الحبوب و يحطها عالمكتب
ايمن / دا مخزون شهر مالحبوب اللى سيف كان بياخدها انتى طبعا متعرفيش هو كان بيدفع كام فيهم
عفه / هو انا شكلى رخيص اوى كدا
ايمن / مانا كنت هديله هاله فوق البيعه
عفه / هاله مين انا عاوزه دى
عفه تشاور عالحبوب
ايمن / و ماله ميغلاش عليكى
ايمن يطلع كيسه تانيه
عفه / ماشى ايه المطلوب منى
ايمن يشاور لجعفر يطلع بره و يقعد جنبها
ايمن / الصراحه انا كنت عاوزك لواحد كدا غالى عندى بس لما شوفتك اكتشفت انك خساره فى امه
ايمن يحاول يحط ايده على كتفها تقوم تقف
ايمن / دا تقل دا بقى و لا ايه
عفه تبصله و تبتسم ايمن يقوم وراها
ايمن / بصراحه انا حاسس انى بحلم اصل مستحيل اصدق انك تيجى لحد هنا و بمزاجك و بالبساطه دى
....................