العفه تقتل احيانا بقلم/ لولو_محمد (كامله)

الجزء الرابع

#lolo #لولو_محمد
(((((((((((((العفه تقتل احيانا )))))))))))))))
الحلقه الرابعه

هناء تطفى النور و تقفل الباب
هناء / متزعليش منه شويه و هيفوق و هتلاقيه بقى نسمه
عفه / ماشى
هناء / هو تلاقيه لسه مخدش دواه الله يعينه و يشفيه
.......................
عفه/ انا هدخل افضى الهدوم مالشنطه
هناء / ماشى يا حبيبتى و انا هجيبلك حاجه تاكليها
عفه / مش جعانه كلت فى الطريق
هناء / اللى تشوفيه دا بيتك متتكسفيش ماشى
عفه / ماشى
عفه تبص على باب اوضه سيف و تدخل اوضتها تغير هدومها و تفضى الشنطه بعد متخلص تحاول تحط الشنطه فوق الدولاب متعرفش تجيب الكرسى التسريحه و تطلع عليه و تحط الشنطه فوق الدولاب و تطلع تلاقى هناء قاعده لوحدها و بتتفرج عالتليفزيون
عفه /  بتعملى ايه
هناء / بتفرج عالمسلسل تعالى اتفرجى معايا
باب اوضه سيف يتوارب
عفه / هو عمو عاصم فين
هناء / فى المركز انتى لسه زعلانه ماللى سيف عمله
عفه / لا ابدا مفيش مشكله انا اللى تقلت عليه
سيف يفتح الباب و يطلع لابس و يبص لامه
هناء / ثوانى 
هناء تدى فلوس لسيف
هناء / دول كفايه
سيف / اه كفايه اوى
هناء / طب مكنت تستنى ابوك يجيبلك الدوا
سيف / بابا هيتاخر و انا مصدع
هناء / طب ابعت زينب تجيبهولك
سيف / انتوا خلاص هتحبسونى مخنوق و عاوز اشم هوا
هناء / طب يا حبيبى تليفونك معاك
سيف / اه معايا سلام
عفه / هو انت هتروح فين
سيف / نعم
هناء / هيجيب دوا مالصيدليه و هيجى تلاقى دواه قرب يخلص
عفه / انا زهقانه ممكن اجى معاك بالمره اجيب كشكول للمحاضرات
سيف / و كان حد فهمك انى السواق بتاع ابوكى
عفه تبص لخالتها
هناء / متقصدش يا سيف يا حبيبى انزل يابنى ربنا يهديك
سيف / روحى اللبسى ثوانى و تكونى جاهزه
هناء / سبحانه مغير الاحوال
عفه تجرى عالاوضه تلبس
عفه / انا جاهزه
سيف / اتفضلى
..................
فى العربيه
عفه / انت عديت الصيدليه
سيف مبيردش و يوصل لمكتبه و يركن و ينزل و ثوانى و يرجع
سيف / كشكول و قلم حاجه تانى
عفه / شكرا
سيف يرجعها البيت
عفه / الجو حر متيجى ناكل ايسكريم
سيف ينفخ
عفه / مش لازم انا هنزل
عفه لسه هتفتح الباب العربيه تتحرك تقفل الباب
عفه / شكرا على فكره عالكشكول
سيف مبيردش
عفه / انا مبسوطه اوى انى جيت هنا بقالنا كتير متقابلناش انت عارف انا بسال عليك كل عيد والله هو انا احنا يعنى موحشناكش
سيف / حد قالك قبل كدا قد ايه انتى مزعجه و لا انا اول واحد
عفه / انت اول واحد
سيف يقف قدام سوبر ماركت و ينزل و ثوانى و يرجع معاه كيسين كبار
عفه / ايه كل ده
سيف / ايسكريم و شيكولاته و عصير و بيبس ليكى اى طلبات تانى و لا ممكن تروحى بقى عشان امشى
عفه / اللى تشوفه روحنى
سيف ينزل عفه قدام البيت و يستناها لحد متركب الاسانسير  و يسوق و يطلع على فلا فخمه فى حته مقطوعه و على البوابه اتنين بودى جارد يركن العربيه و فى عربيات كتير واقفه و يحاول يدخل بدى جارد يوقفه
سيف / قول للى مشغلك سيف عبد المعز
الجارد يتكلم فى موبايل / سيف عبد المعز
الجارد يسيبه يدخل سيف يقابل بعد كام خطوه شاب جته طول بعرض
الشاب  / سيف باشا معلش متزعلش انت عارف غلاوتك بس اصل النهرده حافله خاصه
سيف / فين ايمن
الشاب / سمو الملك فى انتظارك
سيف يتوف فى الارض / عليك انت
سيف يدخل ورا الشاب الفيلا و فى اغانى عاليه و شباب و بنات بيرقصوا يدخلوا المكتب و يقفلوا الباب فى واد قاعد على كرسى المكتب و فى بنت شمال قاعده عالمكتب قدمه
ايمن / سيف باشا بذات نفسه حبيبتى متجبيلنا حاجه نشربها
البت تقوم تطلع بره سيف يطلع من جيبه المحفظه و يطلع منها الفلوس و يحطهاله عالمكتب
ايمن / ايه نفس الصنف برده مش عاوز تغير
سيف / انجز خلينى امشى
ايمن / يا سوفه انت واحشنى موت مستعجل على ايه
سيف / و انا مش طايق ابص فى خلقتك
ايمن / بقولك ايه اما انا جاتلى بضاعه جديده هتاكل عقلك تجنن يا جدع حتى اسال جعفر
سيف / اسمه جلال
ايمن / يا جدع متقولش كدا هو فى حد هنا باسمه الحقيقى طب احكيله يا جعفر على البنات الجداد بزمتك مش يطيروا العقل
سيف / اخلص فى ليلتك دى عاوز امشى
ايمن / ملوش فى البنات والله لولا هاله كنت فهمتك غلط هى اخبارها ايه صحيح وحشانى بنت الايه
سيف / لم نفسك معايا بدل و دينى اعملها معاك
ايمن يطلع كيس حبوب مالدرج و يحدفه عالمكتب قدام سيف يجى ياخده ايمن يحط ايده عليه
ايمن / لو مكنتش حبيبى مكنتش سبتك تخرج من هنا حى بعد الجمله دى
سيف / ياريت ياخى اهو ارتاح من قرفك
ايمن / ليه بس دانت حبيبى بص بقى يا سوفه النوع بتاعك ده شاحح اليومين دول اوى مالسوق فى انواع تانيه لو تحب و سعرها فى الحنين
سيف يحط الكيس فى جيبه و يحاول يمشى جعفر يمنعه
ايمن/ مش عيب تدينى ضهرك و انا بكلمك
سيف / عاوز ايه
ايمن / اعمل حسابك مالمره الجايه السعر هيزيد 20% انت حبيبى و انا مرضيتش ازود عليك المرادى افتكر الجمايل
سيف / يلعن اليوم اللى عرفتك فيه ياخى
ايمن / طب و كنت هتعمل ايه منغيرى يا سوفه طب دانا بديك بسعر الجمله و انت عارف
سيف / مكنش زمانى محتاج القرف ده اصلا
ايمن / الا اخبار بابا ايه عرف ان ابنه مدمن و لا لسه
سيف / ابعد عن سكتى يا جلال خلينى امشى
ايمن / سيبه يمشى
الباب يتفتح و بنتين شمال يدخلوا و سيف يطلع
ايمن / ملوش فى الطيب نصيب بس انا ليا
.........................
فى البيت
سيف يدخل يلاقى عفه مستنياه
عفه / اتاخرت كدا ليه انا قلقت عليك
سيف ميعبرهاش و يدخل اوضته يقعد عالسرير و يطلع علب دوا صفره مالدرج فاضيه و كيس الحبوب من جيبه و يمسك المقص باب الاوضه يتفتح سيف يقفل الدرج و يقوم يحط كوعه على رقبه عفه و المقص على عينها
سيف / حسك عينك تدخلى اوضتى منغير اذنى تانى انتى فاهمه
عفه تنهج و تبصله سيف يزقها بره الاوضه و يرزع الباب وراها و يقفله بالمفتاح و يقعد يفضى الكيس فى العلب الصغيره عفه تشد التليفون و تجرى على اوضتها و تقفل الباب بالمفتاح و تحط الكرسى ورا الباب و تتصل باخوها حسن
حسن لسه صاحى من النوم / الو
عفه بصوت مهزوز / ازيك يا حسن
حسن / كويس مالك
عفه / مفيش بطمن عليك بس انا اصلى انت اصلك وحشتنى انت مكلمتنيش تقولى انك مروح
حسن / فى حاجه يا بت حاسك خايفه فى ايه
عفه / مفيش يا حبيبى بس الصراحه انا شوفت كابوس وحش فقومت مفزوعه فبتصل اطمن عليك بس انت عارف انك حبيبى
حسن / هههههههههههه مش لو كنتى هنا كان زمانك جيتى تصحينى اطبطب عليكى زى كل مره
عفه / كان زمانى فى بيت مصطفى برده
حسن / طب احكيلى عامله ايه عندك
عفه / مش حلوه البيت هنا كلو مقفل و كئيب مش زى عندنا تفتح تشوف الجنينه و الخضره و الجو نضيف هنا بيوت بيوت بيوت و شوارع حتى الشجر ملوش لا شكل و لا ريحه و صوت عربيات و كلاكسات مصر دى طلعت وحشه اوى
حسن / انتى لسه مشوفتيهاش بكره لما تتفسحى فيها هتلاقى اماكن عجب
عفه / باذن الله باذن الله انا هسيبك تنام بقى
حسن / تصبحى على خير لو عوزتى حاجه كلمينى
عفه / باذن الله
عفه تقفل السكه و تاخد نفسها و تشيل الكرسى و تاخد التليفون و تفتح الباب تلاقى سيف فوشها التليفون يقع منها و تيجى تصرخ يحط ايده على بقها
سيف / انا مش هعمل حاجه اهدى انا جاى اعتزر انا كنت هخبط انتى فتحتى الباب اهدى انا هسيب ماشى متصرخيش ماشى عفه تهز راسها و سيف يشيل ايده بالراحه
عفه / جاى تعتزر انت كنت هتموتنى جوه
سيف / منا قولتلك يابنتى انتى اللى مبتفهميش و بعدين انا اسف بصى متخشيش اوضتى ابدا انا لما ابقى رايق بخرج منها
عفه / بناقص انا اصلا بفكر ارجع البلد والله لولا انى ...............
سيف / انك ايه
عفه/ ملكش فيه و اطلع بره يلا
سيف / ماشى
سيف يطلع عفه تحاول تنام متعرفش تتقلب كتير و متعرفش تنام تقوم تقعد عالسرير شويه و تروح ناحيه الباب و ترجع و تقوم تانى تفتح الباب و تطلع تلاقى الكل نايم و النور مطفى تروح المطبخ تلاقى زينب نايمه فى الارض تروح المكتب و تايد النور و تقرب مالمكتبه و تسحب اللبوم صور و تفتحه تتفرج عليه تلاقى صوره سيف فى المصيف عالبحر و هو بيدحك على اخره
...................