العفه تقتل احيانا بقلم/ لولو_محمد (كامله)

الجزء الخامس

ً#olo #لولو_محمد
(((((((((((((العفه تقتل احيانا ))))))))))))
الحلقه الخامسه

عفه / بناقص انا اصلا بفكر ارجع البلد والله لولا انى ...............
سيف / انك ايه
عفه/ ملكش فيه و اطلع بره يلا
سيف / ماشى
سيف يطلع عفه تحاول تنام متعرفش تتقلب كتير و متعرفش تنام تقوم تقعد عالسرير شويه و تروح ناحيه الباب و ترجع و تقوم تانى تفتح الباب و تطلع تلاقى الكل نايم و النور مطفى تروح المطبخ تلاقى زينب نايمه فى الارض تروح المكتب و تايد النور و تقرب مالمكتبه و تسحب اللبوم صور و تفتحه تتفرج عليه تلاقى صوره سيف فى المصيف عالبحر و هو بيدحك على اخره
...................
عفه / ايه اللى جرالك يا سيف انت روحت فين
تقلب فى الصور اكتر تلاقى صور مقطعه سيف مبتسم و اللى جنبه مقطوع صور كتير بالمنظر ده حد يحط ايده عليها تتفزع
هناء / اهدى يا حبيبتى اهدى دانا حسيت بحركه قلقت
عفه / خضيتينى يا خالتوا
هناء تقعد جنبها و تمسك الالبوم
هناء / دى كانت صور سيف مع هاله يلا ربنا ينتقم منها بقى زى مكسرت قلبه انا قطعت كل صورها يمكن ينساها شايفه كان قد ايه سعيد معاها
عفه / ايوه
هناء / الصوره دى هو اللى قاطعها عشان كدا مش مظبوطه زى التانين دا كان اعز اصحابه ايمن متعرفيهوش انتى جارنا فبيتنا القديم كان روح سيف مكنوش بيفترقوا حتى لما جينا هنا كان بيجى يبات مع سيف صاحين نايمن اكلين شاربين سوا حتى فى الكليه مع بعض بس راح هو كمان كلو راح لما سيف راح و لو فكرت اسال على ايمن سيف بيهيج و كان ايمن ده بقى عدوه اللى بيكرهه
عفه / كل ده عشان سقط مره
هناء / و اى مره كل حاجه راحت معاها حلمه فى انه يبقى دكتور فى الجامعه زى ابوه و خطبته و اعز اصحابه غالبا هاله و ايمن ارتبطوا عشان كدا هو كره ايمن بس معرفش انا بخمن بس
عفه/ هو سيف عنده ايه بالظبط
هناء / عمك بيقول انه اكتئاب و بيديله مضادات اكتئاب بس واضح انها مش جايبه نتيجه
عفه / طب مفيش مستشفى او حد متخصص اكتر
هناء / من عمك مفتكرش فى عمك زى مانتى شايفه مشغول طول الوقت بالمستشفى بتاعته بالنسباله ان سيف يدخلها دى اكبر قطمه ضهر اصل ازاى ابن اكبر دكتور نفسيه و عصبيه فى البلد يدخل مصحه هو باب النجار مخلع و لا ايه فبيعالجه فى البيت
عفه / بس العلاج مش جايب نتيجه
هناء / بيتهيالك لا جايب سيف فى الاول كان مبهدل عن كدا خالص دلوقت بدا يهتم بنفسه شويه الاول كان عامل زى المدمنين لحد معمك غيرله الدوا الدوا الجديد ده احسن
عفه / معرفش
هناء / بصى يا عفه انا مش هخبى عليكى سيف مش طبيعى بغزاله زى مبتقولوا خليكى بعيد عنه يا بنتى امان
عفه / بعيد
هناء / قومى يا حبيبتى نامى بكره وراكى كليه
عفه / حاضر
.....................
اول يوم الكليه
هناء / السواق تحت هيوصلك و هيستناكى يروحك انا سجلتلك رقمه عالموبايل عم جمال ماشى
عفه / ماشى
هناء / بالتوفيق اى حاجه كلمينى
عفه / حاضر سلام
عفه تمشى و سيف يطلع من اوضته
هناء / امى دعيالى النهرده القمر هل علينا
سيف / هى مشيت
هناء / راحت الكليه اه
سيف / ليه جبتيها هنا
هناء / مكنش فى حل تانى ابوها كان هيجوزها ابن عمها و هى عاوزه تكمل تعليم
سيف / كانت تروح مدينه جامعيه احسن
هناء / هو فى اخ بياذى اخته يا سيف
سيف / لو كان مش طبيعى اه خليها تمشى
هناء / خايف عليها للدرجادى
سيف / مش عاوزها تتاذى بسببى انتى امى مستحملانى بالعافيه هى ذنبها ايه
هناء / بكره تبقى زى الفل انت بس فكها
سيف / خليها تمشى
هناء / لو مشيت مش هتكمل تعليم نفسها تبقى صحفيه هترجع تتجوز ابن عمها و تقعد فى البيت تربى العيال
سيف / و ماله على الاقل ابن عمها مش زيى
هناء / مصطفى دانا و انت عارفينه ايده سابقه لسانه و عصبى ازاى انت نسيت عمل معاك ايه لما عديت الكوره من بين رجليه دا كان هيموتك
سيف / دا كان زمان اكيد عقل دلوقت
هناء / اكيد
سيف / انا مصدع هاخد الدوا و انام
هناء / طب كل لقمه
سيف / كلت ذبادى تصبحى على خير
هناء/ تتمسى بالخير
................
فى الكليه
عفه تمشى تايهه تسال واحد يشاورلها بعيد تمشى مكان مقالها تسال التانى يشاورلها على طلبه متجمعين تروح تقف بعيد وسطيهم بنت تيجى تقف جنبها
البنت / انتى حاضنه الكشكول كدا ليه هو هيهرب ههههههههههههههههههه
عفه تبتسم
البنت / انا انجى وهدان اولى اعلام
عفه / عفه سلامه عبد المجيد سلامه اولى اعلام برضه
انجى / ههههههههههههههههه ايه هو كشف هيئه هو اسمك الثنائى كفايه بس اسمك حلو اوى يا عفه اول مره اسمعه
عفه / شكرا
انجى / انتى عاوزه الجدول صح
عفه / اه بس زحمه اوى هستنى اما يخلصوا
انجى /و على ايه استنى
انجى تشاور لولد واقف مع شله بعيد يجى
انجى / طارق ابن عمى عفه معانا فى الدفعه
طارق / اهلا
طارق يمد ايده و عفه تبتسم
عفه / مبسلمش
طارق / مانا هرجعها تانى والله هههههههههههه
انجى تسلم عليه مكانها
انجى / بص يا طارق بعد اذنك تشوفلنا عفه سلامه جدولها ايه ممكن
عفه / عفه سلامه عبد المجيد سلامه
طارق / هههههههه حاضر ثوانى
طارق يمشى
انجى / انتى مسلمتيش ليه
عفه / حرام
انجى / انتى منين يا عفه
عفه / مالمنيا تسمعى عنها
انجى / اكيد دى بعيد اوى يا بنتى
عفه / اه مانا عايشه هنا مع خالتى
انجى  / انتى اصلا من مصر مش كدا
عفه / ماما من مصر اصلا بس بابا مالمنيا
انجى/ واو و اتقابلوا ازاى دول
عفه / فى فرح جدتى شافتها و قالتله عليها كدا يعنى
انجى / واو بجد
طارق يرجع بورقه
طارق / جدولك يا ستى
عفه / شكرا
انجى / انا حبيتها مووووت تعالى اما اعرفك على باقى الشله
عفه / دا النهرده المفروض اجازه
طارق / اه على فكره انتى هتبقى معايا
عفه تبتسم
انجى / يا بختك انا مش لاقيه اى حد معايا بقولك ايه
عفه / قولى
انجى / هههههههههههههه مش بقولك عسل تعالى تعالى
عفه تروح مع انجى وطارق عند جروب بنات و شباب
انجى / دول شله ثانوى او اللى نجى منهم احنا كنا اكتر من كدا بكتير
عفه تبتسملهم
انجى / عفه سلامه عبد المجيد سلامه من المنيا
واحده / و بتعملى ايه هنا يا شابه
عفه تبصلها و هى مكشره
البنت / متزعليش بهزر معاكى منوره مصر
عفه / منوره باهلها
شاب / اسمك حلو اوى يا عفه
بنت تانيه / انا جعانه متيجوا نروح فى اى حته نضربلنا اى حاجه
انجى / دى سما بنقولها سوما بس حاجه تعقد بتاكل اكل رهيب ولا بيبان عليها حاجه ميعلم بيها الا ربنا
سما / بطلوا حقد بقى يلا انجزوا
عفه / معلش اصل انا مش عاوزه اتاخر
طارق / طب مانا ممكن اوصلك عادى
سما / دى دبله بجد و لا عشان تبعدى ولاد الحرام
الكل يدحك
عفه / لا دبله بجد
سما / لسه التوصيله موجوده يا طارق و لا سحبتها
طارق / سخيفه على فكره
عفه / كدا كدا العربيه مستنيانى بره عن اذنكوا
انجى / طب ايه يابنتى مش هتجيبى رقمك و لا خلاص اوضيت كدا اتعشت و نامت
عفه / ايه
انجى / معاكى موبايل حاجه كدا زى ده
انجى تورى عفه موبايلها
عفه / معايا اهو
عفه تطلع موبايلها مالشنطه انجى تاخده و تسجل رقمها و ترن على نفسها و ترجعه لعفه تانى
انجى / انبسطت انى شوفتك
عفه / و انا كمان سلام
طارق / اوصلك لبره
عفه / متتعبش نفسك انا عارفه السكه سلام
عفه تمشى
سما / دى من ورا الجموسه وش
انجى / حرام عليكى دى شكلها عسل
......................