العفه تقتل احيانا بقلم/ لولو_محمد (كامله)

الجزء السادس عشر

((((((العفه تقتل احيانا )))))))))
#لولو_محمد #lolo
الحلقه السادسه عشر
هدايه / ايه يا حبيبى متاكل
سيف يبصلها و يتسم
مصطفى / تلاقيه مبيعرفش ياكله اصله مش واخد عالاكل ده المحمر و المشمر يعنى هاتيله شوكه و سكينه يا عفه
سيف / معاك حق انا فعلا مليش خالص فى الاكل ده
عفه / ولا تزعل نفسك انا هفصصلك
عفه تقطع لسيف فطبقه و مصطفى يبص لعمه و هو بيغلى
مصطفى / ممكن تناولينى حمامه يا عفه
عفه مش معاه اصلا
سيف / كفايه يا عفه بجد مين هياكل كل ده
عفه / كل على قد متقدر
مصطفى / عفه عفه
هدايه / اتفضل يا حبيبى
مصطفى يقوم من عالاكل و يقوم يشد عفه من ايدها و الكل يقوم يقف
عفه / فى ايه يا مصطفى
مصطفى / اطلعى اوضتك حالا
عفه / انت بتكلمنى كدا ليه
مصطفى / قعادك فى مصر نساكى الحيا
عفه / و ايه يربطك بقليله حيا زيى
مصطفى يرفع ايده عشان يضربها سيف يمسك ايده مصطفى يبصله و عنيه بتطق شرار  سيف يسيب ايده
سيف / انا اسف انى ادخلت بس مش من حقك تمد ايدك عليها
مصطفى يضرب سيف بالدماغ سيف يقع فى الارض عفه تجرى عليه مصطفى يمسكها
مصطفى / هو انتى محدش مالى عينك و لا ايه هو اصلا دخله بينا ايه دا حياله ضيف هنا تاخد وجبك و تمشى
سلامه / مصطفى اللزم حدودك
مصطفى / يعنى ساكت على مياعه عفه و بتكلمنى انا
حسن / و سكتنا انك حاولت تضربها فوجودنا دى اصلا حسابها لوحده كبير
مصطفى / انا حارق دمى على ايه انا ماشى
سلامه / انا بقول كدا برده الصبح نبقى نتكلم فى اللى حصل
مصطفى يبص لعمه و يبص لسيف و يمشى حسن يقوم سيف
حسن / حقك عليا انا انت عارفه مجنون
سيف / انا اللى اسف على اللى حصل انا طالع اوضتى و شكرا عالاكل الحلو عن اذنكوا
سيف يطلع اوضته عفه تبص لابوها و اخواتها الصبيان
عفه / انا تعبانه تصبحوا على خير
........................
فى اوضه عفه
عفه تدخل الاوضه مدايقه ترزع الباب و تحدف نفسها عالسرير
عفه / سم حيوان متخلف والله متعدى
عفه تبدا تبتسم بالراحه و تفرد ضهرها عالسرير و تحضن المخده و هى مبتسمه عالاخر الباب يخبط و حسن يدخل تقوم جرى تتعدل
حسن / عجبك اللى عملتيه ده
عفه / متكلمنيش
حسن / خلاص يا ستى انا مش هتكلم انزلى بقى لابوكى و استلقى وعدك
عفه تبصله و تتنهد و تنزل
....................
فى اوضه سيف
سيف قاعد سرحان محمود يفتح الباب
محمود / ممكن ادخل
سيف / طبعا يابنى دا بيتك
محمود / انا اسف على اللى عمله مصطفى انت عارف انه ميقصدش
سيف / و لا عفه كانت تقصد انا اسف انى جيت عملت مشاكل ملهاش لزمه
محمود / متقولش كدا يا اهبل دانت اخونا و ده بيتك هو بس مصطفى اللى غيور بزياده خصوصا منك
سيف / يغير منى على ايه يا حسره
محمود / لا يغير كلنا كنا بنغير و لسه
سيف يدحك و يضير وشه الناحيه التانيه
محمود / احنا كلنا نسينا بس هو شكله منسيش
سيف / منسيش ايه
محمود / الوعد اللى كان بينك و بين عفه اما كانت ايام
سيف / اه هو فى حد فاكره احنا كنا صغيرين اوى
محمود / ميتهياليش ان هى نفسها فكراه و اكيد لو فكره يعنى بتدحك على هبلنا و احنا صغيرين حد يخطب واحده بمصاصه
سيف / كنا عيال بقى
محمود / عفه هتروح تراضى مصطفى انا عارف ان بابا هيطلب منها ده و هى مش هتقدر تقوله لا
سيف يبص محمود
محمود / انا كنت جاى اطمن عليك و متخافش انت وجودك مش عامل اى مشاكل على الاقل مش مشاكل كلمه اسفه متقدرش تحلها اسيبك انا ترتاح
.................
فى بيت مصطفى بعد شويه
مصطفى / افندم خير
محمود / ايه يا عم دا برده فى بيتك
سيف / انا جاى اعتزر على اللى حصل
مصطفى / وفر
سيف / انا عارف انك مدايق و دا طبيعى لو كنت مكانك اكيد هدايق بس انت لازم تفهم عفه صغيره و بتتصرف بتلقائيه
مصطفى / انت جاى ليه
سيف / انا مكنتش ناوى اجى هنا صدقنى انا وصلتها للمحطه و خفت اسبها لوحدها فى القطر و كنت ناوى ارجع فى نفس اليوم والله هى عارفه اكلتى عارفه انى مبكلش الدوا اللى باخده بيسبب امساك طول الوقت ففعلا مبكلش
مصطفى / ربنا يعافيك
سيف / صدقنى هى مكنتش تقصد تغيظك او تدلع عليا عفه مفيش فى اخلاقها هى بس اتحمست لانى اكلت انا زى اخوها برده و زى اخوك
مصطفى / طبعا
سيف / صعب عليا اوى اشوفكوا متخانقين و الاصعب لو بسببى انا جاى اراضيك بنفسى و اعتزرلك
مصطفى / انا مش زعلان منك انت انا زعلان منها هى
سيف / لو ابنك الصغير غلط هتضربه من اول غلطه و لا تفهمه غلطه الاول
مصطفى يتنهد و يبص الناحيه التانيه
سيف / تعال معايا راضيها انا متاكد انها زعلانه انك كنت هتضربها
مصطفى / مكنتش هضربها كنت ههوشها بس انت اللى مسكت ايدى انت اللى كبرت الموضوع
سيف / و ده الغريب انى اول مره من سنين يبقالى رد فعل سريع تخيل سبحان الله
مصطفى / انا لما ههدى هبقى اروحلها
محمود / و لحد مجنابك تهدى هتسبها تعيط
مصطفى / هى بتعيط
محمود / يا راجل دى طلعت و قفلت على نفسها اوضتها و انهارت مالعياط صعب عليها نفسها منك
مصطفى / هو انا غلطت جامد اوى كدا
محمود / لو كان اى حد غيرك كان الوضع اتغير بس البت بتحبك و اللى انت عملته ميصحش يعنى انت اختك كانت هتسكت لما ارفع ايدى عليها و انا الشيطان راكبنى كدا دانت شتمتها يا جدع
مصطفى / انا هروح اراضيها
سيف / عين العقل روحلها و معلش يا محمود وصلنى المحطه انا بجد وجودى
مصطفى/ جرا ايه يا سيف هو اكمنى اتنرفزت شويه هتتقمص و لا ايه انت يعنى مش عارف اخوك
محمود / هو صحيح عصبى بس قلبه ابيض
مصطفى / وبعدين هتمشى قبل متطمن على اختك يلا يلا انا جاى معاكوا اتحركوا مينفعش اسيبها زعلانه اكتر من كدا
.......................
فى البيت تحت عند عفه
عفه تدخل اوضه و ابوها قاعد زعلان يشاورلها تقعد جنبه تروح تقعد و هى كاشه فى نفسها
سلامه / لو مكنتيش بنتى و مربيكى و عارف اخلاقك كويس اكيد الوضع كان هيتغير
عفه / هو انا عملت ايه
سلامه / سيف اخوكى عارف بس ميصحش اللى حصل و خصوصا قدام خطيبك الراجل يقول ايه اذا كانت بتعمل كدا قدامنا امال فى مصر لوحدهم بتعمل ايه
عفه / بابا انا
سلامه / انا عارف انكوا مبتبقوش لوحدكوا و عارف ان سيف عيان و عارف انك مكنتيش تقصدى و انك بس كنتى بتكرمى ضيف فى بيتنا بس ميصحش
عفه تبص فى الارض
سلامه / جوزك غار لانه بيحبك
عفه / دا كان هيضربنى و قدامكوا
سلامه / دى لحظه شيطان و بعدين هو مضربكيش
عفه / عشان سيف منعه هو الوحيد اللى اتحرك عشانى
سلامه / هو كان اقرب واحد ليكى و بعدين انتى اللى رديتى على مصطفى
عفه / اعمل ايه يعنى مسمعتش قالى ايه يا بابا متجيش عليا عشانه انا بنتك
سلامه / و هو ابنى و غلاوتكم واحده
عفه / اؤمرنى
سلامه / ميؤمرش عليكى ظالم روحى صالحيه و اعتزريله قوليله انك مكنتيش تقصدى تزعليه فهميه انتى عملتى كدا ليه متديش فرصه للشيطان يدخل بينكوا
عفه / انا اروح اصالحه
سلامه / خيركم من بدء بالسلام يا بنتى
عفه / انت عاوزنى انا اللى اروحله يا بابا
سلامه / يا بنتى جوزك بيحبك لو مكنش بيحبك مكنش غار و لا اتجن بالشكل ده
عفه / جوزك جوزك دا حياله قارى فاتحه
سلامه / و هى الفاتحه دى شويه و بعدين احنا فيها ديتها ماذون و اتنين شهود و نكتب الكتاب قبل متسافرى
عفه تبصله و عنيها واسعه مالخضه و مليانه دموع الباب يخبط و مصطفى يدخل
مصطفى / انا عرفت انكوا هنا من عمتى قولت لازم اجى اراضى عفه
سلامه / شوفتى مش قولتلك انا هسيبك تراضيها ربنا يهديكوا
سلامه يقوم يطلع بره
مصطفى / حقك عليا
عفه متقدرش تمسك دموعها
مصطفى / لا لا والله غرت عليكى اعمل ايه بس ازاى اشوفك بتدلعى واحد غيرى يا بت انا بحبك
عفه / انت قولتلى فى مصر ان ايدك مش هتترفع غير ليا انت رفعتها عليا كنت هتضربنى
مصطفى / انا والله كنت بهوشك بس لحظه شيطان
عفه / كداب لو مكنش سيف
مصطفى / انا جيتلك لحد عندك ترجعينى مكسور الخاطر
عفه / اشمعن انت مشيت بعد مكسرت خاطرى
مصطفى / و جيتلك اراضيكى اهو
مصطفى يمسك ايد عفه تحاول تشدها متعرفش يرفعها على وشه و هى بتحاول تشدها
مصطفى / كدا خالصين
.................................