العفه تقتل احيانا بقلم/ لولو_محمد (كامله)

الجزء العاشر + الحادى عشر

#لولو_محمد  #lolo
(((((((((((العفه تقتل احيانا ))))))))))))
الحلقه العاشره + الحلقه الحاديه عشر
مصطفى / كنتى صغيره لكن دلوقت الوضع اختلف حلو المحل ده شاكله جامد انزلى نتغدى
تليفون عفه يرن
مصطفى / مين
عفه / سيف ممكن ارد
مصطفى / اكيد
........................
عفه / الو ايوه ..... مصطفى جه خدنى مالكليه .... هنتغدى بره ..... حاضر سلام
مصطفى / فيه الخير بيطمن عليكى
عفه / بيسلم عليك على فكره
مصطفى / الله يسلمه هو عامل ايه دلوقت
عفه / تعبان الله يعينه
مصطفى / ربنا يزيح عنه انزلى يلا نتغدى انا جعان
مصطفى و عفه يدخلوا مطعم و يطلبوا اكل
عفه / صحيح يا مصطفى انت ليه ضربت سيف زمان
مصطفى / يووووه انتى لسه فاكره هو لسه زعلان منى و لا ايه احنا كنا عيال
عفه / لا هو مجبش سيره انا اللى فاكره
مصطفى / احنا كنا فى العيد باين و كنا بنلعب كوره و انتوا بتتفرجوا علينا من فوق و هو جه وقف يتفرج من بعيد حسن قاله تعال اللعب شوطتله الكوره قعد ينطقها و يتمنظر و انتوا كنتوا بتتفرجوا و انا سرحت فيكى كنتى قمر يوميها
عفه تبتسم
مصطفى/ بس لقيته بيباصيلى مخدتش بالى عدت بين رجليا ساعتها انتى دحكتى عليا اتنرفزت عليه
عفه / يعنى انا السبب
مصطفى / طبعا
عفه / لا بس انت ضربته و شتمته
مصطفى / انا شتمته فى الاول لما بجح بقى ضربته امال كنت هعمل ايه يعنى مانتى عرفانى مجنون
عفه / ههههههههههه اللهم احفظنا من جنانك
مصطفى / انا عصبى اه و ايدى سابقه لسانى بس عمرها مهتترفع غير ليكى مش عليكى
عفه / وعد
مصطفى / انتى مش شيفانى راجل بقى
عفه / مقصدش والله قولى بقى سيف بجح قال ايه
مصطفى / قالى زعلان انك اتبروزت قدامها طب لم نفسك بدل متشوفك بتنضرب
عفه / هههههههههههههههههههههه يعنى انا السبب برده
مصطفى / يضرب مين هو فرحان بالعضلتين بتوعه طب بزمتك مش كومته
عفه / بس هو فعلا مرضاش يضربك هو محاولش اصلا يدافع عن نفسه يوميها الكل قاله كدا
مصطفى / انا مديتلوش فرصه اصلا
عفه / سيف معاه حزام اسود كراتيه و بيلعب جودو و تيكوندوا تفتكر مش هيعرف يرفع ايدوا و يحوش عن نفسه هو محاولش يمنعك تضربه اصلا
مصطفى / معرفش بقى
عفه / من كام يوم واحد كان بيحدفله مفتاح مرفعش ايده برده يشقطه
مصطفى / يمكن الدوا اللى بياخده ماثر عليه هو بياخد ايه
عفه / خالتوا بتقول مضادات اكتئاب بس هى بتنيمه
مصطفى / خلاص يبقى الدوا بيهديه مبيخليهوش ياخد رد فعل بسرعه
عفه / بس هو مكنش بياخد ادويه اياميها دا كان فى قمه مجده
مصطفى / قمه مجده
عفه / ايوه كان خاطب هاله و كان طالع الاول وواخد بطوله مكنش لسه عموا عمل العمليه مكنش ناقصه حاجه مكنش اصلا بياخد الدوا
مصطفى / هو انتى خارجه معايا تتكلمى عن سيف
عفه / انا بس زعلانه عليه اوى العيد ده كان اخر مره اشوف فيها سيف لما شوفته تانى قلبى وجعنى اوى كانه اتبدل اه انا كنت بسمع انه عيان بس مش للدرجادى مش عيان اوى كدا
مصطفى / للدرجادى
عفه / خس جامد و ضعف نايم طول الوقت و لما بيصحى بيبقى مرهق بيحاول يتحرك بس مش قادر مبياكلش خالص عايش عالقهوه و الذبادى
مصطفى / ربنا يزيح عنه زعلتينى انا كمان اصلى مشوفتوش من يوميها فاللى بتوصفيه ده مش راكب خالص مع الصوره اللى فخيالى عنه
عفه تتنهد
عفه/ انت مش هتاكل ولا ايه الاكل برد
مصطفى / هاكل حاضر
...............
فى بيت سيف
هناء / اتاخرتى كدا ليه
عفه / متاخرتش والله يادوب اتغدينا و اتكلمنا شويه و روحنى علاطول
هناء / طب موبايلك مقفول ليه
عفه / فصل منى شحن اصلى نسيت اشحنه امبارح حقك عليا يا خلتوا قلقتك
هناء/ انا هنزل المستشفى بقى
عفه / مع السلامه عفه تيجى تدخل اوضتها سيف يفتح باب اوضته
سيف / انبسطتوا
عفه / يعنى
سيف / سلمتيلى عليه
عفه / اه هو كمان بيسلم عليك صحيح يا سيف انت ليه مدافعتش عن نفسك قدامه انا عارفه انك كنت هتغلبه
سيف / ههههههههههههههههههه
عفه / بتدحك على ايه
سيف / يوميها لقيته سرحان فيكى قولت افوقه ادايق و شتمنى قالى بتتمنظر قدامها يا تيت و شتم ادايقت قولتله امال لو انضربت قدامها هتعمل ايه لقيته بقى طور هايج و وقعنى فى الارض بصيت عليكى لقيتك مخضوضه اوى عليه فصعبتى عليا
عفه / مخضوضه عليه
سيف / كان باين اوى خوفك
عفه / طيب
سيف / اتكلمتوا فى ايه تانى بقى
عفه / انت ليه محاولتش تشقط المفاتيح لما طارق حدفهالك
سيف / الدوا اللى باخده بيخلى رد فعلى بطئ و انا لحسن الحظ عارف فعشان كدا بسوق بالراحه لانى هبقى شايف الحادثه و مش هلحق افرمل
عفه / عشان كدا خليت طارق اللى يسوق
سيف / دا لوقطه
عفه / طب افرض مكنش بيعرف يسوق
سيف / العربيه دى فيها وسايد هوا كنت هربطلك الحزام و ربنا يستر بقى هههههههههههههههههههه
عفه / بس انت خطر تسوق فعلا
سيف / انا خطر اعيش اصلا بس سايبنى فهعمل ايه يعنى
عفه / سيف
سيف / نعم
عفه / هو انت هتعيش على الدوا ده طول عمرك
سيف / اللى باقى منه تصبحى على خير خشى نامى
عفه / انجى كلمتنى النهرده انا مكنتش عاوزه اكلمهم بس هى كلمتنى
سيف / انا تعليقى كان عن سما مش انجى
عفه / طيب تصبح على خير
.....................
بعد شويه كتير فى اوضه سيف
عفه تفتح الباب تلاقى سيف نايم فى نص السرير و حاطت اللاب على رجله تدخل تقعد جنبه و تبص فى اللاب و هو بيبصلها باستغراب
عفه / عندك فيس
سيف / ايوه
عفه / ممكن تعملى فيس
سيف / ليه
عفه / اصل الدكتور النهرده كان بيتكلم عن الفيس و كلهم قالوا ان عندهم فيس و انا معنديش فيس ممكن بقى تعملى فيس
سيف / ههههههههههههه حاضر عندك ايميل
عفه / بيعمل ايه ده
سيف / ماشى هعملك ايميل كمان
عفه / ماشى
سيف / بس كدا خلصت معاكى ورقه و قلم اكتبلك الباسورد و الايميل عملتلك الاتنين بنفس الباسورد
عفه / ماشى
عفه تقوم تجيب ورقه و قلم من على مكتب سيف
عفه / ممكن
سيف يهز راسه و هى تديهمله يكتبلها فيهم و يديهملها
عفه / انت بتعمل ايه
سيف / كنت قاعد عالفيس عاوزه اى حاجه تانى
عفه/ طب ممكن تعلمنى استخدمه
سيف / اكيد اقعدى بصى يا ستى انتى بتكتبى الايميل هنا و الباس هنا بيفتحلك لو عاوزه تكتبى اى حاجه او تنزلى صوره او فيديو من هنا و هنا هتلاقى الاصدقاء بتوعك
عفه / بس انا معنديش اصدقاء عالفيس
سيف / هيبقى عندك
عفه / طب انت ليه مش عندى
سيف / ثوانى بصى شايفه من هنا تبعتى طلب صداقه و انا من عندى هقبل ماشى و نبقى اصدقاء
عفه / و اقدر اتكلم معاك هنا عادى
سيف / اه الشات من هنا
عفه / ماشى ابقى كلمنى بقى
تليفون عفه يرن فى اوضتها
عفه / ثوانى اشوف مين
عفه تقوم تروح اوضتها
عفه/ الو
مصطفى / اخبارك بتعملى ايه
عفه / سيف كان بيعملى فيس و يعلمنى عليه
مصطفى / و خالتك يعنى متعرفش تعلمهولك البتاع ده
عفه / خالتو بره
مصطفى / وحياه امك و انتى قاعده مع سيف لوحدكوا و لا ايه ان شاء الله متحترمى نفسك يا بت
عفه مبتردش
مصطفى / ادى اللى كنت عامل حسابه و الله لجيب ابوكى بكره و اجى اجيبك من شعرها
عفه / انت بتكلم مين كدا مين دى اللى تجيبها من شعرها
سيف يدخل
سيف / فى ايه بتزعقى لمين كدا
عفه تقفل السكه و تحدف التليفون على اخر دراعها و تقعد مكانها تعيط سيف يقعد جنبها تترمى فى حضنه و هو ساكت
عفه / انا زهقت انا عاوزه اموت بقى
سيف / متقوليش كدا مفيش حاجه تستاهل
عفه / انا الغلطانه اصلا والله لقول لبابا والله لما انزل البلد لوريله المتخلف الحيوان
سيف / مين مصطفى
عفه/ انا اتخنقت منه مش كفايه مغصوبه عليه مش كفايه يعنى عاوزين يعملوا فيا ايه تانى ميموتونى بقى و يريحونى
.....................
سيف يرفع راسها لعينه
سيف / و لا هو و لا مخلوق يستاهل دموعك دى يا عفه
عفه / انت اصلك متعرفش قالى ايه
سيف / اى كان اللى قاله ممكن تكون لحظه غضب بصى انسى و قومى اغسلى وشك
عفه / منه لله ربنا ينكد عليه زى منكد عليا ربنا ياخده لا مياخدوش هيزعلوا عليه انا كمان هزعل عليه هو على طريق برده
سيف يبتسم
عفه / بتبصلى كدا ليه
سيف / اصلك طيبه اوى يا عفه و شفافه
عفه / اطلع بره انا عاوزه ابقى لوحدى سبنى لوحدى
سيف / طب متعيطيش
عفه / ملكش دعوه سبنى
..................
فى البلد فى بيت مصطفى
حسن / انت عبيط عفه كلمتنى و كانت منهاره مالعياط
مصطفى / انت هتستهبل يعنى كنت عاوزنى اعمل ايه واحد غيرى كان لف و رجع تانى جابها من شعرها و كسر عضمها عشان تعرف ان الله حق
حسن / و مرجعتش ليه هاه مرجعتش ليه و بعدين مين دى اللى تجيبها من شعرها ليه ان شاء الله ملهاش ضهر و لا ملهاش حد يدافع عنها اسمع يا مصطفى عفه لو مكانتش محترمه و بريئه كانت قالتلك بزاكر نايمه بعمل اى حاجه لكن البت لانها ملهاش فى اللوع قالتلك هى بتعمل ايه بالظبط
مصطفى / ايوه عشان تفرسنى عشان تكيدنى
حسن / و هى هتستفيد ايه بده هى كانت بتعمل حاجه و قالتلك عليها زى مهى و بعدين الوضع ده على عينا كلنا بس ده احسن حل
مصطفى / كان هيبقى احسن لو سيف مكنش هناك
حسن / هتفضل لحد امتى تغير من سيف كدا متكبر بقى
مصطفى / سيف مين ده اللى اغير منه
حسن / عليا انا برده يا مصطفى
مصطفى / بقولك ايه انا مش ناقصك
حسن / بص يابن الناس اى كان اللى حصل زمان كلنا كنا عيال و عدى و خلص و اتنسى و هو راح خطب و اهى دلوقت مخطوبالك فانسى انت كمان
مصطفى / انت عبيط يا حسن
حسن / انا برده يابنى اتقى الله و صفى قلبك و نضف دماغك البت كانت معاك طول النهار
مصطفى / معايا و بتتكلم عن سيف
حسن / انت مفيش فيك فايده
مصطفى / انت عاوزنى اعمل ايه يعنى اركب ارايل و اقف اتفرج
حسن / اتكلم عن اختى عدل انا عارف انها مبتغلطش لا تصدق هى غلطت غلطت لما مكدبتش عليك انا لسه قافل معاها و هى قافله على نفسها اوضتها و هاريه روحها عياط اتقى الله يا جدع هى عملت ايه
مصطفى / هتفضل طول عمرك تدافع عنها لما هتبوظها
حسن / امال عاوزينى انا كمان امسكلها الكرباج و اجلدها زيكوا و ساعتها تدور على حد غريب تشكيله مهو لازم يبقى فى حد يرخى مدام كلكوا شادين اوى كدا ماحنا مش هنسلخها يعنى
مصطفى / هى كانت بتعيط جامد يعنى
حسن / انت ايه رايك
مصطفى / انت مؤرف ياض روح بيتكوا يلا خلينى انام
حسن / هتنام ؟؟؟
مصطفى / يوووه هكلمها
......................
فى بيت عفه
مصطفى يتصل متردش تانى تالت ترد
عفه / عاوز ايه
مصطفى / حقك عليا
عفه / ماشى
مصطفى / عفه انا غيرت عليكى
عفه / ماشى
مصطفى / بصى انا عارف انى اتنرفزت و زعقت و قولت كلام غلط بس انتى رديتى يعنى نبقى خالصين
عفه / ماشى
مصطفى / هو ايه اللى ماشى ماشى ماشى متردى عدل
عفه / عاوزنى اقول ايه مفيش حاجه يا مصطفى كلو تمام يا مصطفى كتر خيرك انك افتكرت و اتصلت يا مصطفى ماشى يا مصطفى حصل خير يا مصطفى سبنى انام بقى لو سمحت عندى كليه الصبح
مصطفى / مش هعرف انام و انتى زعلانه منى
عفه / فارق معاك اوى
مصطفى / طبعا فارق والله على عينى بعادنا عن بعض والله على عينى زعلك
عفه / خلاص يا مصطفى سبنى انام و الصباح رباح
مصطفى / طب قبل متنامى على الاقل قوليلى انك مسمحانى متضمنيش ميطلعش عليا نهار يرضيكى اموت و انتى زعلانه منى
عفه / بعد الشر
مصطفى / من قلبك
عفه / طبعا مش ابن عمى
مصطفى / ماشى تصبحى على خير يا قلبى
عفه / سلام
.....................
بعد فتره فى بيت هاله
شاب قاعد مع هاله وولدتها وورد و علبه جاتوه عالترابيزه
الشاب / انا اسف انى جيت منغير معاد بس الحقيقه انا حاولت احدد مامكنش
هاله / خير
الشاب / انا ماجد العياشى الحقيقه انا كنت جيت المكتب عند الدكتور كذا مره مع واحد صاحبى كان بيشترى شقه و شوفتك يا انسه هاله و سالت عليكى و عرفت انك بنت اصول و بصراحه مترددتش لحظه انى اجى اتقدم لحضرتك
هاله / حضرتك فاجاتنى
ماجد / خدى وقتك و اسالى عنى انا بشتغل مندوب مبيعات مرتبى كويس بيعدى الالفين جنيه غير البدلات و الحوافز و الدى ووالدتى الله يرحمهم سافرت كذا بلد بس انا الحقيقه محبتش الجو هناك خصوصا انى كنت بترقى بسرعه فى شغلى هنا و بحقق نفسى هنا يبقى اتغرب ليه و فى الاخر لما هرجع ببدا مالصفر تانى فقررت انى انزل نهائى و استقر
الست / والله يابنى عين العقل بتحايل على بنتى و جوزها يرجعوا مفيش فايده
ماجد / انا عندى امكانيه انى اجيب شبكه فى حدود تلاتين الف و المؤخر اللى تؤمرى بيه يا امى انا راضى و باذن الله مش هنحتاجه و القايمه اللى يتجاب يتكتب انا عندى شقه صغيره تلت اوض و صاله بمنافعهم مفروشه كلها ياريت العروسه تشوفها و اللى ميعجبهاش نغيره و انا عاوزها بشنطه هدومها بس مش طالب حاجه تانى
هاله / بس امى ست كبيره و لوحدها
ماجد / هو انا اطول ست الكل تيجى تعيش معانا انا اتحرمت من امى و انا صغير و اكيد هكون سعيد جدا لو يعنى ربنا عوضنى بام مكانها
الست / بص يابنى انت من كلامك متتعيبش بس احنا منعرفش عندك حاجه
ماجد /لا طبعا خدى وقتك كلو اسالوا عنى انا ممكن اعدى على حضرتك بكره الصبح تيجى معايا تشوفى الشركه اللى بشتغل فيها و تشوفى كمان الشقه بتاعتى و ده الكرت بتاعى اسالوا عنى و لو عاوزين اجيب فيش و تشبيه كمان والله معندى اى مانع
الست / هههههههههه مش للدرجادى يابنى ايه رايك يا هاله
هاله / اللى تشوفيه يا امى
الست / ماشى يا ماجد يابنى هستناك بكره
ماجد / استناذن انا و باذن الله ربنا يقدم اللى فيه الخير
الست / نورتنا يابنى
ماجد يمشى
الست / والله شاب ابن حلال و شكله طيب و امير ايه رايك يا هاله
هاله / و يفرق فى ايه يا امى
الست / انتى لسه مش قادره تنسيه يا بنتى
هاله تدخل اوضتها و تعيط الست تدخل وراها
الست / انا عارفه ان سيف مكنش يتعوض بس هو فين بس يا بنتى و بعدين جالك بعديه بدل الواحد عشره و انا كبرت و عاوزه اطمن عليكى قبل مموت اديكى شايفه حالتنا هسيبك لمين يا ضنايا
هاله / ربنا يخليكى ليا يا امى ربنا ميحرمنى منك ابدا
....................
تانى يوم فى شقه رائعه
ماجد / لو اى حاجه مش عجباكى تتغير انا بقالى ياما بوضب فيها مستنى بنت الحلال اللى تعمرها بس لسه باقى معايا قرشين للفرح و شهر العسل ها يا ست الكل ايه رايك
هاله / حلوه اوى
الست / والله يابنى زوقك عالى و حاجتك كلها حلوه
ماجد / طب ايه نجيب الشبكه بقى و لا ايه
هاله تهز راسها
.............................
فى البيت عند سيف بعد فتره
عفه واقفه فى المطبخ بتحمر بانيه
سيف / بتعملى ايه
عفه / انت صحيت امتى
سيف / لسه صاحى ماما فين
عفه / فى الشغل لسه مجتش اعملك لقمه تاكلها
سيف بيطلع علبه نوتيلا مالتلاجه و ياكل منها بالمعلقه يقفلها يمشى عفه تروحله الاوضه و فى ايدها طبق فيه اكل تلاقيه قاعد فى الضلمه عمال يعيط
عفه / سيف مالك
عفه ترمى الطبق عالكومدينو و تجرى عالسرير جنبه سيف يحط راسه فى حضنها و يعيط بحرقه عفه تعيط هى كمان
عفه / لا يا سيف عشان خاطرى فى ايه بس اهدى يا سيف ابوس ايدك بتعيط ليه كدا
سيف / يارب خدنى بقى يارب انا تعبت لا متخليهوش ياخدنى مينفعش اموت كدا هخش النار مينعفش اموت كدا
عفه / بعد الشر عنك يا حبيبى متقولش كدا ربنا يديك طوله العمر
سيف / انا مخنوق انا عاوز اموت بقى منك لله يا ايمن منك لله
عفه / انت خدت دواك خد دواك
سيف يرمى الحبوب على اخر دراعه تتبعتر فى الارض يقوم جرى يلمها بلهفه و هو بيمسح فى دموعه عفه تقوم تحط ايدها عليه و تقعد جنبه عالارض 
عفه / سيف
سيف يعيط اوى و يترمى فى الارض
عفه / خد دواك يا سيف
عفه تناوله كبايه الميه ياخد حبايه و هو بيعيط تاخد راسه على رجلها و تطبطب عليه و تلعب فى شعره و هى بتعيط
سيف / بتعيطى ليه انا مستاهلش تعرفى انا مش وحش
عفه / لا مش وحش انت احسن واحد فى الدنيا
.................