العفه تقتل احيانا بقلم/ لولو_محمد (كامله)

الجزء الثانى عشر +الثالث عشر

#lolo #لولو_محمد
(((((((((العفه تقتل احيانا )))))))))))))))
الحلقه الثالثه عشر +الحلقه الثانيه عشر

عفه تناوله كبايه الميه ياخد حبايه و هو بيعيط تاخد راسه على رجلها و تطبطب عليه و تلعب فى شعره و هى بتعيط
سيف / بتعيطى ليه انا مستاهلش تعرفى انا مش وحش
عفه / لا مش وحش انت احسن واحد فى الدنيا
.................
سيف / انا مكنتش كدا انا كنت كويس كان عندى كل حاجه و هو خد منى كل حاجه مسبليش اى حاجه غدر بيا خانى قتل كل حاجه حلوه فى حياتى و مرضاش يقتلنى بيفرح بعذابى
عفه / مين ده يا سيف متفرحوش فيك
سيف / اخويا اعز اصحابى
عفه / ايمن
سيف / كنت بعتبره اخويا هو للى غدر بيا هو اللى دمرنى
عفه / عمل ايه يا سيف
سيف يحضنها اوى و يعيط
سيف / انا اسف يا عفه انا اسف
عفه / على ايه يا سيف مالك حرام عليك متعملش فيا كدا خد دواك يا سيف خد دواك
سيف / دا مش دوا دا سم هو اللى حطهولى فى العصير هو اللى فضل يديهونى لحد مادمنته
عفه / عموا عاصم
سيف / لا الشيطان انا اللى صاحبت الشيطان انا اللى دخلته بيتى
عفه / انا مش فاهمه
سيف بصوت نايم / متسبنيش يا عفه انا خايف انا خايف اوى
سيف راح فى النوم عفه تحضنه اوى و تعيط بحرقه عليه
عفه / عمرى مهسيبك يا حبيبى انا جنبك اهو عمرى مهسيبك ابدا
........................
فى فيلا ايمن
ايمن / ههههههههههههههههه
جعفر / دماغك سم يا ريس
ايمن / قوله قدامه اسبوع بالكتير و يخلص الشيخ زمانه جاى عاوز كلو يبقى جاهز قبل ميوصل
جعفر / اوامر معاليك
ايمن / اخبار حبيبى ايه
جعفر / منزلش من بيته من يوميها و بالنسبه للبت اللى كانت معاه فدى اتشافت تانى يوم علاطول مع واحد غيره بيروحها و كذا مره مع امه و السواق بتاعهم بيوصلها رايح جاى بيوديها الكليه اولى اعلام متصاحبه على شله كدا بس لو يلزمك يا ريس لينا مدخل وسطيهم
ايمن / تعجبنى لما تشوف شغلك يا جعفر بس برده تقربله ايه
جعفر / بنت خالته و عايشه عندهم لحد متخلص دراسه
ايمن / عفه
جعفر / انت عارفها يا ريس
ايمن / كبرت انا اخر مره كلمنى عنها كانت لسه بت بضفاير بس عمرى مشوفتها احلوت هه
جعفر / ايه ياريس ناوى على ايه
ايمن / دور و ماشى يا جعفر كلو دور و ماشى خلص انت بس اللى فى ايدك و بكره الدور يجى عليها
..........................
فى بيت سيف
سيف يصحى يلاقى راسه على رجل عفه زى مهى و هى بتبص عليه يقوم منفوض
عفه / بقيت احسن دلوقت
سيف / هو ايه اللى حصل انتى بتعملى ايه فى اوضتى
عفه / انت بقيت كويس انت كنت تعبان خالص
سيف / هو ايه اللى حصل
عفه / انت كنت بتحكيلى عن ايمن و كنت بتتكلم عن شيطان كنت بتقول انه غدر بيك
سيف / انا قولت كدا
عفه / ايوه انت كنت بتعيط على اخرك
سيف يسند ضهره عالدولاب و يتنهد
عفه / كنت بتقول عالدوا ده سم كنت بتقول ان فى حد حطهولك فى العصير
سيف يبصلها / و تفهمى ايه ماللى قولته ده
عفه / انا تعبانه يا سيف ابوس ايدك مفيش دماغ قولى مالك انا هساعدك
سيف / انتى تساعدينى يابنتى ارجعى بلدكوا
سيف يحاول يقوم يقع عفه تقوم تقومه
سيف / انت نضيفه اوى يا عفه هتتوسخى هنا
عفه / مش و انت موجود
سيف / روحى يا عفه كلمى مصطفى خليه يجى ياخدك هو هيصونك
عفه / ايمن عمل فيك ايه يا سيف
سيف / هيفرق فى ايه
عفه / احكيلى طلع اللى جواك انا عمرى مهقول لحد والله انا هبقى سرك هبقى ضهرك
سيف / يا شيخه روحى اسندى نفسك الاول متقرفنيش بقى
سيف يشد مفاتيحه و المحفظه من عالكومدينو و ينزل بهدوم البيت
.........................
بعد فتره
هاله فى العربيه مع ماجد
هاله / انا تعبانه اوى اليومين دول مش مركزه خالص مش عارفه مالى ماما بتقول من كتر اللف على حاجه الفرح
ماجد /تلاقيه ضعف و لا حاجه افتحى التابلوه خديلك علبه عصير دا مستورد مش من هنا .
هاله / ربنا يخليك ليا يا ماجد بقولك ايه منروح نشرب قهوه فى اى حته تعال نروح الكافيه اللى بنروحه كل مره بجد القهوه بتاعتهم ملهاش حل بتظبط دماغى
ماجد / هو كل يوم و لا ايه اشربى بس العصير و انا متاكد انك هتبقى زى الحصان اشربى اشربى يا حبيبتى
هاله تشرب العصير و ماجد بيبص عليها لحد متروح فى النوم العلبه تقع منها يمسك الموبايل
ماجد / تمام يا برنس ..... انت تؤمر
ماجد يسوق العربيه و يطلع
...................
قدام بيت هاله
ماجد يصحى هاله
ماجد / انتى يا بنتى اصحى مالك
هاله / ايه ده انا نمت و لا ايه
ماجد / معقوله يا بنتى مش قولتلك تريحى نفسك
هاله / انا نمت بجد هو احنا امتى معقول نمت كل ده
ماجد / هو انا عارف اصحيكى على مروحنا الكافيه لقيتك نمتى اصحى فيكى ابدا لفيت و رجعت بيكى بس الطريق كان واقف كان فى حادثه انتى اخر مره نمتى امتى
هاله / انا اول مره يحصل معايا كدا بجد اول مره انام بالشكل ده
ماجد / تلاقيكى كنتى تعبانه و لا حاجه قولتلك مليون مره ترتاحى انتى اللى غاويه شقى
هاله / اعمل ايه بس الشغل
ماجد / مانا قولتلك كفايه شغل و هو انا يعنى روحت فين دا كلها اسبوعين و نتجوز و لعلمك بقى بالمنظر ده مفيش شغل بعد الجواز القرشين اللى بتقبضيهم مش هما اللى هياكلونى انا راجل و اقدر اصرف على بيتى كويس
هاله / عارفه يا حبيبى ربنا يزيدك
ماجد / اطلعى بقى نامى و ارتاحى و هكلمك بكره ننزل نجيب الفستان
هاله / اوك تمام سلام
ماجد / سلام يا قلبى
هاله / ماجد
ماجد / نعم
هاله / انا اسفه انى بوظتلك الخروجه
ماجد / ولا يهمك مانتى هتعوضينى
هاله تبتسم و تنزل
......................
فى الفيلا عند ايمن
ايمن قاعد على مكتبه و على رجله بت شمال بيديها سجاره الباب يتفتح و جعفر يدخل و شايل لاب توب يفتحه و يحطه على المكتب و يشغل فيديو و يلفه لايمن علامات الراحه تبان على وش ايمن و دحكه سخيفه تبان بالتدريج على وشه و بعدين يقفل اللاب و يرجع براسه لورا و يتعدل اوى فى قعدته و ياخد نفس عميق و يطلعه براحه
جعفر / ايه سموك
ايمن / هى عامله ايه
جعفر / و لا عرفت اى حاجه سموك البنات رجعوا كل حاجه مكانها
ايمن / هههههههههههههههههههههههههه طب قوله يخلع بقى
جعفر / اوامر معاليك
ايمن / عاوزك تبسطه اوى
جعفر / حصل يا ريس بالاذن
....................
فى البيت عند هاله
الست / مروحتيش الشغل تانى يا هاله
هاله / مش قادره جسمى كله واجعنى تعبانه اوى يا ماما بجد مش قادره خالص
الست / طب متروحى تكشفى اتصلى بماجد يا بنتى و خليه يجى معاكى عند الدكتور
هاله / انا هخرج شويه يا ماما
الست / طب استنى هلبس و اجى معاكى
هاله / لا خليكى انتى انا هروح و اجى بسرعه
هاله تشد شنطتها و تنزل مالبيت توقف تاكس و تركبه و هى جواه تمسك الموبايل و تتصل غير متاح غير متاح غير متاح
هاله / يووووه ايوه هنا شكرا
هاله تنزل مالتاكس قدام كافيه تدخل تطلب قهوه
....................
فى البيت عند سيف
هناء / هتوحشينى اوى يا عفه خدت على وجودك معايا يا حبيبتى
عفه / و انتى كمان يا خالتوا دول اسبوعين بس و هاجى علاطول
هناء / ابقى كلمينى يا بنتى
عفه / حاضر يا خالتوا
سيف / ممكن اجى معاكوا اوصلك
عفه / اكيد سلام يا خالتوا
سيف يشيل الشنطه و ينزل معاها
..............
فى المحطه
سيف / انا عارف انك زعلانه منى من يومها متكلمناش
عفه / عمرى مزعل منك ابدا يا سيف
سيف / انا مكنش قصدى اعاملك وحش والله غصب عنى انتى عارفه غلاوتك عندى
عفه / مش قد غلاوتك عندى
سيف / القطر جه تعالى اركبك خدى بالك من نفسك
عفه / خد انت بالك من نفسك
سيف يسيب ايدها تركب و يمشى و هى بتبص عليه
....................
قدام بيت ماجد
هاله تنزل من تاكس تكلم البواب
هاله / هو استاذ ماجد فوق
البواب / لا دا مشى من هنا خلاص
....................
هاله / مشى ازاى
البواب / الاستاذ ماجد كان ماجر الشقه المفروش اللى فى التالت شهر و جه من كام يوم لم حاجته و مشى
هاله / مشى راح فين
البواب / والله معرفش
هاله / طب شكرا
هاله تمشى و تتصل بيه تانى غير متاح غير متاح
................
فى شركه ادويه
هاله / لو سمحتى الاستاذ ماجد العياشى موجود
الاستقبال / الاستاذ ماجد معدش بيشتغل معانا هو كان بيشتغل شهر تحت التمرين و بقاله اسبوع مبيجيش
هاله / تحت التمرين
الاستقبال / ايوه يا فندم هو فى اى شكاوى او حاجه
هاله / لا مفيش شكرا
..................
فى القطر
تليفون عفه يرن
عفه / ايوه يا ماما
هدايه / ايه يا حبيبتى مال صوتك
عفه / مفيش كويسه
هدايه / طب فينك
عفه / ركبت القطر اهو و بدا يتحرك
هدايه / قبل متوصلى كلمينا اخوكى حسن هيعدى ياخدك مالمحطه
عفه / انا قبل موصل هكلمك حاضر
هدايه / سلام يا حبيبتى
عفه / سلام يا ماما
هدايه / انتى متاكده انك كويسه
عفه / والله كويسه فيا ايه بس
هدايه / طب سلام
عفه / سلام
عفه تقفل السكه اللى جنبها يكلمها و هى مش بصاله
اللى جنبها  / امال مال صوتك
عفه تبص جنبها تلاقى سيف قاعد بينهج
عفه / سيف؟؟ انت بتعمل ايه هنا
سيف / على موصلت لباب المحطه لقيتنى مخنوق و مدايق بصيت ورايا ملقتكيش رجعت قطعت تزكره و جيتلك
عفه تبتسم اوى / بجد
سيف / انا اصلى يعنى خفت عليكى الطريق طويل و ممكن حد يعاكسك و لا حاجه و انتى لوحدك ميصحش هما المفروض كانوا بعتوا حد ياخدك زى كل مره
عفه / اه اصل الشتا كان جامد اوى و الطريق واقف معرفوش يجوا
سيف / انا قولت اوصلك احسن يعنى على الاقل ابقى مطمن
عفه / ايوه
سيف / زمانك مبسوطه انك هتروحى يعنى اكيد انا قرفتك الكام شهر اللى فاتوا خصوصا الفتره اللى فاتت
عفه / لا ابدا بالعكس
سيف / على الاقل هتبقى فرصه تقضى الاسبوعين دول مع مصطفى
عفه / هاه اه طبعا اكيد
سيف / ربنا يوفقكوا هو طيب و ابن حلال و هيصونك
عفه / باذن الله
سيف ياخد حبايه مالدوا عفه تناوله ازازه الميه بتاعتها يشرب
عفه / تعرف ماما هتفرح اوى لما تشوفك
سيف / مفتكرش ان فى حد بيفرح لما بيشوفنى
عفه / انا بفرح
سيف / عشان هبله
عفه / لا بجد انت هتيجى معايا مدام جيت لازم تسلم على خالتك حسن هيستنانى فى المحطه
سيف / انا مش عارف اقولك ايه بس صدقينى وجودى مش هيعمل غير المشاكل
عفه / انت ليه شايف نفسك كدا انت مش كدا و عمرك مهتكون كدا
سيف / انتى محتاجه تلبسى نضاره بصى يا عفه انا عارف انك طيبه بس مينفعش تبقى هبله افتحى عنيكى و بصى حواليكى مينفعش الطيبه دى
عفه / انت بتستقل بيا ليه انا مش صغيره و عارفه الصح مالغلط عارفه مصلحتى فين و مع مين
سيف / اشك
عفه / عشان وافقت على مصطفى انا والله موافقت انا اصلا محدش سالنى بابا ادى كلمه و انت عارف بابا انا مبخفش منه بس مبحبش ازعله مبقدرش اقوله لا مش عشان بخاف انا مبخفش غير ماللى خالقنى بس بابا بيحبنى اوى عمره مرفضلى طلب عمره مزعلنى مينفعش ازعله و اقصر رقبته
سيف / و مين قال انك هتزعليه
عفه / ازاى بس لما اكسر كلامه اكيد هيزعل انت اصلك مشوفتش الكل كان بيلومه ازاى انه وافق انى اكمل الجواز للبنت ستره دى كملت ستاشر جوزها جوزها جوزها كانى لو متجوزتش هفضحه هجيبله العار و احط راسه فى الطين
سيف / مش انتى يا عفه اللى تعملى كدا
عفه تبص لسيف
سيف / انا عارف انك مخنوقه و عارف ان اللى بتمرى بيه صعب بس المهم انك متستسلميش متعمليش حاجه عشان حد تعيشى طول عمرك تعيسه بسببها
عفه / هو انا ممكن اخد حبايه من معاك انا حاسه انى ميكتيئايبه
سيف / اوعى يا عفه اوعى انتى خدتى منه قبل كدا
عفه / لا والله عمرى
سيف / الدوا ده اللى بياخده مره بيعيش عليه العمر كله اوعى تخليه يسيدك
عفه / امال انت ليه بتاخده
سيف يتنهد
عفه / بطله هتتعب شويه بس بعد كدا هتبقى كويس صح مش انت هتبقى كويس
سيف / انتى قولتى انك ايه
عفه / ميكتيئايبه
سيف / ههههههههههههه جديده
عفه / هههههههههههه
سيف / بتدحكى على ايه
عفه / مش عارفه
سيف / هههههههههههه فظيعه
.................
قدام بيت سيف
هاله تنزل مالتاكس تكلم البواب
هاله / استاذ سيف فوق سيف عاصم
البواب / خرج مالصبح و لسه مرجعش
هاله / متعرفش هيرجع امتى
البواب / لا والله معرفش
هاله / طب ممكن رقم موبايله لو سمحت
البواب / انا اسف اوى بس البيه محرج عليا مديش رقمه الجديد لحد على العموم الست هناء فوق اطلعيلها
هاله / لا شكرا هطلع اقولها ايه عن اذنك
...................
فى القطر
سيف نايم عفه تصحيه
عفه / سيف وصلنا وصلنا
سيف يفوق
عفه / وصلنا
سيف يروح يجيب الشنطه و ينزل معاها يلاقى مصطفى و حسن مستنينها
حسن / عفه وحشتينى يا بنت الايه
عفه / سيف خاف اركب لوحدى فقرر يوصلنى
حسن ياخده بالحضن و مصطفى واقف يبص عليه من فوق لتحت
حسن / انت خسيت كدا ليه ياله دانا معرفتكش
سيف / معلش ظروف
حسن / دا خالتك هتفرح اوى لما تشوفك تعال يا راجل تعال
سيف / انا جيت اطمن بس انكوا استلمتوها و راجع علاطول دى عهده
حسن / ههههههههههههه ترجع فين عليا الطلاق ميحصل ابدا
سيف / انت اتجوزت
حسن / لا بس انا حلفت
سيف / ههههههههههههههههههه انا مقولتلهمش فى البيت انى جاى و تليفونى فصل و زمانهم قلقانين
حسن يطلع موبايله
حسن / و ادى موبايلى كلمهم و قولهم انك هتقعد عند خالتك كام يوم
سيف / مينفعش والله انا لازم ارجع
مصطفى / ترجع فين ياض انت انت عاوز تركبنا العيبه و لا ايه هات يا حسن السلبه مالعربيه اما نربط الجدع ده
مصطفى يحضن سيف
مصطفى / متشكر
سيف / على ايه
مصطفى / انت مش رجعتهالى بالسلامه دى لوحدها جميله يا جدع تعال تعال طب و غلاوه عفه عندى يا جدع لتيجى
سيف / عشان غلاوه عفه بس
سيف يمسك موبايل حسن و يركب معاهم
......................
فى فيلا ايمن
ايمن بيتكلم فى التليفون
ايمن / تيجى بالسلامه سموك توصل بالسلامه .........مع السلامه مع السلامه
ايمن يقفل السكه و يدوس زورار فى المكتب من تحت جعفر يدخل
جعفر /  اوامر فخامتك
ايمن / الراجل جاى بعد بكره
جعفر / و الحاجه جاهزه سموك مانت عارف
ايمن / ابعتلها دعوه الفرح كفايه عليها كدا
جعفر / اوامر سموك
ايمن / صحيح يا جعفر هو سيف لسه مظهرش
جعفر/ لا سموك
ايمن / على العموم هانت كلها تكه و الحبوب اللى معاه تخلص و يجى لحد هنا برجليه و ساعتها هكون مجهزله الترحيب اللى يليق بيه
........................
فى المكتب
راجل ببدله يطلع يلاقى هاله بتشرب قهوه عالمكتب بره
الراجل / جرا ايه يا ست هاله بتيجى وقت ميعجبك و شغلك كلو زى الزفت انتى فكراها قهوه ابوكى
.....................