العفه تقتل احيانا بقلم/ لولو_محمد (كامله)

الجزء الثالث و العشرون

#lolo #لولو_محمد
(((((((((((العفه تقتل احيانا )))))))))))
الحلقه الثالثه و العشرون

عفه / لا كنت هتعمل ايه
سيف / غالبا يا هموت حد يا هموت
عفه / يااااه ليه يعنى
سيف / اهو الشيطان لعب فى دماغى بقى افتكرت حد عمل فيكى حاجه
عفه / قال يعنى كنت هتزعل عليا
سيف / انتى عبيطه يا بت و لا ايه حكايتك انتى بجد متخلفه للدرجادى
عفه / متشتمش انت هتنسى نفسك و لا ايه مقولتليش ايه رايك فى الفستان
.....................
سيف / عليكى و عالفستان انا بكلمك فى ايه و انتى بتتكلمى فى ايه
عفه / يووووه انا غلطانه انى جيتلك اصلا انا قايمه
سيف يمسكها و يقعدها
سيف / انا افتكرت ايمن خطفك و كنت خلاص هدخل اولع فيه و فى اللى جابوه لولا ماما اتصلت فى اخر لحظه
عفه / يخطف مين يابنى ايه الافلام دى دى هلاوس مالقرف اللى بتاخده
سيف / انتى عارفه ايمن ده وصل ازاى للى هو فيه ليه مسمى نفسه ملك المزاج انتى اصلا تعرفى هو عايش فين و لا ازاى
عفه / طظ فيه على فكره مبخافش
سيف / لا يا عفه المفروض تخافى لانى انا نفسى خفت خفت عليكى خفت يجرالك حاجه
عفه / لا متخافش و لا هو و لا الاتخن منه يقدروا عليا انا صعيديه و محدش يقدر عليا
سيف / يا جامد انت يا قادر
عفه / بس انت بجد كنت مستعد تروح هناك عشانى
سيف / انتى هبله بجد بقى انتى عبيطه يا بت
عفه / لا بس يعنى مكنتش اعرف انى مهمه اوى عندك كدا انك بتقول انك كنت هتموت يعنى و بتصور ايمن ده كانه شيطان يعنى و له قرون و ديل دا مهما كان قدك برده شاب صغير
سيف /ايمن ده اوطى مخلوق فى الوجود ملوش حدود و لا حد بيقدر يحاسبه دا حتى العيال الصغيره مسلموش من اذاه و سمه
عفه / ليه يعنى مفيش بوليس مفيش حكومه
سيف / فى بس الفيلا اللى هو فيها مكتوبه باسم عضو كبير فى مجلس الشعب و عليها حصانه و مش بس كدا دا عضو فى الحزب الحاكم و انا سالت مره حد اعرفه قالى انه بيبقى عارف ان البوليس جاى و كل مره يروحوا يلاقوا حافله عاديه و مفيش اى مخالفات و مش بس كدا دا الظابط اللى بيقوم بالماموريه بيتنقل و بيتهموه بتشويه صوره رجال البلد المحترمين و بيطلعوا عينه
عفه / للدرجادى
سيف / انتى فاكره ايه انتى لو شوفتى اللى انا بشوفه و انا بشترى القرف ده هتقرفى مالدنيا و اللى فيها
عفه / متروحش هناك تانى
سيف / ياريته بمزاجى
عفه / بمزاجك حاول انا هساعدك
سيف يتنهد
عفه / مصطفى عاوز يكتب الكتاب الاجازه الجايه
سيف / مبروك
عفه / دا اخر كلام عندك
سيف يسكت
عفه / ماشى يا سيف و انا اسفه انى اتصلت بيك انا قولت هتدايق انى سبتك و روحت مع مصطفى بس انا كنت غلطانه واضح انى مش فدماغك اصلا و متقلقش انا بكره اشيلك من دماغى انا كمان
عفه تقوم و سيف ياخد حبايه و يتنهد
....................
يوم الفرح فى البلد
عفه و صحابها يدخلوا
انجى / دا بتكوا
عفه / اه استنى هنادى ماما
هدايه تطلع مالمطبخ و محمود ينزل من فوق
عفه / صحابى انجى سيرين و طارق و طه و سما
هدايه / اهلا يا شباب منورين
محمود / منورين عفه خدى صحباتك الاوضه اللى جنبك فاضيه و الشباب يجوا معايا
انجى / اخوكى ده العريس
عفه / لا ده الوسطانى الكبير هو اللى بيتجوز
انجى / ماشى
عفه تاخدهم و تديهم اوضهم هناء تدخل الاوضه
هدايه / هى خالتك مش جايه و لا ايه
عفه / لا جايين فى العربيه احنا جينا قطر
هدايه / ماشى الاكل جاهز لو حد جعان
انجى / ميرسى يا طنط
عفه / شوفتى بيتنا بقى
انجى / حلو جدا دانتى طلعتى غنيه بقى
عفه / يعنى
انجى / بس يعنى معلش فى السؤال المفروض الصعايده حمشين اوى اخوكى كان عادى لما شاف طارق و طه هو اسبور باين عليه
عفه / لا طبعا انا قيلالهم من بدرى انى هعزمكوا و متفقه على انكوا انتوا الخمسه هتيجوا
انجى / عشان كدا كان متوقع يعنى
عفه / اه انتى هتبقى معايا فى اوضتى لو ميدايقكيش
انجى / لا طبعا احسن كتير من انى ابقى مع سما
عفه / انا خايفه من وجودها هنا اوى بس مقدرتش امنعها تيجى اعمل ايه بس
انجى / حصل خير يلا بقى عشان نلحق نظبط قبل الفرح
عفه / نظبط من دلوقت
انجى / اقل واجب يادوب نعمل كام مسك كدا نروش يعنى
عفه / هههههههههه اوك نجرب
.................
بعد شويه
عفه و انجى عاملين ماسك ووشهم اخضر
عفه / البتاع ده نشف على فكره
انجى / طب استنى ثوانى و نقوم نغسل وشنا
عفه / ماشى
انجى / عفه هو انتى و خطيبك كنتوا بتحبوا بعض و انتوا صغيرين
عفه / لا
انجى / انا ساعات بستغرب انتى ليه مش بتتكلمى عنه خالص
عفه / اتكلم اقول ايه
انجى / اى حاجه ماللى بيعملوها المخطوبين اى موقف رومانسى قالهولك او حصل بينكوا اى وعود مش ناوى يوفى بيها ههههههههههههه
عفه / ههههههههههههههههه
انجى / اخدعك يعنى ادحك عليكى مش هى دى الحقيقه
عفه / و انتى عارفه انه مش ناوى يوفى و برده بتصدقى
انجى / اعمل ايه يعنى مهو انا ساعتها هبقى غرقانه فى العسل
عفه / و تفوقى بقى بعد فوات الاوان
انجى / كدا كدا هتفوقى بس على الاقل تلحقى يومين كل الناس بتقول الحب بيموت بعد الجواز
عفه / الا عيلتى بتقول بيتولد بعد الجواز
انجى / بجد دى نظريه حلوه اوى
عفه / ووحشه اوى
انجى / قصدك ايه
عفه / انا اخويا خاطب بنت عمه و اخويا التانى خاطب اختها و انا مخطوبه لاخوهم التالت تفتكرى كل ده صدفه
انجى / ايه يعنى مبتاخدوش من بره
عفه / حاجه زى كدا
انجى / انا بتاعى نشف يلا نقوم نغسل وشنا بقى
..................
فى الفرح
سيف واقف فى جنب مصطفى يسلم عليه و الاتنين نفس الجرافات
مصطفى / ايه يا عم البوفيه نزل متقعد تاكل لقمه
سيف / الدنيا زحمه اوى جوه و انا مليش في الاكل اصلا مانت عارف
مصطفى / انا عاوز اقولك حاجه
سيف / خير
مصطفى / انا اسف انى كنت بدايقك
سيف يرفع حاجبه
مصطفى/ عفه قالتلى انى جرحتك فى الكلام لما كنت عندنا و انا فعلا كان دمى تقيل اوى معلش حقك عليا
سيف / متاخدش فى بالك انا بس عاوزك تاخد بالك منها
مصطفى / دى فعنيا
سيف/ لا انا عاوزها تبقى فى قلبك
مصطفى يبتسم و يمشى و شويه و القاعه تفضى ميفضلش غير القرايب و الدى جاى ينادى عالكل و يشغل اغانى و الكل يرقص و سيف قاعد جنب باباه عالترابيزه سما تروح تقعد جنبه
سما / هاى سيف هاى اونكل ممكن اقعد
عاصم / اهلا يا بنتى اتفضلى
سيف يوطى على سما
سيف / بابا دكتور نفسيه بتاع مدمنين يعنى هيعرف
سما / غريبه مع انه معرفكش شكله مش شاطر
سيف / براحتك
سما / متخفش عليا انا شاطره اوى فى الموضوع ده
عفه تروح للدى جاى و تمسك المايك
عفه / اولا احب ابارك لاحلى عريس فى الدنيا حبيبى حسن و اختى القمر امينه بس الاغنيه دى انا بهديها لحد غالى اوى على قلبى اسمحولى يعنى
عفه تروح للدانس فلور و سط اخوتها الاتنين و خطيباتهم و اصحابها و الدى جاى يشغل اغنيه بطل تغنى جنات و عفه ترقص معاهم و مصطفى جنبها
احمد ربنا ان انا معجبه بيك اصلا متمثلش احمد ربنا ان اتثبت انا اصلى مبتثبتش و انا يعنى عشان حبيت تتقل و هتعملى محبتش و انا متاكده انك مش كدا و فحبى انت دايب وش
سيف يبتسم بعيد و هى عينها عليه و بترقص مع صحباتها و اخواتها و مصطفى حواليها
بطل تغنى و تعيش عليا بدل معيشها انا كمان عليك عاملى قال ايدك فى ميه و انا شوقى ناره ايده فى ايديك
و تروح تشد سيف من عالترابيزه هى و مصطفى يقوم يقف معاهم
هو انت تطول تحب زيى دانا يابنى معدش حد زيى دانا فرصه يا هتلحقها يا راحت عليك
الكل يشاوروا على عفه و هى تشاور على نفسها و هى بتهز فى كتافها و راسها و سيف واقف بيدحك مصطفى يقلع الجاكت و يحدفه على اقرب كرسى و يمسك ايدها
اعقل بقى كدا دانا قلبى خلاص جت منه و قال حبيت و انا يوم مانا احبك تبقى خلاص كدا فى الحب اترقيت و لا انا عشان جت منى هتعمل فيها تقيل و حويط فيها ايه لما انا بقى انا اجيلك دا الشوق مفيهوش اتيكيت
عفه تروح تمسك سيف و تشده فى الدايره و بترقص و هو واقف بيبص على مصطفى مصطفى يمسكه و يرقص معاه و اول مالاغنيه تخلص يجى يقعد عالكرسى جنب ابوه
....................
فى البيت بعد الفرح
مصطفى و هدايه و سلامه و محمود و عفه و صحابها و سيف و اسرته داخلين ورا بعض
مصطفى / انما ايه المزاج العالى ده يا عفه
عفه / مش فرح حسن مستنى منى ايه يعنى
انجى / متقربوا من بعض كدا اما اخدكوا صوره
عفه / مشبعتيش صور
مصطفى / خدى خدى نلحقها فى المود
مصطفى ياخد عفه تحت باطه و يضمها اوى و انجى تصور و عفه مبتسمه بالعافيه
سيرين / بس بجد مكنتش متخيله انى هنبسط كدا عقبالك يا عفه
مصطفى / يارب
انجى / ههههههههههههههههه
عفه / انا هموت مالتعب
هدايه / و انا كمان والله خلاص من امبارح و انا على رجلى
مصطفى / انا همشى بقى و هاجى بكره بعد الصلاه
انجى / ايه ده يعنى مش هنسلم عليك قبل منسافر
مصطفى / تسافروا فين هو دخول الحمام زى خروجه انتوا اتخطفتوا هنا خلاص
طارق / تتخطف مين ياعم دى عهده انا سايب كليتى عند امها رهن
سيرين / هههههههههههههههه انت فظيع
مصطفى / بجد مفيش حد يمشى بكره على الاقل لحد مسلم عليكوا
عفه / مش هسيبهم يمشوا
مصطفى / تصبحى على خير
عفه / و انت من اهله
مصطفى / هكلمك
انجى/ انا هبقى جنبها على فكره
مصطفى / طارق انت قولت سايب كليتك صح
طارق/ ههههههههههههه قولتلك نمشى
مصطفى / ههههههههههههههههههه
محمود / شكلك مرهق يا سيف يلا نطلع احنا اوضتنا ننام متخافش انا مبشخرش
سيف / ماشى يلا بينا