العفه تقتل احيانا بقلم/ لولو_محمد (كامله)

الجزء الرابع و العشرون

#lolo #لولو_محمد
((((((((((((((((ألعفه تقتل احيانا  ))))))))))))))
الحلقه الرابعه والعشرون

مصطفى / هكلمك
انجى/ انا هبقى جنبها على فكره
مصطفى / طارق انت قولت سايب كليتك صح
طارق/ ههههههههههههه قولتلك نمشى
مصطفى / ههههههههههههههههههه
محمود / شكلك مرهق يا سيف يلا نطلع احنا اوضتنا ننام متخافش انا مبشخرش
سيف / ماشى يلا بينا
.....................
فى اوضه عفه و انجى
الاتنين نايمين عالسرير بيتكلموا
انجى / بس حلوه الحركه الجامده بتاعتك انتى و مصطفى دى بجد يخربيت الرومانسيه انا بجد كنت هموت ارزقنى يارب
عفه / هههههههههههه حركه ايه
انجى / بتاعه الاغنيه و الاهداء واحد فبالى كدا قال يعنى احنا هبل و مش باين يعنى هو مين
عفه / يعنى هو كان باين
انجى / بصراحه قبل الاغنيه مكنش باين انك معجبه بيه حتى بس بعد الاغنيه و الفرح كل شئ انكشفن و بان
عفه / هههههههههههه
انجى / الحب ده جميل اوى يا عفه
عفه / الحب ؟؟؟ لا مفتكرش انا شيفاه عذاب
انجى / عفه يا بنتى النجم وائل جسار قالها حكمه
عفه / اشجينى
انجى / حلو عتابه و انا على بابه و مفيش اطيب من كدا اجمل حاجه فى الحب عذابه حتى و لو هو ابتدى
عفه / هههههههههههههههه حبيته انا لما شوفت عيوبه و مفيش اجمل من كدا
انجى / مانتى معايا عالخط اهو
عفه تتنهد
انجى / ايه يا بنتى مالك
عفه / قلبى مقسوم نصين نص مع ابويا و نص مع حبيبى ولازم اختار نص يعيش و نص يموت
انجى / ايه الكلام الكبير ده
عفه / هحكيلك بس صحصحى معايا
انجى / احكى
عفه / عارفه لما تعيشى عمرك تحلمى بحاجه واحده بس امنيه واحده بس و بعدين تبقى قدامك و مش قادره تقربى منها لانك متكتفه بحاجات كتير اوى و مهما تحاولى تكسرى فى القيود دى يطلعلك غيرها و فى الاخر تلاقى مكتوب عليها ممنوع الاقتراب تسبب الوفاه
انجى / دا العجل فى بطن امه ده هى فزوره متوضحى قيود ايه و حلم ايه ووفاه ايه هى علبه سجاير
عفه / عمرك حبيتى يا انجى
انجى / لا بس هموت و اجرب
عفه / بتؤمنى بالقسمه و النصيب
انجى / طبعا ماما دايما تدعى اللهم خير لى و اخترلى فانا لا احسن الاختيار
عفه / انا برده بدعى ربنا كدا فى كل صلاه بس قلبى واجعنى اوى خايفه اللى حلمت بيه طول عمرى ميكنش نصيبى
انجى / ميمكن ده احسن
عفه / ميمكن ربنا يكون باعتنى سبب التغير
انجى / تغير ايه
عفه / لو حبيبك فى مشكله فيه طبع وحش هتستحمليه و لا هتغيريه و لا هتسبيه
انجى / لو بحبه عمرى مهسيبه ابدا هحارب الدنيا هحاربه هو شخصيا لحد ميتغير و يبقى احسن حتى لو مت و انا بحاول بس عمرى مهسيبه ابدا
عفه / انتى صح انا مش هينفع اسكت هيتغير يعنى هيتغير حتى لو ربطه فى السرير
انجى / هو مين ده اللى هتربطيه فى السرير يا قليله الادب
عفه / نامى يا زباله انا غلطانه انى بتكلم معاكى اصلا
انجى / ههههههههههههههه انا برده ماشى ياختى اوعدنى يارب
...............
فى فيلا ايمن
ايمن / يعنى الفرح كان جامد
سما / جامد اخر تلت اربع حاجات اولا انا مكنتش متخيله كدا خالص
ايمن / طب متحكيلى يا قلبى انتى تقلانه عليا ليه
سما / بصى يا سيدى انا كنت فاكره اننا هنروح بين فلاحين و بتاع زى بتوع التليفزيون بس مطلعش كدا خالص دا بيت كبير تلت ادوار و بجنينه واسعه و كبيره كانه بيت عمده او حاجه
ايمن / سيبك مالبيت
سما / الفرح كان حلو و على اعلى مستوى كانه معمول هنا بالظبط و العروسه كانت حلوه و محجبه و عادى يعنى و عفه كانت لابسه فستان حلو و رقصت مع خطيبها عادى خالص
ايمن / و سيف كان فين و هى بترقص مدايقش خالص مسبش المكان و مشى
سما / و ايه اللى يدايقه اصلا هو فى بينهم حاجه و لا ايه
ايمن / انا بسال بس كملى كملى
سما / لا عادى هو اصلا كان طول الوقت بره القاعه و بيقعد شويه جنب باباه و يمشى علاطول بس غريبه اوى انا اكتشفت ان باباه دكتور ادمان كبير اوى ازاى و سيف بالوضع ده
ايمن / باب النجار مخلع
سما / اللى بجد مش فهماه سيف شخصيه غريبه اوى
ايمن / كلهم قالوا عنه كدا
سما / بتكلم جد يعنى تحسه جد مش بتاع بنات ملوش فى الكاس شكله اصلا مش بتاع مزاج واد تقيل تقيل
ايمن / تعرفى ان حتى النوع اللى بياخده مهواش بتاع مزاج يعنى الاسم مدمن بس مبيعملش دماغ
سما / و دا لزمته ايه
ايمن / قولتلك وش فقر من يومه تعرفى ان سيف ده كان صاحبى من و احنا فى المدرسه
سما / نو واى مصدقش طبعا
ايمن / لا صدقى انا اعرف سيف من و هو بيجرى بالشورط ورا الكوره فى الشارع بس هو من يومه فقرى فمكملناش سوا شوفى الحال دلوقت شوفى انا فين و هو فين
سما / مش ظريف على فكره
ايمن / صعب عليكى
سما / مش الفكره بس اسلوبك فى الكلام عنه مش ظريف
ايمن / تعرفى يا سوما انا مفيش مناخير اترفعت فوشى الا لما كسرتها
سما / دا غرور يعنى و لا ايه
ايمن / خليكى حبيبتى احسن
سما / انت شكلك سكرت انا هروح بقى و ابقى اكلمك لما تفوق
ايمن / من امتى بتحبى الفوقان
سما / انا ماشيه عشان انت بدات ترعبنى سلام
سما تفتح الباب تلاقى جعفر فى وشها ايمن يشاورله يسيبها تمشى و يدخل 
جعفر/ بتفكر فى ايه سموك
ايمن / تعرف مفتاح اللعبه دى فين
جعفر / فين سموك
ايمن / هاله هى فين دلوقت
جعفر/ نايمه فوق
ايمن / ماشى انا طالعلها
جعفر / اللى تشوفه سموك
..................
فى اوضه
هاله نايمه عالسرير و مستغطيه ايمن يدخل يقلع قميصه و ينام جنبها تتفزع
ايمن / متخافيش دا انا اهدى يا حبيبتى اتفزعتى ليه تعالى كدا تعالى
هاله تنام فى حضنه
ايمن / وحشتينى اوى
هاله / انا تعبانه اوى يا ايمن
ايمن / انا جاى اريحك
ايمن يدى لهاله حبايه
ايمن / احسن
هاله تهز راسها
ايمن / انتى عارفه معدش لينا غير بعض الواد سيف الواطى خطب النهرده منغير حتى ميكلف نفسه و يعزمنى
هاله تتنهد و ايمن يبتسم
ايمن / تخيلى خطب بنت خالته
هاله / عفه؟؟؟
ايمن / ايه ده هو حكالك عنها
هاله / هو كان بيحكى غير عنها دا كان نفسه يجيب بنت و يسميها عفه
ايمن / شوفى الواطى عمره محكالى عنها كان بيقولك ايه بقى
هاله / كانت الحب الاول فى حياته كان بيحب العيد اوى عشان يروح يشوفها فى البلد
ايمن / ايه الهبل ده امال انتى كنتى ايه
هاله / كان بيقولى انا عمرى مكنت متخيل ان فى واحده فى الدنيا هتقدر تشيل عفه من خيالى كان بيقولى انتى الحب اللى سيطر ليه يا ايمن بتفكرنى بالوجع ده حرام عليك
ايمن / انتى حبيتيه ليه كان فيه اى زياده عنى تحبيه اكتر منى كدا
هاله / عشان هو حبنى
ايمن / و انا ايه
هاله / انت عمرك محبيتنى انت طول عمرك بتبص على اللى فى ايد غيرك و بس انت بصتلى بس عشان سيف بصلى لو كنت حبتنى و لو للحظه مكنتش عملت فيا كدا انت بتكره سيف لدرجه انك عاوز تشوه كل حاجه حلوه حبها فشوهتنى و شوهته
ايمن / انتى معاكى حق انا عمرى محبيتك انا عمرى محبيت حد و ده اللى قوانى الكره قوانى و نظره الرعب اللى فى عنيكوا منى بتقوينى
هاله / بس افتكر دايما ان القوى فى الاقوى منه
ايمن / اه طبعا ماشى بقولك ايه صحيح هو موحشكيش و لا انتى مش قادره تشوفيه ضعيف
هاله / سيف عمره مكان ضعيف و لا هيكون و ده اللى قاهرك ده اللى مخليك مش قادر تنساه انك لحد اللحظه دى مقدرتش تجيبه تحت جزمتك هو اه محتاجك بس مش مكسور عينه مبتتكسرش مشبعش ساديتك المريضه و عمرك مهتكسره ابدا و انت عارف
ايمن يقوم يلبس قميصه و على وشه ابتسامه شريره و ملامح خوف على وش هاله ايمن يفتح الباب
ايمن / جعفر هاله مش فى المود خدها فرفشها شويه هى خلاص معدتش تلزمنى اعمل فيها اللى يعجبك
جعفر / اللى تؤمر بيه سموك
...................
فى البيت بعد فتره فى مصر
عاصم و هناء و سيف و عفه عالسفره بياكلو
عفه / صحيح يا عموا انا بعد اذنك يعنى كانت عاوزه اكتب مقاله كبايبر يعنى للكليه و انا قولت انى لازم اكتب فى حاجه مهمه و اقدر اجمع معلومات بسهوله
عاصم / ايوه يا حبيبتى
عفه / انا اخترت المخدرات انا تابعت كل الحلقات بتاعه حضرتك فى التليفزيون بس فى عندى شويه اساله
سيف يبصلها
عاصم / اسالى يا ستى و انا هجاوب
عفه / هو ممكن انسان مدمن يعيش حياه طبيعيه
عاصم / هو لو بطلها طبعا ممكن و نسب الشفا عاليه جدا بس معتمده على ظروف كتير
عفه / لا متعاطى يعنى ممكن متعاطى يعيش عادى
عاصم / لا طبعا يا عفه المتعاطى ده بالظبط كانك بتدى لواحد سم بس بجرعات صغيره جدا بتاثر على جميع وظايف الجسم يعنى فى حالات كتير جدا بتتشل و فى اللى بيتجن و فى اللى بيموت ازاى يعيش حياه طبيعيه و هو جسمه مش قادر يقوم بوظايفه و الا مكنش ربنا حرمها
عفه / انا فاهمه بس يعنى اى هو ممكن يكون الانسان مدمن و مش باين عليه اعراض يعنى فى اهالى كتير اوى مبياخدوش بالهم ان ابنهم مدمن
سيف يكح
هناء / اشرب يا حبيبى اشرب تلاقيك شرقت يا حبه عينى
عاصم / بصى يا عفه المفروض ان الاب و الام يكونوا مركزين اوى مع اولادهم ده دورهم يعنى مهما كان شغلهم مهم وواخد كل وقتهم بس برده يا عفه ابنهم اهم من اى حاجه تانيه الا بقى لو مكنوش يعرفوا فعلا اعراض المخدرات
عفه / لا لو عارفين الاعراض بس مش واخدين بالهم ان ابنهم مدمن يعملوا ايه يعنى
هناء / المشكله فى معظم الحالات اللى بتيجى لعاصم فعلا و حكالى عليها ياما الاهل حاولوا كتير يمنعوا اولادهم بصوره غلط ياما اتصدموا جدا لما عرفوا يعنى كان فى حاله اعرفها مكنتش مصدقه ابدا ان بنتها مدمنه و عاصم يحلفلها مليون يمين تقوله دى فيتامينات دانا اللى بشتريهالها بايدى
عفه / فيتامينات
عاصم / كانت افيونات مسكنات البنت كانت ضعيفه و بتشتكى من الصداع مستمر بدل متحلل انيميا بدات تديها مسكنات و طبعا لانها كانت فى الكليه و بتزاكر طول الوقت فكانت فاكره ان التعب سببه السهر وواحده واحده الجرعه بقت تزيد و البنت مبتقومش مالسرير من كتر النوم لحد مواحده معانا فى المركز راحت تزورهم هى كانت قريبتها فبتسال عن البنت حكولها ان المزاكره دمرتها و كلمه من هنا كلمه من هنا الست تصرخ و تقول مستحيل دانا اللى بشتريهولها بايدى اهى دى مثال كبير عن خطر الجهل باعراض المخدرات
هناء / و برده خطر انك تاخد اى دوا منغير اشراف طبى
عاصم / دى حقيقه دا غير تعارضات الادويه احيانا واحد ياخد دوا لمجرد علاج البرد ممكن يموت لان المواد اللى فى الدوا بتتعارض مع ادويه تانيه المريض بياخدها
هناء / صح عشان كدا لازم استشاره الدكتور قبل اخد اى دوا لان حتى الادويه لاى مرض حتى لو برد بيجى وقت و مفعولها بيروح بتبقى انت بتاخد الدوا لكن هو مش شغال فتزود الجرعه لنفسك و هكذا لحد متحصل كارثه
عاصم / فاكره الحامل اللى حكيتيلى عنها
هناء / دى كانت مصيبه كان عندهم تربيزه ازاز فى البيت اتكسرت و دخلت حته كبيره فى رجلها جوزها الاهبل بدل مياخدها للدكتور يطهر جرحها و يخيطه البيه اداها حبايه مسكن قويه هو نفسه كان بيتعاطاه و كتمولها الجرح ببن
..................