العفه تقتل احيانا بقلم/ لولو_محمد (كامله)

الجزء الرابع عشر

#lolo #لولو_محمد
(((العفه تقتل احيانا )))))))))
الحلقه الرابعه عشر

فى المكتب
راجل ببدله يطلع يلاقى هاله بتشرب قهوه عالمكتب بره
الراجل / جرا ايه يا ست هاله بتيجى وقت ميعجبك و شغلك كلو زى الزفت انتى فكراها قهوه ابوكى
.....................

هاله / انا اسفه اوى والله يا فندم انا فعلا تعبانه اوى اليومين دول
الراجل / تعبانه تقعدى فى بيتكوا لحد متخفى لكن انا مش فاتحها تكيه هنا دى فلوس ناس
الراجل يدخل المكتب و يرزع الباب وراه و واحد يدخل المكتب
الواحد/ لو سمحتى كان معايا جواب لانسه هاله السماك
هاله / انا
الواحد / شكرا عن اذنك
الواحد يمشى هاله تفتح الجواب بسرعه تلاقى فيه سى دى و ورقه
هاله / اتفرجى عليه لوحدك انا اتصدمت لما شوفته صديقك المخلص ايمن دا عنوانى مستنيكى
هاله تترزع عالمكتب و تمسك السى دى و تشغله دقيقه بالظبط و تطفى و الدموع تنزل منها بهبل و تشد السى دى من جوه الكمبيوتر و تجرى و تنسى موبايلها عالمكتب
........................
فى البيت فى البلد
حسن / تمشى فين
سيف / انت حلفت اجى معاك و جيت و بعدين انا معنديش هدوم ابات بيها
حسن / يا جدع دولابى كله تحت امرك يا عفه يا عفه
عفه تدخل جرى
عفه / نعم
حسن / احسن جلبيه عندى للغالى
عفه / من عنيا حاضر
عفه تطلع تجرى حسن ينادى عليها
حسن / و توضبيله احسن اوضه
سيف / والله يا حسن مينفع
حسن / يا سيف انت بتقول ايه انت جيت مكلتش لقمتين على بعض و قولنا تعبان و عشان معدتك و بعدين قعدت معانا شويه
سيف / انا تعبان والله يا حسن متضغطش عليا
عفه تنزل و معاها جلبيه
حسن / تعبان اطلع ارتاح انت مش معاك دواك يا سيدى لو معكش هات بس اسمه و انا اجيبهولك من اقرب صيدليه ان شالله ابعت اجيبه من مصر بس مانتش ماشى
عفه / خليك بقى يا سيف
سيف يبصلها
عفه / يعنى متخليش حسن يتحايل عليك يعنى
سيف يبص لحسن
حسن / ابويا لو عرف انك مشيت هيطخنى يرضيك
سيف / ههههههههههه لا ميرضينيش
حسن / تعال اوصلك اوضتك تعال يا راجل تعال
.....................
تحت حسن نازل مصطفى مستنيه
مصطفى / خلاص تبت قدمه فى البيت
حسن / دا ضيف
مصطفى / خد واجبه يمشى بقى هو انا كنت بقعد اشرب بق ميه فى بيتهم
حسن / انت عاوز ايه
مصطفى / انا اصلا مش فاهم ايه اللى جابه
حسن / الحق عليه فعلا تصدق كان المفروض يقطع التزكره و يسيبها فى المحطه هو اصلا مش ملزم انه يستنى حتى اما القطر يتحرك اهو يمكن عيل كدا و لا كدا يغلس عليها الراجل طلع شهم و جابها لحد هنا مخطفهاش و هرب
مصطفى / يوووه بقى
حسن / فضها سيره بقى يا مصطفى دانت ابو الواجب كله
مصطفى / انا مش مرتاحله مبحبوش يا جدع
حسن / يا اخى اتقى الله الراجل عيان و صحته معدومه مانت شايف شكله مصعبش عليك لما شوفته يعنى دانا قلبى اتقطع عليه بزمتك ده سيف بتاع زمان ربنا يشفيه
مصطفى / انا غلطان انى بتكلم معاك انا رايح اشوف محمود
.....................
فى فيلا تانيه
حفله كبيره و فيها سما بترقص جعفر يدخل يجرى عليه عيل سيس يحضنه
العيل / حبيب قلبى جعفر دانا مستنيك من بدرى
جعفر / و انا مقدرش اتاخر عليك تعال يا اكرم
اكرم و جعفر يدخلوا المكتب
اكرم / حبيبى ايه الاخبار
جعفر يطلع كيسه مليانه برشام و يديهاله
جعفر / سمو الملك بيمسى
اكرم / حبيبى والله دا العيال بره خرمانه مالصبح
جعفر / سموه بيقولك انه عاوزك تبعتله بمبونايه عشان يحلى بقه
اكرم / هو علبه الحلويات اللى بعتهاله لحقت تخلص
جعفر / هو عاوز نكهه معينه
اكرم / يشاور لو عندى متاخرش
جعفر / لا عندك بره انا شايفها و انا داخل
اكرم / سموه يشاور و انا اظبط بس
جعفر / دا العشم مستنيك تجيبها و تيجى انا هشاورلك عليها و انا خارج
اكرم / حاضر
.....................
فى فيلا ايمن
هاله تحاول تدخل الامن يمنعوها
هاله / انا عاوزه اشوف ايمن حالا
الامن / مين حضرتك
عربيه هامر تقف بره و جعفر ينزل منها
جعفر / اوعى يا حمار انت مش عارف مين دى ولا ايه احنا اسفين سموك الملك فى انتظارك جوه
هاله تدخل معاه و هى بتبصله لحد ميوصلها المكتب يفتح متلاقيش حد
جعفر / ثوانى بس اديله خبر بوصولك
هاله تدخل تتفرج يمين و شمال على المكان
باب المكتب يتفتح و ايمن يدخل و هو بيزرر قميصه
ايمن / مش كنتوا تقولى انك جايه كنا فرشنا الارض ورد
هاله تطلع السى دى من شنطتها
هاله / ايه ده
ايمن / اقول ايه بس والله اتصدمت لما شوفته يلا ولاد الحرام
هاله / و دينى و ما اعبد لو مقولتش ايه ده يا ايمن و ربنا لوديك فى ستين داهيه
ايمن / ايه ده ايه اللى تحت عنيكى ده اقعدى اقعدى جعفر انت واقف و ساكت
جعفر يروح يفتح درج و يطلع منه علبه و يحطها على المكتب مليانه حبوب ايمن يروح للعلبه
ايمن / الحبايه دى هتريحك عالاخر انا حاسس بيكى اصلى خبير و عارف
هاله / دى اخرتها تعمل فيا كدا
ايمن / والله مقدر انتى عارفه غلاوتك انا اصلا مصدقتش لما شوفت السى دى والله مقدرت اكمله حتى كملتيه
هاله / اخرس و قولى جبته منين
ايمن / جعفر اعمل فيه ايه بس عنده عاده زباله يموت فى الاباحه بيدفع فلوس كتير اوى على الحاجات دى مع انها مرميه حواليه فى كل حته صح يا جعفر
جعفر / الواحد لازم ياخد فكره عن السوق معالكى
ايمن / جبته بكام ده يا جعفر
جعفر / تلاته جنيه معالك
هاله تقع فى الارض و هى منهاره مالعياط
ايمن / خدى الحبايه هتريحك
هاله / حرام عليك انا عملتلك ايه لكل ده
ايمن / الحق عليا انى عاوز وجعك يروح انتى متعرفيش قد ايه صعب عليا اشوفك بتتوجعى كدا انتى عارفه غلاوتك يا حبيبتى
هاله تعيط
ايمن / الوجع هيزيد خديها عشان تلحق تعمل مفعول ساعتها هنضطر ناخد حقن و نشوه الايدين الحلوه دى بمنظر مش لطيف
هاله تاخد الحبايه منه يناولها كوبايه الميه
ايمن / انتى حبيبتى يا هاله و انا تحت امرك فى اى وقت و ارخص سعر فى السوق حتى اسالى سيف الحمد لله انه مبيتفرجش عالافلام دى يا عالم ايه اللى هيجراله لو عرف لا و المصيبه امك العيانه
جعفر / و لا جوز اختها هيعمل ايه دا مش بعيد يطلق اختها و يبعتها على مصر تشحت بابنها
ايمن / و يمكن ساعتها متلاقيش تاكل تضطر يا عينى تبيع نفسها و تصور حاجات من دى الدنيا بقت وحشه اوى يا جعفر
هاله / كفايه بقى حرام عليك انت بتعمل كدا ليه انت عاوز منى ايه
ايمن / عاوز راحتك يا حبيبتى عاوزك جنبى اكله شاربه نايمه حتى المزاج
هاله / و المقابل
ايمن / انا برضه اخد حاجه من حبيبتى الا صحيح يا هاله الواد ده دفعلك كام فى الفيلم ده
هاله / اخرس يا حيوان
ايمن / حيوان انا فعلا حيوان معاكى حق يعنى صورتيه لوجه الله اصلى مركزتش
جعفر / انا ركزت كانت نايمه سموك
هاله تبص لجعفر و هى منهاره مالعياط
ايمن /ولاد الحرام يا جعفر ولاد الحرام هتعملى ايه فى المصيبه دى يا هاله يا حبيبتى
هاله / ربنا ينتقم منك ربنا ياخدك
ايمن / و لما ياخدنى مين يستر على المصيبه دى
جعفر / فى واحد سموك هو الوحيد اللى ممكن يقبل يعنى يكتب عليها
ايمن / حبيبى يا جعفر مين يا جعفر
هاله / ربنا ياخدك منك لله
ايمن نبرته تتحول لجد و يرفع حاجبه
ايمن / الراجل جاى بكره قدامك حلين تروحى محدش هيمنعك و ساعتها هبعت تلت نسخ مالسى دى واحد لحبيب القلب وواحد للست الوالده وواحد لجوز اختك
هاله تبصله و تهز راسها لا
ايمن / التانى انك تبقى حلوه معايا هدلعك اخر دلع هبعتك عند الكوافير ينضفك
ايمن يمسكها من هدومها بقرف
ايمن / و يرجعك ليا عروسه تقعدى مع الراجل الكام يوم اللى هو فيهم هنا الراجل ايده فرطه هيديكى كل اللى تطلبيه مقابل انك تعمليله كل اللى هو عاوزه و متخافيش مبيعضش
هاله / حرام عليك يا اخى دانا زى اختك
ايمن / استغفر الله انا اختى تتصور فى اوضاع زى دى برضه حرام عليكى يا شيخه
هاله / اتقى الله يا ايمن
ايمن / اللهم اجعلنا من المتقين بصى اختارى و متخافيش لما الراجل يسافر جعفر هيشوفلك غيره دا متخصص و مالفلوس اللى هتاخديها منهم اشترى مزاجك و اكلك و شربك و نومتك و هدمتك و كوافيرك عليا عشان تعرفى غلاوتك عندى فكرى قدامك الباب و قدامك جعفر اختارى
جعفر / بس بسرعه عشان فى واحده تانيه عاوزه تقابل سموه
ايمن / هتختارك طبعا يا جعفر هايا عاقله و بتسمع الكلام